1, 2. N’nga ninofwanela mnyindela aani nagumanana nyarwa malamboano?

MUFWANAFWANI-E ira munaawenda mbwenye undhe utoroma chinja. Mirambo yadhongwe itoroma gumaneya moi undhe utoroma kala isi, ndhari dhitoroma vyerima, thitho utoroma gudha moi dhongwe mjinji utoroma rumbwa. Vahora yeniyo mutoroma saka limburo loira mutawelevo. Ninororomela vinjinji ira munodhiveliwa thitho kala waimwerumweru akala ira mutofwanya limburo lapama thitho louvunelani.

² Malamboano ninogumanana nyarwa dhinjinji dhili ninga dhongwe mjinji. Vyongo vinave thakala vailamboi. Voi venango munooda dhifuka ira: ‘N’nga nditawele waani?’ Namalemba buku la Salimo aongile ira: “Ndinodha mmwandela Yohova ira: ‘Nyo muli votawela vanga na limburo langa londivunela, Nlungwanga unamroromela miyo.”’ (Masalimo 91:2) Madhu enala anooni-a ira Yohova unooda nikami-a nyarwa dhi-u mwa-eni, thitho unodha nikami-a ira nidhakale na ingumi yo-omala sogolo.

3. N’nga ninaire a-vi ira Yohova akale limburo li-u lonivunela?

³ N’nga Yohova unonivunela a-vi? Unooda nikami-a vilela nyarwa dhothene dhinogumanana i-yo thitho utokaana nguru dhinjinji kwaranya mutu uliwethene unofune nipei-a. Thitho masiki tanipei-e, Yohova unonikami-a ira vyongo vidhakale pama sogolo. Bibilya linonilimbi-a ira: “Mudhowenave irana vyongo vinairi-e Nlungu udhiveliwanganive.” (Juda 21) Ninofwanela am-iya Yohova ira adhowenave nikami-a nyarwa dhi-u. N’nga ninaire a-vi ira na-am-iye Yohova?

4, 5. N’nga Yohova unooni-a a-vi ira unonidhiveliwana?

⁴ Ira nidhowenave kala vauxamwali na Yohova, ninofwanela zindi-yela ira liye unonidhiveliwana vinjinji. Kathuulelani va vyongo vinaniirela Yohova. Utoniva-a ilambo yavathi yobaleya thitho uto-elamo vinyama na vyomela vyodabwi-a. Utoniva-a thitho yodya yooma na ma-inje apama oi nimwenga. Vo-indi-edha basa Bibilya, Yohova unifunji-a dhina lee na makalelwee odhiveliwi-a. Mbwenye umboni ulukulu uoni-idhe liye ira unonidhiveliwana umrumile mwanee omdhiveliwana, Yesu, vailambo yavathi ira avelele ingumee na yolinga yoi anivulumuche. (Juwau 3:16) Kuto wen’na utoniva-a ngari yodhakaana ingumi yapama sogolou.

⁵ Yohova utokaathi-a Umwene wa Mesiya, wenuo uli utongi wa dhulu unofuna dhamali-a nyarwa dhinagumanana i-yo vachineneeva. Umwenula unodha chinja ilambo yothene yavathi kala paradaizo, mwemo atu munofuna aliwa dhakala mwarendele thitho mwaimwerumweru dhowa nodhowa. (Salimo 37:29) Yohova utooni-a thitho ira unonidhiveliwana vonifunji-a vyongo vinofuna nikami-a kaana ingumi yapama malamboano. Unonilimbi-a ira nilobelenga wa liye thitho hora dhothene unokala okozeya uvwa malobelwi-u. Vyevi vinooni-a ira Yohova unodhiveliwana mutu uliwethene.

6. N’nga ninofwanela iran’ni namwasa waudhivela unanioni-a Yohova?

⁶ Ninofwanela oni-a ira ninosimba udhivela unonioni-a Yohova. Liye utoniirela vyongo vinjinji, mbwenye pyovwi-a tangaranga ira atu anjinji katinosimba. Vyevi pyaireile hora ya Yesu angali vailambo yavathi. Hora inango Yesu atoili-a atu 10 okaana vikutwe, mbwenye mutu mmbo-i ngwasimbile. (Luka 17:12-17) I-yo ninofwanela kala ninga mutu asimbilula. Hora dhothene ninofwanela msimba Yohova vinaniirela liye.

7. N’nga udhiveli-u ninofwanela uoni-a moi a-viwa Yohova?

 ⁷ I-yo ninofwanela mdhiveliwana Yohova. Yesu atoawandela anamafunjedhee ira anofwanela mdhiveliwana Yohova na rimiwa wethene, ingumi yiwa yothene na mathuulelwiwa othene. (Muleri Mateu 22:37.) N’nga vyevi vinothapulelan’ni?

8, 9. N’nga ninammoni-e a-vi Yohova ira ninomdhiveliwana?

⁸ N’nga onga ira ninomdhiveliwana Yohova kokwakwanela? E-i. Vyoira vi-u pinofuna oni-a ira ninomdhiveliwanadi Yohova narimi-u othene, ingumi-u yothene, namathuulelwi-u athene. (Mateu 7:16-20) Bibilya linoonga movweya pama ira akala ninomdhiveliwana Nlungu, ninofwanela vwela malamulwee. N’nga irana vyevi korucha ? E-i, neri-a “malamulwee ka-i onyemela.”—Muleri 1 Juwau 5:3.

⁹ Navwelanga Yohova, ninokala aimwerumweru. (Esaya 48:17, 18) N’nga chini inofuna nikami-a ira nidhowenave kala vauxamwali na Yohova? Dhoweni nione.

10. N’nga mwasiwa ngwan’ni ninofwanela dhowanave funjedha vya Yohova?

¹⁰ N’nga pivyongo viivi viirile nyo ira mukale vauxamwali na Yohova? Funjedha winyu Bibilya utoukami-ani ira mummwidhiwe pama Yohova thitho ira murome kala vauxamwali na liye. Uxamwalinyu na Yohova uli ninga mulo ofuneya thethedha ira wa-atime. Mulo unofuna kuni ira wa-atime uirengave i-nda, mofwanafwana na mulo ira uxamwalinyu na Yohova ukale olimba munofuneya uthethedhela vodhowanave funjedha vya liye.—Sanganikho 2:1-5.

11. N’nga vinofunjedha i-yo Bibilyani vinaukami-eni a-vi?

¹¹ Mwadhowanave funjedha Bibilya, munodha idhiwa makundo anofuna ufiyani varimani. Kathuulelani anamafunjedha aYesu ambiili mwavwela aliwa Yesu aawandelanga vyoro-edha vya Bibilyani. Aliwa taongile ira: “N’nga kai vale  mirimi-u yanorendeya vyaonga liye na i-yo ndhilamule, voniwandela vyolemba movweya pama?”—Luka 24:32.

12, 13. (a) N’nga inofuna ireya chini akala mutu kanadhowanave funjedha vya Nlungu? (b) N’nga ninofwanela iran’ni ira uxamwali-u na Yohova ukaleve olimba?

¹² Mofwanafwana na anamafunjedhala tadhavwecheche makundo a vyolemba vyatoafiya varimani. Venango nyo thitho mwavwide sawasawa mwangaromile idhiwa makundo a Bibilyani. Vyevi vitoukami-ani ira mummwidhiwe Yohova noroma mdhiveliwana. Ninororomela ira kamunafuna ira udhivela wen’na umale.—Mateu 24:12.

¹³ Mwakala vauxamwali na Nlungu, munofwanela dhilimbi-edha uvunela ira ukaleve olimba. Munofwanela dhowanave funjedha vya Yesu thitho thuulelanga vyongo vinofunjedhanyo noona mwemo muna-indi-edhelenyo basa vaingumi inyu. (Juwau 17:3) Mwaleringa venango funjedha Bibilya, munofwanela dhifukanga ira: ‘N’nga vilerile miyovi vinondifunji-an’ni vya Yohova Nlungu? Mwasiwa ngwan’ni  ndinofwanela mdhiveliwana narimanga wethene thitho naingumi yanga yothene?’—1 Timoteo 4:15.

14. N’nga lobelo linakami-e a-vi ira uxamwali-u na Yohova ukale olimba?

¹⁴ Mwakaana fwinyu oi munomdhiveliwana vinjinji, munodhilimbi-edha ira hora dhothene muongi-engana. Vyevi vinokami-a ira uxamwalinyu ukaleve olimba. Sawasawa na uxamwalinyu na Yohova. Naongi-angana na liye dhela mulobelo hora dhothene, uxamwali-u na liye unokalave olimba. (Muleri 1 Atezalonika 5:17.) Lobelo chotuva yapereso yavadhulu yeyo Babi-u wa dhulu iniva-idhe li-ye. Hora dhothene ninofwanela mmwandelanga vili rimani mwi-u. (Salimo 62:8) Kaninofwanela onganga malobelo mambo-ive venango oira aalemeela, mbwenye takalenga okumela vathi varima. Funjedha Bibilya thitho lobela khumela vathi varima, unonikami-a ira uxamwali-u na Yohova ukaleve olimba.

15, 16. N’nga nyo munaona a-vi basa lolaleela?

¹⁵ Vatokala yongo inango inofwanela i-yo jiira akala ninofuna kalave vauxamwali na Yohova. Ninofwanela awandelanga atu enango vinaroromela i-yo. Mbwenye wandela atu enango vya Yohova njingari yapereso yavadhulu. (Luka 1:74) Yesu atovelela basa leli Wamakristau othene aimbarimbari. Ee-no i-yo othene ninofwanela i-nda basa naaliwa lolaleela milanyu yapama ya Umwene wa Nlungu. N’nga nyo mutoroma irana vyevi?—Mateu 24:14; 28:19, 20.

¹⁶ Rumiwi Paulo aona ira basa lolaleela tofuneya vinjinji moi liye aongile ira “fuma.” (2 Akoritiyo 4:7) Kavali basa lofuneya vinjinji kwaranya basa lowandela atu vya Yohova na yolinga yee. Mwairangana vyevi munokala mumlabelanga Yohova thitho liye unosimba vinjinji. (Aebere 6:10) I-nda basa lolaleela unoukami-ani ira nyo vambo-i naatu anaalaleela nyo mukale vauxamwali na Yohova thitho ira mudhafwanye ingumi yo-omala. (Muleri 1 Akoritiyo 15:58.)  Kavali basa linango loganyali-a thitho lova-a imwerumweru ninga leli.

17. N’nga mwasiwa ngwan’ni basa lolaleela linofwanela i-ndiwa mombaranya?

¹⁷ Chineneeva basa lolaleelali linofuneya i-ndiwa mombaranya. Ninofwanela i-nda basa lolaleelali “modhivelela.” (2 Timoteo 4:2) Atu tanofwanela uvwa vya Umwene wa Nlungu. Bibilya linoonga ira: “Dambo nlukulu la Yohova lili vakwikwi. Lili vakwikwi thitho linodha mombaranya vinjinji.” Komoni “Kunadimbela.” (Zefwaniya 1:14; Habakuku 2:3) Vyevi vinooni-a ira Yohova unodha nonga ilambo ya Satanila chineneeva. Mbwenye vyevi vya-anaireye, atu anofwanela wenjeli-iwa ira tasakule akala anofuna mlabela Yohova.

18. N’nga mwasiwa ngwan’ni ninofwanela mlambela Yohova vambo-i na makristau aimbarimbari?

¹⁸ Yohova unofuna ira nimlambelenga vambo-i na makristau aimbarimbari. Bibilya linoonga ira: “Dhoweni nithuulelane mmbo-i na fwee ira nilimbi-ane vaudhivela na basa lapama. Kani-iye gumaneya wi-u vambo-i, ninga munoirela enango mwailemeelo yo-ofianga vamigumanoni, mbwenye dhoweni nilimbi-ane, thitho niwenjedhele irana vyevi, simbwasimbwa vinoona nyo ira dambolo nli vakwikwi.” (Aebere 10:24, 25) Ninofwanela dhilimbi-edhanga fwanyeya vamigumanoni yothene. Nakala vamigumanoni ninokaana ngari yolimbi-ana.

19. N’nga chini inanikami-e ira naadhiveliwengana abali na arongoli-u aukristau?

¹⁹ Mwadhowanga migumanoni munooda fwanya atu enao anakale afwinyu aimbarimbari thitho tanoulimbi-ani mlambela Yohova. Munogumanana abali na arongola o-iyana-iyana na uliwethene unodhilimbi-edha mlabela Yohova. Mofwanafwana na nyo, atu enala kai ochena aliwa tanodhodhomi-a vyongo vinango. Akala anodhodhomi-a vyongo vinango, munofwanela kala okozeya alevelela. (Muleri  Akolose 3:13.) Hora dhothene mudhilimbi-edhenga ona makalelo apama aabali na aarongola, neri-a irana vyevi vinodha ukami-ani ira muwadhiveliwengana thitho ira mukaleve vauxamwali na Yohova.

20, 21. N’nga “ingumi yaimbarimbari chini”?

²⁰ Yohova unofuna ira atu othene tali axamwalee takaena ingumi yapama vinjinji. Bibilya linoonga ira sogolou, ingumi-u inodha kala yo-iyana vinjinji na ina-iyo chineneeva.

²¹ Vahora yeniyo ninodha kaana ingumi yodhowa nodhowa, a-kala yavyawa 70 venango 80 baa-i. Ninodha kaana imwerumweru na “ingumi yo-omala” Paradaizoni obaleya ninodha kala mwarendele, mwaimwerumweru thitho kaninodha bulela. Bibilya linoonga ira inodha kala ‘ingumi yaimbarimbari,’—1 Timoteo 6:12, 19.

22. (a) N’nga ninaoni-e a-vi ira ninofuna kaana ingumi yaimbarimbari? (b) Mwasiwa ngwan’ni ninofwanela zindiyela ira ingumi yo-omala chotuva yokumela wa Yohova?

²² N’nga ninaire a-vi ira ‘ni-inde mwanguru ingumi yaimbarimbari’? Ninofwanela ‘iranga vyapama.’ Thitho kala “ofuma vamabasa apama.” (1 Timoteo 6:18) Vyevi vinothapulela ira ninofwanela a-relanga vinofunjedha i-yo Bibilyani. Mbwenye kaninothapulela ira nairanga vyevi nitogula ingumi yaimbarimbari. Ingumi yen’na chotuva yo-opagali yeniyo Yohova inavelela liye wa anamalabee ororomeleya thitho unoivelela mwasa “ooma rima ulukulu.” (Aroma 5:15) Babi-u wadhulu unofunechecha velela yotuva yeyi waanamalabee ororomeleya.

23. Mwasiwa ngwan’ni munofwanela sakula vyongo mwazelu chineneeva?

²³ Munofwanela dhifuka ira, ‘N’nga miyo ndinomlabela Nlungu mumakalelo anofuna liye?’ Mwazindiyela ira munofwanela chinja vyongo vinango, munofwanela chinja mombaranya. Nadhilimbi-edhanga vwela Yohova nomnyindela, liye unodha kala limburo li-u lotawelavo. Liye  unodha vunela atwee ororomeleya m’malambo omari-a ailambo ya Satanila. Vanduli viwa Yohova unodha niva-a ngari yokaana ingumi paradaizoni dhowa nodhowa, ninga vyalanyedhile liye. Mwasakula vyongo mwazelu, munooda kaana ngari yodhakaana ingumi yaimbarimbari.