YOFUNJEDHA 04
Nlungu mbaani?
Romela walelene, atu takadhi talambelanga milungu yo-iyana-iyana. Mbwenye Bibilya linoonga ira vatokala Nlungu m’mbo-i oi ndinlukulu “kwaranya milungu yothene.” (2 Limbili 2:5) N’nga liye mbaani? N’nga mwasiwa ngwan’ni liye ngu nlukulu kwaranya milungu yothene inolambela atu? Wari mwa yofunjedha yei ninofunjedha viirile Nlungu ira mumuidhiwe pama.
1. N’nga Nlungu dhinalee baani, n’nga ninasikimizele a-vi ira unofuna ira niliidhiwe dhinalo?
Nlungu unofuna ira nimuidhiwe, thitho unoniwandela dhinalee dhela Bibilyani. Liye uongile ira: “Miyo ndili Yohova dhina langa tileli.” (Muleri Esaya 42:5, 8.) Dhina loi “Yohova” lithapuleliwile kumela mudhina la Ieberi thitho vinooni-a ira linothapulela ira “Liye unoiri-a kala iliyothene inofuna liye kala.” Yohova unofuna ira niliidhiwe dhinalee. (Ekisodo 3:15) N’nga ninoidhiwa a-vi vyevi? Liye atoiri-a ira dhinalee lilembiwe Bibilyani fendo dhokwaranya 7,000! a Dhina loi Yohova ta Nlungu waimbarimbari wa dhulu na vailambo yavathi—Dotornomio 4:39.
2. N’nga Bibilya linoniwandela vyoi a-vi vyoonga Yohova?
Bibilya linoniwandela ira vamilungu yothene inolambela atu, Yohova baa-i nguli Nlungu waimbarimbari. N’nga mwasiwa ngwan’ni ninoonga ee-no? Vatokala myasa dhinjinji. Yohova ngu namatonga nlukulu, thitho liye ekene “Ngwadhuludhulu thitho ilambo yothene yavathi.” (Muleri Salimo 83:18.) Liye “Ngwakopolo dhothene” thapulela ira utokaana kopolo dhoirela iliyothene isakunle liye. Liye “ngupanduchile vyongo vyothene”—vyadhulu na vailambo yavathi. (Apokalipse 4:8, 11) Mo-iyana na mutu uliwethene, Yohova kana maromelo thitho kana magomelo.—Salimo 90:2.
FUNJEDHANI VINJINJI
Sakasakani i-yana vaari va madhina a vizo a Nlungu na dhinalee lavakundu. Mwamala funjedhani vyairile Nlungu ira muliidhiwe dhinalee thitho yam’mwiri-idhe ira airena vyevyo.u.
3. Nlungu utokaana madhina avizo manjinji, mbwenye dhina lee tilimbo-i baa-i
Ira muone i-yana ulivo vari va dhina laizo na dhina lee, muonele VIDIYO, mwamala mutapanye yofuka yo-arelai.
-
N’nga dhina laizo ninga loi “Mbwiye,” li-iyane a-vi na dhinalee?
Bibilya linorumelela ira atu tanolambela milungu na ambwiye anjinji. Muleri Salimo 136:1-3, mwamala mutapanye yofuka yo-arelai:
-
N’nga “Nlungu wa milungu mbaani” na “Mbwiye wa ambwiye” mbaani?
4. Yohova unofuna ira muidhiwe dhinalee noli-indi-edha basa
N’nga chini inothonyi-edha ira Yohova unofuna ira muidhiwe dhinalee? Muonele VIDIYO, mwamala mutapanye yofuka yo-arelai
-
N’nga nyo munoona ira Yohova unofuna ira atu taidhiwe dhina lee? Mwasiwa ngwan’ni munoonga e-no?
Yohova unofuna ira atu ta-indi-edhenga basa dhinalee. Muleri Aroma 10:13, mwamala mutapanye vyofuka vyo-arelavi:
-
N’nga i-ndi-edha basa dhina la Nlungu loi Yohova kofuneya moi a-vi?
-
N’nga nyo munovivwa a-vi mutu mwinango athuulela dhina linyu noliromola?
-
N’nga munoona ira Yohova unovivwa a-vi mwa-indi-edhanga basa dhinalee?
5. Yohova unofuna ira mukale fwee
M’ma mwinango wau Kamboja dhinalee Soten aongile ira kavali “yongo yosangalali-a” kwaranya idhiwa dhina la Yohova. Muonele VIDIYO, mwamala mutapanye yofuka yo-arelai.
-
Vidiyonimu, n’nga Soten avivwa a-vi angaidhi dhina la Nlungu?
Mutu a-anakale fwi-u ninoroma idhiwa dhinalee. Muleri Tiyago 4:8a, mwamala mutapanye vyofuka vyo-arelavi:
-
N’nga Yohova unofuna ira nyo muiren’ni?
-
N’nga idhiwa dhina la Nlungu noli-indi-edha basa unaukami-eni a-vi onanga ira ngufwinyu?
ATU ENANGO ANOONGA IRA: “Nlungu ngumbo-i baa-i, mo-obala ira unoromola mo-indi-edha basa dhina liivi.”
-
N’nga nyo munororomeladi ira dhina la Nlungu ndi Yohova?
-
N’nga munaonge vyoi a-vi ira Nlungu unofuna ira mu-indi-edhenga basa dhinalee?
MAKUNDO OGWANDELA
Dhina la Nlungu waimbarimbari ndi Yohova. Liye unofuna ira niliidhiwe dhinali thitho li-indi-edha basa naifunelo yoi akale fwi-u.
Vyofuka vyowelela
-
N’nga Yohova uno-iyana a-vi na milungu inango yothene inolambela atu?
-
Mwasiwa ngwan’ni ninofwanela i-ndi-edha basa dhina la Nlungu?
-
Chini inotonyi-edha ira Yohova unofuna ira nyo mukale fwee?
IDHIWANI VINJINJI
Muone maumboni 5 ooni-a ira Nlungu utokalaodi.
Mwasiwa ngwani pyovweya roromela ira Nlungu utokalao?
“Kodi Ndani Analenga Mulungu?” (Nsanja ya Olonda, 1 wa Agosto wa 2014)
Idhiwani mwasee unofwanela i-yo i-ndi-edha basa dhina la Nlungu, angalive ira kaniidhi moda waliromola aliwa walelene.
N’nga indi-edha basa dhina la Nlungu kofuneya moi a-vi? Muone mwasiwa unoongela i-yo ira Nlungu una dhina limbo-i baa-i.
a Ira muidhiwe vinjinji vinothapulela dhina la Yohova thitho viiri-idhe ira Mabibilya enango mwa-afwanyeengamo dhinali, Muone yofunjedha 1 mu Kabuku Kothandiza Kuphunzira Mawu a Mulungu.
