1, 2. N’nga axamwali enango a Yohova mbaavi?

N’NGA mbaani unofuna nyo msakula ira akale xamwalinyu? Mwaimbarimbari ngu mutu unomdhiveliwana nyo. Pyoidhiweya ira munosakula mutu unaira vyongo vyoudhivelani, thitho wamakalelo apama.

² Thitho Yohova Nlungu unosakula atu ale anofuna kala axamwalee. Mofwanafwani-a, Yohova atoonga ira Abrahamu ali xamwalee. (Esaya 41:8; Tiyago 2:23) Yohova anomdhiveliwana Davide. Liye atoonga ira Davide anoomdhiveliwi-a rimee. (Mayirelo 13:22) Thitho namaro-edha Danieli ali mutu wa “pereso indendai” vamethoni va Yohova.—Danieli 9:23.

3. N’nga Abrahamu, Davide na Danieli tairilen’ni ira takhale axamwali a Yohova?

³ N’nga Abrahamu, Davide na Danieli takalile a-vi axamwali a Yohova? Aliwa tali odhievi-a thitho tanomvwela Nlungu. Yohova unofuna atu a Tundu wenuo ira takale axamwalee. Angaoni ira Abrahamu anomvwela, Yohova atommwandela ira: “Weyo utovwela madhwanga.” (Maromelo 22:18) Thitho Yohova atoawandela atu aziza la Isiraeli ira:“Muvwelenga madhwanga, miyo ndinokala Nlungwinyu, thitho nyo munokala atwanga.” (Jeremiya 7:23) Ee-no nyo mwafuna kala xamwali wa Yohova, munofwanela mvwela liye.

4, 5. N’nga Yohova unoavunela a-vi axamwalee?

⁴ Bibilya linoonga ira Yohova unofuna kami-a atu anamroromela mwaimbarimbari. (2 Limbili 16:9) Valemba la  Salimo 32:8, Yohova atoalanyedha atu enao tali axamwalee ira: “Ndinodha uva-ani zelu na ulangani mundhila yoi nyo muwendemo.”

⁵ Mwasiwa ngwan’ni ninofuunela pedhelo leli? Mwasa oi utokala mwidani wanguru a-anafuna ira nikale axamwali a Nlungu. Mwidani wen’na ngu Satana. Mbwenye atu anomlabela Yohova na rima wethene thitho ali ororomeleya anooda kami-iwa na Yohova. (Muleri Salimo 55:22.) I-yo axamwali a Yohova ninomlabela na rimi-u othene, angalive ira ninogumanana nyarwa dhinjinji. I-yo ninooda kaana iroromelo ninga ya Davide. Liye atolemba vyoonga Yohova ira: “Kandinodha tekenyeya, neri-a liye uli wu dhandhalanga lodyana.” (Salimo 16:8; 63:8) Mwasiwa ngwan’ni Satana unave wesedha mali-a uxamwali-u na Nlungu?

6. N’nga Satana unoonga ira atu anomlabela Nlungu namwasa wani?

⁶ Va muru wa 11 nafunjedhile ira Satana atoruni-a utongi wa Yohova thitho atomnukedha ira liye ngonama na othakala. Liye aongile ira vingakalile pama aakale ira atomva-a Adamu na Eva ngari yoi tasakulenga okene vyongo vinaona aliwa ira pyapama venango vyothakala. Bibilyani buku la Yobo linonifunji-a ira Satana unoaonga atu vyothakala anadhilimbi-edha ira takale axamwali a Nlungu. Liye unoonga ira atu anamlabela Nlungu anoira vyevyi mwasa ofuna ganyalivo yongo, a-kala mwasa oi amnodhiveliwana Nlunguwo. Thitho Satana atoonga ira unooda m-ii-a mutu uliwethene vwela Nlungu. Dhoweni nitapanyeni vinofunjedha i-yo wa Yobo thitho mwemo Yohova mwamvunelele liye.

7, 8. (a) N’nga Yohova ammona a-vi Yobo? (b) N’nga Satana aongile n’ni vya Yobo?

⁷ Yobo ali aani? Ali lombwana ororomeleya akalileo vyawa vyokwaranya 3.500 ndulimu. Liye anodhiveliwana vinjinji Nlungu thitho kaadhiveliwana vyongo vyothakala.  Yohova anomdhiveliwana Yobo thitho aongile ira kalivo ali olingana na Yobo. (Yobo 1:8) Mwaimbarimbari, Yobo ali xamwali wavarimani wa Yohova.

⁸ Satana aongile ira Yobo amlabela Nlungu na mwasa wa idyani. Liye atommwandela Yohova ira: “N’nga nyo kamuvunele liye naatu avandhevee na vyongo vyee vyothene? Nyo mu-uraeli-a mabasa amandhee, thitho vifuwo vyee vi-uinjiva vailambo yavathi. Mbwenye chineneeva thapulani dhandha linyu, musakwinye vyongo vyothene vina liye, mwaimbarimbari unodha uruwanani muonanga.”—Yobo 1:10, 11.

9. N’nga Yohova atom-iya Satana iran’ni?

⁹ Veva Satana athapulela ira Yobo amlabela Yohova mwasa wa vyongo vyapama vyamva-a liye. Satana atoonga thitho ira angaodile m-ii-a Yobo Mlabela Yohova. Mbwenye Yohova atooviruni-a vyevyi, thitho atorumeli-a ira Satana ammwesedhe Yobo mwasa oi viidhiweye akala ira Yobo amlabela Yohova mwasa omdhiveliwana venango e-i.

10. (a) N’nga Satana ammwesedhile a-vi Yobo? (b) N’nga Yobo airilen’ni?

¹⁰ Yoroma, Satana atoiri-a ira vifuwo vya Yobo vibiwe thitho vya-alile vyatokwa. Vanduli viwa Satana atopa anamalaba anjinji a Yobo. Vidhaireye e-no liye kaana Yongo iliyothene. Vomari-a, Satana atopa a-ima a Yobo okwakwana 10 na lipevo nlukulu. Angalive ira atogumanana nyarwa dhothene dhedhi, Yobo atokalave ororomeleya wa Yohova. Bibilya linoonga ira: “Vavyothene vyevi Yobo kaadawile, venango mnukedha Nlungu ira utoira yongo yo-ofwanela.”—Yobo 1:12-19, 22.

11. (a) N’nga yongo inango Satana yammwirele liye Yobo yalin’ni? (b) N’nga Yobo airilen’ni?

¹¹ Satana ka-iyedhele vevo. Liye atommwandela Nlungu  ira: “Thapulani dhandha linyu, musakwinye tutulee na makuvee, mwaimbarimbari unodha uruwanani muonanga.” Satana atoiri-a ira Yobo abulele marenda opa vinjinji. (Yobo 2:5, 7) Mbwenye Yobo atokalave ororomeleya wa Yohova. Liye aongile ira: “Fiedhela miyo wukwa, kandinodha i-yachi kaana rima o-ogaweya.”—Yobo 27:5.

12. N’nga Yobo aoni-idhe a-vi ira Satana ngonama?

¹² Yobo kaavwechecha mwasiwa ngwan’ni anoona nyarwa dhinjinji. Liye aona ira nyarwa dhagumanana liye dhakumela wa Yohova. (Yobo 6:4; 16:11-14) Yobo kaaidhi vyonama vya Satana vyammwandele liye Nlungu. Vingalive ee-no, liye atooni ira Satana ali mutu onama. Moi a-vi? Yobo atokalave ororomeleya wa Yohova angalive ira atogumanana nyarwa dhothene dhedhi. Vyatooneya pama ira Yobo kaali xamwali wa Yohova na mwasa wa idyani. Liye amlabela Yohova na udhivela.

13. N’nga Yohova ammwirele n’ni Yobo mwasa okalave ororomeleya?

¹³ Ninga muonele i-yo, angalive ira liye kaaidhi vyaireile dhulu, Yobo ali ororomeleya wa Nlungu. Yo-arela yalin’ni? Yobo atokaana umboni oi Satana ngothakala vinjinji. Yohova atomraeli-a Yobo mwasa okalave ororomeleya.—Yobo 42:12-17.

14, 15. N’nga Satana aongile vyoi a-vi voonga vyaatu othene?

¹⁴ Munooda funjedha vyongo vinjinji kumela na vyammwireele Yobo. Malamboano, Satana unoonga ira i-yo ninomlabela Nlungu na ifunelo yonganyalivo yongo. Valemba la Yobo 2:4, Satana aongile ira: “Mutu unooda velela iliyothene ira aombole ingumiyee.” Madhu enala anooni-a ira Satana unoonga ira atu othene mbaidyani a-khala Yobove baa-i. Vangavirile vyawa vinjinji Yobo angakwide, Satana anompwaza Yohova na arumiwee. Mofwanafwani-a, va lemba la Sanganikho 27:11 ninoleri ira: “Mwananga  ukale wazelu, na dhiveliwi-a rimanga, ira ndimrumele mutu wenuo unondithoma.”

¹⁵ Ira muoni-e ira Satana ngonama, nyo munofwanela vwela Yohova na kala xamwali ororomeleya wa liye. Kala xamwali wa Yohova chosakula yapama inofwanela nyo ira, angalive ira irana vyevyo unothangani-avo chinja ingumi inyu. Satana uongile ira nyo kamunadhowenave kala ororomeleya wa Nlungu mwagumanana nyarwa. N’nga liye unoiran’ni ira awesedhe ni-iyani-a na Nlungu?

16. (a) N’nga Satana uno-indi-edha basa makalelo aavi ira atu ta-aode mlabela Yohova? (b) N’nga munothuulela ira Namanami-a uno-indi-edha basa makalelo aavi ira nyo mwa-adhowenave mlabela Yohova?

¹⁶ Satana unowesedha nonga uxamwali-u na Nlungu dhela mmakalelo o-iyana-iyana. Yoroma, liye unooda nidhimbinuela “ninga Kalamu yokuwa inofuna mmidha mutu.” (1 Pedru 5:8) Ee-no kamudabwenga akala ira afwinyu, abalinyu, tanowesedha ira mu-iye funjedha Bibilya thitho ira mu-iye ira vyongo vyofwanelela. Munooda ona ira muli vanyarwani na mwasa wa vyevi. * (Juwau 15:19, 20) Thitho hora dhinango Satana unochinja ira aoneenga ninga “Ngelo wanjeza.” Vo-indi-edha basa ndhila yen’na, unooda ninami-a ira ni-iye vwela Yohova. (2 Akoritiyo 1:14) Ndhila inango ino-indi-edha basa Satana ira ni-iye mlabela Yohova kuniiri-a ira nionenga ira i-yo nili o-ofwanelela kala anamalaba a Nlungu.—Sanganikho 24:10.

17. Mwasiwa ngwan’ni i-yo ninomvwela Yohova?

¹⁷ Ira nioni-e ira Satana ngonama, i-yo ninofwanela kala  ovwela Yohova. N’nga inofuna nikami-a irana vyevyo chini? Bibilya linoonga ira: “Udhiveliwengana Yohova Nlungwao na rimao wethene, na ingumi yao yothene, na nguru dhawo dhothene.” (Dotornomio 6:5) Ninomvwela Yohova mwasa oi ninomdhiveliwana. Naulukuli-a udhivelula, ninodha irana iliyothene inafune liye. Rumiwi Juwau alembile ira: “Voi mdhiveliwana Nlungu unothapulela vwela malamulwee, thitho malamulwee kai onyemela.”— 1 Juwau 5:3.

18, 19. (a) Pivyongo viivi vinofuna Nlungu ira niviirenga? (b) N’nga pyoodeya irana machinjo anonivepa Yohova?

¹⁸ Ngu tunduuvi wa vyongo vinofuna Nlungu ira na-airengana? Vinango mwa vyongo vyevi vili va kwadru loi “ mwiidanenga na vinoidanana Yohova.” Vinooda oneya ninga vyongo vyevi kai vyothakala, mbwenye mwaleringa na thuulela mwapama vinoonga Bibilyalo, munodha ona ira yofwanela kuvwela Yohova. Ira mukale ovwela, venango nyo munofwanela chinja vyongo vinango vaingumi inyu.  Angalive ira vyevyo vinokala vyorucha maromelo, nyo munodha kaana rendele na imwerumweru yeyo axamwali a Yohova inaaliwa. (Esaya 48:17, 18) N’nga pyoodeya chinja vyongo vyevi?

¹⁹ Ee, mwasiwa ngoi Yohova kananivepa vyongo vyoi kaninaode viirana. (Dotornomio 30:11-14) Ninga xamwali-u waimbarimbari liye utoidhiwa pama kwaranya munaviidhiwela i-yo. Utoidhiwa vyongo vinaode i-yo thitho vya-anaode i-yo. (Salimo 103:14) Rumiwi Paulo aongile ira: “Mbwenye Nlungu ngororomeleya thitho kanodha rumela ira muwesedhiwe fiya voi kamunaode vilela, mbwenye mwawesedhiwanga, liye unodha uva-ani vyofuna irana, ira muode vilela.” (1 Akoritiyo 10:13) Ninooda kaana iroromelowu ira Yohova unodha niva-a nguru ira niode ira vili vyofwanelela. Liye unodha niva-a “nguru kwaranya dhobaliwana” ira nyo mulimbanena nyarwadho. (2 Akoritiyo 4:7) Paulo angamadhi atoona kami-iwa dhela wa Yohova ngumwasiwa, atooda  onga ira: “Va vyongo vyothene ndinofwanya nguru dhokumela wa ule andivaidhe.”—Afilipi 4:13.

20. Mbamakalelo aavi a Nlungu munofwanelanyo sazi-a, n’nga mwasiwa ngwan’ni?

²⁰ Nafunanga ira Yohova akale xamwali-u, ninofwanela i-yachi irana vyongo vinoonga Yohova ira pyo-ofwanelela, mbwenye ninofwanela ira vinjinji. (Aroma 12:9) Nyo munofwanela thitho mdhivela Nlungu na sazi-edha makalelwee. Mwasiwa ngwan’ni? Mwasiwa ngoi vyevyo pyofuneya ira nikale axamwali a Nlungu. Salimo 15:1-5. (Muleri)Axamwali a Nlungu tatokaana udhivela, imwerumweru, rendele, leva rima, oma rima, upama, iroromelo, pwaseya na vikondi-a.—Agalata 5:22, 23.

21. N’nga nyo munofunjedhe a-vi oni-a makalelo anodhiveliwana Nlungu?

²¹ N’nga inafuna ukami-ani sazi-edha makalelo a Yohova chini? Nyo munofwanela leri nofunjedha Bibilya ira muzindiyele vinadhiveliwana Yohova. (Esaya 30:20, 21) Ee-no munooda mmwidhiwa Yohova thitho udhivelinyu na Yohova unodha kala olimba. Udhivela wen’na unodha iri-a ira mukaena rima omvwela nosazi-edha makalelwee.

22. N’nga inofuna ireya chini mwairanga vyongo vyevyo Yohova vinadhiveliwana liye?

²² I-yachi irana vyongo vyothakala uli ninga ungula yowara yawale. Yowara yeyi “nguumutu wawale.” Thitho roma irana vyongo vyofwanelela uli ninga wara yowara ipya, wen’na “ngu umutu upya.” Bibilya linoonga ira ninofwanela irana vyevyo. (Akolose 3:9, 10) Fendo dhinango vinokala vyorucha ira vyevi. Mbwenye Yohova unolanyedha “maraeli-o manjinji” waatu anamvwela liye. (Salimo 19:11) Ee, sakulani mvwela Nlungu mwaudhivela. N’nga inofuna ireya chini mwaira vyevyo? Nyo munodha kala xamwali waimbarimbari wa Yohova thitho munodha oni-a ira Satana ngonama.