Ilembile Mateu 3:1-17
3 Malambo enao, Juwau Namabadiza atoodhowa kokolani * ya Yudeya noroma laleela.
2 Liye alaleela ira: “Muchinyuwe, namwasa oi Umwene wa dhulu uli duzi.”
3 Mwamadhu enala, namaongela Esaya atoovaelatu onga vya liye ira: “Mutu mwinango unaakhuwa kokolani * ira: ‘Musaka-edhe ndhila ya Yohova! * Mulinyali-e ndhiladhee.’”
4 Juwau awara yowara ya uzoya wangamila na sintu la tembe yununimwee. Yodyayee yali madhombe na nuwi.
5 Ee-no atu okhumela wu Yerusalemu na visa vyothene vya Yudeya thitho okhumela mamidhi othene avaduzi na i-nje wa Yordani, tanoodhowa wa liye.
6 Liye anoabadiza i-njeni wa Yordani thitho atwao tanoonga vyodawa viwa.
7 Juwau angaoni Afarisi * na Asaduki anjinji tadhanga va ubadizonivo, atoafuka ira: “Nyo ananyowa, n’nga mbaani uuwenjeli-idheni ira mutawe thakaleliwa wa Nlungu?
8 Na e-no muire vyongo vyothonyi-edha chinyuwa. *
9 Kamudhinami-enga ira ‘Nitokaana babi-u Abrahamu.’ Namwasa oi ndinouwandelani ira Nlungu afuna unooda saka-edha mabwala ira akale a-ima a Abrahamu.
10 Mbadho itomala e-liwa vamichichini yamiri. Ee-no muri uliwethene o-ova-a vyova-a vyapama unokakatiwa noponyedhiwa vamuloni.
11 Miyo ndinoubadizani ma-injeni namwasa oi mutochinyuwa. * Mbwenye mutu unodha ndulimwanga, ngwakopolo kwaranya miyo thitho kandili ofwanelela m’mungula sapatodhee. Liye unodha ubadizani na zimu ochena * na mulo.
12 Foxolwee yopurumuchana mavembo ili mandhanimwee thitho imbuwayee yoputelavo mbeu, unodha icheni-a pama. Tirigu unodha m’elela vathathani, mbwenye mavembo unodha atumeya na mulo o-otimi-eya.”
13 Moi ee-no Yesu atoodhowa wa Juwau wu i-nje wa Yordani khumela wu Galileya, ira liye am’badize.
14 Mbwenye Juwau atoowesedha m’kondi-a voonga ira: “Miyo ngunofwanelela badiziwa * nanyo, nyo thitho ngunodha uli miyo?”
15 Yesu atoom’mwakula ira: “Vahora yen’na rumela ira vikale e-no, namwasa oi ninofuneela irana vyevi ira nikwakwaneli-edhe longomano * lothene.” Angaongile e-no atoo-iya m’kondi-a.
16 Angamadhi badiziwa, * hora yeniyene Yesu atoothavuwa ma-injenimo. Moi e-no dhulu watoodhuleya thitho Juwau atoona zimu wa Nlungu uthithanga ninga kangaiwa dham’gotela.
17 Thitho vatoovweya madhu okhumela dhulu oonga ira: “Ula ngumwananga odhiveliwiwa, unom’dhiveliwana miyo.”