YOFUNJEDHA 05
Bibilya timilanyu yokumela wa Nlungu
Bibilya chotuva yavakundu iniva-idhe Yohova, thitho litokaana mabukhu okwakwana 66. Venango nyo munooda dhifuka ira: N’nga Bibilya likumele waani? N’nga alilembile mbaani? Ira niwakule vyofuka vyevi, dhoweni nitapanyeni viirile Nlungu ira milanyu ya Bibilyani ifiyedhele malamboano.
1. Akala ira Bibilya lilembiwile naatu mwasiwa ngwan’ni ninoonga ira mbamadhu a Nlungu?
Bibilya lilembiwile naatu okwakwana 40 mu vyawa 1600 romela yawa ya 1513 B.C.E. fiyedhela yawa ya 98 C.E. Atu talembile Bibilyala, ingumiiwa yali yo-iyana-iyana. Angalive ee-no mabukhwe othene mbovwelana. N’nga vyevi viodeile a-vi? Viodeile namwasa oi Bibilya likumele wa Nlungu. (Muleri 1 Atezalonika 2:13.) Atu talembile Bibilyali katalembile mathuulelwiwa. Mbwenye “taongile madhu okumela wa Nlungu mosogoleliwa na zimu ochena.” a (2 Pedru 1:21) Nlungu ato-indi-edha basa zimwee ochena vovudhelela venango iri-a ira alombwanala talembe mathuulelwee.—2 Timoteo 3:16.
2. N’nga mutu uliwethene unooda kaana Bibilya?
Atu “a vilambo vyothene, maziza othene, viongelo vyothene, na mitundu yothene” tanooda fwanya milanyu yapama ya Bibilyani. (Muleri Apokalipse 14:6.) Ngumwasiwa Nlungu atoonechecha ira Bibilya lifwanyeenga muviongelo vinjinji kwaranya mabukhu ana-iyo malamboano. Mutu uliothene unooda kaana Bibilya mo-obala unakala liye thitho iyongelo inoonga liye.
3. N’nga Yohova uvunenle a-vi ira Bibilya la-anongiwe?
Bibilya latoolembiwa na vyongo vyo-olimba vyosaka-edhiwa na tembe na malachi anoongiwa ululu. Mbwenye atu odhiveliwana Bibilya tanoolikopiyari moweli-edhaweli-edha thitho mwapolepole. Angalive ira anamatonga enango tatodhilimbi-edha ira talinonge, atu enango tatorumela e-la ingumiiwa vangovi ira talivunele. Yohova karumeli-idhe yongo iliyothene venango mutu uliwethene muimwanani-a niwandela milanywee. Bibilya linoonga ira: “Madhu a Nlungwi-u tanodha kalaove dhowa nodhowa.”—Esaya 40:8.
FUNJEDHANI VINJINJI
Sakasakani ira muone vyairile Nlungu vovudhelela atu ira talembe Bibilya, mwemo mwalivunela liye thitho vyairile liye ira lifwanyee wa atu othene.
4. Bibilya linoonga vya mutu ulilembile
Muonele VIDIYO. Mwamala muleri 2 Timoteo 3:16, notapanya vyofuka vyo-arelavi.
-
Akala ira atu mbalembile Bibilya, n’nga mwasiwa ngwan’ni linoitaniwa Madhu a Nlungu?
-
N’nga nyo munororomela ira Nlungu ngwavudhenle ira atu talembe mathuulelwee?
Secretario unooda vepiwa ira alemba karta, mbwenye milanyu yothene ya kartio inokala ya patrawee. Mwandhila imbo-ive na Bibilya. Atu mbalilembile mbwenye milanyuee njokumela wa Nlungu
5. Bibilya latogumanana vyorucha vinjinji
Voi Bibilya likumile wa Nlungu, pyo-odambwi-a ira liye atolivunela. Romela walelene anamatonga akopolo takadhi tadhilimbi-edhanga ira tanonge Bibilya. Naaliwene andimuwa a marelegiau takadhi tadhilimbi-edha lokota ira atu ta-aleri Bibilya. Atu anjinji tato-ela ingumiiwa vangovi ira talivunele Bibilya angalive ira tanooruni-iwa thitho tangaodile piwa. Ira muidhiwe m’mbo-i mwaatu enala, muonele VIDIYO, mwamala mutapanye vyofuka vyo-arelavi.
-
N’nga idhiwa ira atu tatoira vinjinji vovunela Bibilya utoukami-ani ira mufunenga lileri? N’nga mwasiwa ngwan’ni munoonga e-no?
Muleri Salimo 119:97, mwamala mutapanye yofuka yo-arelai:
-
N’nga chini yairi-idhe ira atu anjinji tarumele e-la ingumiiwa vangovini volaba basa lothapulela nogawela Bibilya?
6. Bukhu laatu othene
Bibilya tibukhu lelo lithapuleliwile nogaweliwa waatu anjinji kwaranya bukhu lililothene. Muleri Mayirelo 10:34, 35, mwamala mutapanye vyofuka vyo-arelavi:
-
Mwasiwa ngwan’ni Nlungu unofuna ira Madhwee tathapuleliwe nogaweliwa muviongelo vinjinji?
-
N’nga pivyongo viivi vyokuza Bibilya vinousangalali-ani?
Atu owandamela
100%
vailambo yothene
tanooda kaana Bibilya muiongelo inovwa aliwa
Bibilya linofwanyeya muviongelo vyokwaranya
3.000
muvikundu vinango vya Bibilya venango Bibilya lothene
Mabibilya 5.000.000.000
Tatogaweliwa
thitho numero leli tokwaranya bukhu lililothene
ATU ENANGO ANOONGA IRA: “Bibilya tibukhu lawalelene lolembiwa naatu.”
-
N’nga nyo munothuulela a-vi?
-
N’nga chini inouthonyi-edhani ira Bibilya mbamadhu a Nlungu?
MAKUNDO OGWANDELA
Bibilya mbamadhu a Nlungu, thitho liye atoonechecha ira atu othene taodenga likaana.
Vyofuna vyowelela
-
N’nga naonganga ira Nlungu atovudhelela atu ira talembe Bibilya ninothapulelan’ni?
-
Chini inoudabwi-ani mwathuulela vyaireile ira Bibilya la-anongiwe, lithapuleliwe thitho gaweliwa?
-
N’nga munovivwa a-vi mwathuulela viuireleni Nlungu ira muidhiwe Madhwee?
IDHIWANI VINJINJI
Muleringa maistoriya a Bibilyani romela mumipukutu yawale fiyedha wamalamboano.
“Baibulo Lakumana ndi Zambiri” (Galamukani!, Novembro wa 2007)
Muone mwemo Bibilya mwavulumuele aliwa angalive ira vatokala vyorucha viraru vyoi vingairi-idhe ira Bibilya linongwiwe.
“Baibulo—Buku Limene Linapulumuka M’zambiri” (Nsanja ya Olonda, No. 4 wa 2016)
Muone viirile atu enango ira taode thapulela Bibilya angalive ira vinga-edhi ingumiiwa vangovini.
Bibilya latokopiariwa nothapuleliwa fendo dhinjinji. N’nga nyo munasikimizele a-vi ira milanyuee kinachinje?
“Kodi Baibulo Linasinthidwa Kapena Kusokonezedwa?” (Mwasa wavasaiti)
