Yohova unofuna ira mum’mwidhiwe pama. Mwasiwa ngwan’ni? Unoona ira mwaidhiwa pama makalelwee, ndhila dhee na ifunelwee munongofunechecha ira akale xamwalinyu. N’nga pyoodeyadi kala xamwali wa Nlungu? (Muleri Salimo 25:14.) N’nga nyo munaire a-vi ira mukale xamwali wa Nlungu? Bibilya linowakula vyofuka vyevi. Thitho linothonyi-edha ira kala vauxamwali na Yohova kofuneya maningi kwaranya vwelana na mutu uliwethene.

1. N’nga Yohova unofuna ira nyo mwiiren’ni?

Bibilya linoonga ira: “M’mwandameleni Nlungu, thitho liye unouwandamelani.” (Yakobo 4:8) N’nga madhu enala anothapulelan’ni? Yohova unouvepani ira mukale xamwalee. Atu enango tanothuulela ira pyo-oodeya kala vauxamwali namutu wenuo wa-anam’mona aliwa. Ee-no tanoona ira Nlungu kanaode kala xamwaliwa. Bibilyani, Yohova unoonga vyothene vyonikami-a ira niidhiwe makalelwee. Liye unoira vyevi naifunelo yoi nikale fwee. Naleringa milanyu inofwanyeya Bibilyani, uxamwali-u na Yohova unolimba maningi angalive ira kaninom’mona.

2. Mwasiwa ngwan’ni ninoonga ira Yohova unooda kala xamwalinyu wapama maningi kwaranya mutu uliwethene?

Ninoonga ee-no namwasa oi Yohova unoudhiveliwanani maningi kwaranya mutu uliwethene. Liye unofuna ira mukalenga osangalala thitho mulobelanga wa liye hora dhothene mwagumanana vyorucha. Bibilya linoonga ira mum’rulelenga “vyokumbanya vinyu vyothene neri-a liye unoukumbanyedhani.” (1 Pedru 5:7) Yohova ngokozeya kami-a, didili-a rima noavuruwana axamwalee taonganga.—Muleri Salimo 94:18, 19.

3. N’nga Yohova unofuna ira axamwalee tairen’ni?

Pyaimbarimbari ira Yohova unodhiveliwana atu othene, mbwenye “unokala vauxamwali naatu a rima o-ogaaneya.” (Sanganiko 3:32) Yohova unofuna ira axamwalee tavilimbi-edhenga irana vinoona liye ira pyapama, norambela vinoona liye ira pyothakala. Atu enango tanothuulela ira katinaode irana vyongo vyothene vinofuna Yohova thitho rambela vyothakala vyothene. Mbwenye Yohova ngu Nlungu watangaranga. Liye unowachela mutu uliwethene unom’dhiveliwana na rimee wethene thitho unodhilimbi-edha irana vyongo vyomsangalali-a.—Salimo 147:11; Mayirelo 10:34, 35.

 FUNJEDHANI VINJINJI

4. Abrahamu ali xamwali wa Yohova

Mwasa wa Bibilya oonga vya Abrahamu (oi aitaniwecha Abramu) unonikami-a idhiwa mwemo munokalela aliwa mutu akala vauxamwali na Nlungu. Muleri mwasa oonga vya Abrahamu va lemba la Maromelo 12:1-4. Mwamala mutapanye vyofuka vyo-arelavi:

• N’nga Yohova amvepile Abrahamu ira airen’ni?

• N’nga Yohova am’lanyedhilen’ni Abrahamu?

• N’nga Abrahamu airilen’ni angavwide malangi-o a Yohova?

5. N’nga Yohova unofuna ira axamwalee tairengan’ni?

Wiliwili ninodedi-edhecha ira axamwali-u taniirelenga vyongo vyapama.

• N’nga nyo munofuna ira axamwalinyu tauirelengani vyongo viivi?

Muleri 1 Juwau 5:3, mwamala mutapanye yofuka yo-arelai:

• N’nga Yohova unofuna ira axamwalee tairen’ni?

Ira nimvwelenga Yohova, ninofwanela chinja makalelwi-u. Muleri Esaya 48:17, 18, mwamala mutapanye yofuka yo-arelai:

• Mwasiwa ngwan’ni Yohova unofuna ira axamwalee tachinje vyongo vinango vaingumiiwa?

 6. N’nga Yohova unoairelan’ni axamwalee?

 MAKUNDO OGWANDELA

Yohova unofuna ira mukale xamwalee thitho liye unoukami-ani irana vyevi.

Vyofuka vyowelela

• N’nga Yohova unokami-a a-vi axamwalee?

• Mwasiwa ngwan’ni Yohova unovepa ira axamwalee tachinje vyongo vinango vaingumiiwa?

• N’nga nyo munoona ira pyorucha kala vauxamwali na Yohova? Mwasiwa ngwan’ni munoonga e-no?