Mayirelo a Arumiwi 11:1-30
11 Moi ee-no arumiwi na abali takala wu Yudeya tatoovwa ira atu amaziza enango naaliwene tatorumela madhu a Nlungu.
2 Mbwenye Pedru angadhowile wu Yerusalemu, atu olimbi-edha vyoineliwa tatooroma m’momba nlandu.
3 Aliwa tanoom’mongana ira: “We watoovolowa m’mba mwaatu o-oineliwa thitho watoodya vambo-i naaliwa.”
4 Ee-no Pedru atooroma aawandelamo vyongo vyothene vyaireile ira:
5 “Miyo ndilobelanga mu sidadi la Yopa, ndatoona masopenya a yongo inango yooneya ninga nguwo ilukhulu ithithanga khumela dhulu. Yongoyo atooimanga khomo 4 noithithi-edha vali miyo.
6 Ndingain’ganechechile pama yongoyo, ndatoonamo vinyama vya mendo 4 vya vailambo yavathi, vinyama vya-angani, vinyama vyowambadha na mbalame.
7 Ndatoovwa thitho madhu oi: ‘Pedru, venyathi thitho uphe inyama ira udye.
8 Mbwenye miyo ndatoonga ira, ‘Khabe Mbwiye, miyo kandinadyevo yongo iliyothene yothakali-iwa venango yonyakavala.’
9 Mbwenye ndatoovwa madhwale fendo yanambili ira: ‘Vyongo vimadhi cheni-a Nlungu, u-iye vionga ira pyothakali-iwa.’
10 Madhwao atoovweya thitho fendo yaneraru, adhamale vyongo vyothene vile vyatootukuliwa dhowa dhulu.
11 Hora yeniyene, atu araru arumiwile na Korneliyo khumela wu Kaizareya tatooimela vanyumbani vali miyo.
12 Adhamale zimu watoondiwandela ira ndidhowe vambo-i na aliwa, thitho kandikaikele navang’onovene. Abali 6 ala tatoodhowa vambo-i na miyo thitho natoovolowa m’mba mwa mutuo.
13 “Liye atooniwandela ira angali m’mbamwee atoona ngelo angaimenle nom’mwandela ira: ‘Urume atu ira tadhowe wu Yopa tamam’mwandele Simoni oitaniwa thitho ira Pedru ira adhe.
14 Liye unodha uwandela vyongo vinofuna dhakami-a we vambo-i naatu othene a banjanimwaa ira mudhavulumuwe.’
15 Mbwenye ndingaromile onga, aliwa tatoowachela zimu ochena ninga vyali aliwa na i-yo voroma vale.
16 Vidhaire e-no ndatoothuulela madhu adhiveliwechana Mbwiye aaongale ira: ‘Juwau anoobadiza na ma-inje, mbwenye nyo munodha badiziwa na zimu ochena.’
17 Ee-no akala Nlungu atoava-a yotuva yapezi ninga yaniva-idhe liye i-yo oi natoororomela Mbwiye Yesu Kristu, n’nga miyo ndili ani ira ndim’kondi-e Nlungu?”
18 Tangavwide vyevi tatoo-iya m’runi-a,* thitho tatoom’titimi-a Nlungu ira: “Pyapama ira Nlungu utovelela ngari waatu amaziza enango ira naliwene thitho tachinyuwa, tadhakaena ingumi yo-omala.”
19 Atu tabalaleile na mwasa o-ara-ariwa waromeile na mwasa wa vyam’mwireile Setefano, tatoofiya wu Fenisiya, wu Kupuru na wu Atiokeya. Thitho talaleela Ayuda baa-i.
20 Mbwenye enango mwaatwala tali au Kupuru na au Kirene. Aliwa tangafiile wu Atiokeyao tatooroma laleela milanyu yapama ya Mbwiye Yesu waatu oonga Igiriki.
21 Aliwa tanookami-iwa na dhandha la Yohova* thitho atu anjinji tatoororomela noroma a-rela Mbwiye.
22 Pingo wau Yerusalemu watoovwa vya milanyu yen’na, thitho watooruma Barnaba ira adhowe wu Atiokeya.
23 Barnaba angafiile weo atoosangalala angaoni riya rima ulukhulu wa Nlungu, thitho atooroma limbi-a atu othene ira tadhowenave kala ororomeleya wa Mbwiye.
24 Barnaba ali mutu wapama thitho wairoromelo yolimba. Liye anoosogoleliwa na zimu ochena moi atu enango anjinji tatoororomela Mbwiye.
25 Adhamale Barnaba atoodhowa wu Tariso masaka Saulo.
26 Angam’fwaidhe atoom’dhanee wu Atiokeya. Aliwa tatoomala yawa ipumbula tagumanyeyanga na pingo wa weo nofunji-a atu anjinji. Wu Atiokeya kuweo waromile anamafunjedhao itaniwa na dhina loi Makristau mosogoleliwa na Nlungu.
27 Vahora yen’na, anamaongela okhumela wu Yerusalemu tatoodhowa wu Atiokeya.
28 Mokami-iwa na zimu wa Nlungu, m’mbo-i mwaaliwa dhinalee Agabu atooro-edha ira vailambo yothene yavathi vanodha kala ndhala ilukhulu. Thitho vyevi vyatooireya muhora ya Kalaudiyo.
29 Ee-no anamafunjedhao tatoovwelana ira mutu uliwethene akhumi-e vinaode liye ira akami-e abali au Yudeya.
30 Ee-no tatooirana vyevyo moi vyongovyo tatoova-a Barnaba na Saulo ira tamavivelele wa andimuwa a pingo.
