YOFUNJEDHA 10
N’nga migumano ya Mboni dha Yohova inaukami-eni a-vi?
N’nga mwatoromanga itaneliwa umigumanoni ya Mboni dha Yohova? Akala kamunarome yawo, venango munoova mwathuulela vyodhowao. Venango munooda dhifuka ira: N’nga vamigumanwila vanoireya vyoi a-vi? N’nga mwasiwa ngwan’ni njofuneya? N’nga mwasiwa ngwan’ni ndinofwanela fwanyeyavo? Muyofunjedha yei, munodha ona mwemo migumano munaode aliwa ukami-ani vaingumiinyu thitho munaukami-edheni aliwa ira mukale xamwali wa Nlungu.
1. N’nga mwasiwa ngwan’ni ninofwanela fwanyeya vamigumanoni?
Namalemba Bibilya mwinango aongile ira fwanyeya vamigumanoni kofuneya maningi. Liye uongile ira: “Ndinodha m’simba Yohova vari vapingo.” (Salimo 26:12). Naaliwene thitho a Mboni dha Yohova tanosangalala maningi na migumano. Vailambo yothene yavathi, aliwa tanogumaneya sumana nlilothene ira tantitimi-e Nlungu, taombe nyumbo thitho ira talobele. Thitho fendo dhingasi yawa iliyothene, aliwa tanolambela Nlungu vamigumano milukulu.
2. N’nga munodha funjedhan’ni vamigumanwi-u?
Vamigumanwi-u, ninotapanyavo madhu a Nlungu, onga “novwei-a pama vyathapulela aliwa.” (Muleri Neemiya 8:8.) Mwada dhowa migumanoni, munodha funjedha vya Yohova thitho makalelwee apama. Mwafunjedhanga vyongo vinjinji vyothonyi-edha ira Yohova unoudhiveliwanani, nyo thitho munodha roma m’dhiveliwana. Munodha funjedha thitho mwemo Nlungu munaukami-edheni liye ira mukale osangalala.—Esaya 48:17, 18.
3. N’nga atu anagumanenanyo vamigumanwi-u anaukami-eni a-vi?
Yohova unoniwandela ira, “nithuulelane mwinango na fwee ira nilimbi-ane va udhivela na mabasa apama. Kani-iye gumaneya wi-u vambo-i.” (Aebere 10:24, 25) Vamigumanwi-u, munodha fwanya atu odhiveliwana mwinango na fwee, thitho molandana nanyo, aliwa mbofunechecha funjedha vyongo vinjinji vya Nlungu. Munodhavwa atu tatapanyanga makundo olimbi-a okumela Bibilyani. (Muleri Aroma 1:11, 12) Thitho munodha waredha naatu enango tanolimbanana nyarwa dhinogumanana atu avabanjani thitho ta-ali vabanjani. Veva nitoona myasa dhoyeva dhinom’mwiiri-a Yohova niwandelenga ira nigumaneenga hora dhothene!
FUNJEDHANI VINJINJI
Muone mwemo migumano ya Mboni dha Yohova munoireela aliwa thitho mwasee unofwanela i-yo dhilimbi-edha fwanyeyangavo.
4. Migumano ya Mboni dha Yohova
Hora ya arumiwi, Makristau hora dhothene tanogumaneya vambo-i vofuna m’lambela Yohova. (Aroma 16:3-5) Muleri Akolose 3:16, mwamala mutapanye yofuka yo-arelai:
-
N’nga hora ya arumiwi Makristau tam’lambela a-vi Yohova?
Malamboano a Mboni dha Yohova tanogumaneya hora dothene. Ira muone moda unoira aliwa migumanwiwa muonele VIDIYO. Mwamala muone iruthiruthi inothonyi-edha mwemo migumano munoireela aliwa, notapanya vyofuka vyo-arelavi.
-
N’nga vinoireya va Nyumbani ya Umwene vinolandana a-vi na vilerilenyo va lemba la Akolose 3:16?
-
Vidiyonimu venango vairuthiruthiniva, n’nga pivyongo viivi vyoonga migumano viudhiveleni?
Muleri 2 Akoritiyo 9:7, mwamala mutapanye yofuka yo-arelai:
-
Mwasiwa ngwan’ni migumano ya Mboni dha Yohova njo-opagali-a?
Nyo vambo-i na namafunji-inyu muone dhinango mwa myasa dhinofuna ongiwa vagumano umbo-i wa sumana leli.
-
Vagumanula ngumwasa uvi usangalalenanyo venango unoonanyo ira unoukami-ani maningi?
N’nga mutoidhiwa?
Muvolowe vasaitini ya jw.org ira mufwanye limburo, hora na moda unoireela migumanwi-u vailambo yothene.
-
Vamigumanwi-u vanokalecha myasa, vifwanafwani-o na mavidiyo.
-
Vahora inango atu tanokaechana ngari yowakula vyofuka
-
Mutu uliwethene ngowacheliwa—mabanja, atu ta-ali vabanjani, oulula naa-ima
-
Migumanwi-u njo-opagali-a. A Mboni dha Yohova katinopagali-a thitho katinowendi-a parato ya vyovelela
5. Mudhilimbi-edhenga ira mufwanyeenga vamigumanoni
Kathuulelani ifwanafwani-o ya banja liulukunlele Yesu. Ira tamafwanyeye va gumano wavakundu, tanoofwanela wenda ulendo wa makilometru okwakwana 100 tatamo ya myango kumela wu Nazareti mafiya Yerusalemu. Muleri Luka 2:39-42, mwamala mutapanye vyofuka vyo-arelavi:
-
N’nga munothuulela ira vafuneela thindhi ira tawende ulendo odhowa Yerusalemu?
-
N’nga mwasiwa ngwan’ni munofwanela dhilimbi-edha dhowa migumanoni?
-
N’nga munothuulela ira pyofuneya dhilimbi-edha mwatundu wen’na? Mwasiwa ngwan’ni munoonga e-no?
Bibilya linoonga ira gumaneya kofuneya maningi. Muleri Aebere 10:24, 25, mwamala mutapanye yofuka yo-arelai:
-
Mwasiwa ngwan’ni ninofwanela gumaneyanga vamigumano hora dhothene?
ATU ENANGO ANOONGA IRA: “Gumaneya naatu enango kai ofuneya. Funjedha Bibilya vaweka kokwakwanela.”
-
Muonge lemba venango ifwanafwani-o ya Bibilyani inonikami-a idhiwa vinofuna Yohova.
MAKUNDO OGWANDELA
Fwanyeya vamigumanoni unoukami-ani ira mufunjedhe vinjinji vyoonga Yohova, m’dhiveliwana maningi ninga xamwalinyu wavarimani thitho ira mum’lambelenga vambo-i naatu enango.
Vyofuka vyowelela
-
Mwasiwa ngwan’ni Yohova unonilimbi-a ira nifwanyeenga vamigumanoni?
-
N’nga chini inofunanyo mafunjedha vamigumano ya Mboni dha Yohova?
-
N’nga munothuulela ira fwanyeya vamigumanoni unaukami-eni mu ndhila dhinango dhiivi?
IDHIWANI VINJINJI
Akala munoova fwanyeya vamigumanoni, muone mwemo mutu mwinango oi anoodhivwa ee-no mwaromile liye dhiveliwana migumano.
Muone vyairile zombwe mwinango ira adhiveliwengana migumano, thitho vyairile liye ira a-aluzenga gumano uliwethene.
Muone mwemo atu enango munoonela aliwa mwasa ofwanyeya vamigumanoni.
“N’chifukwa Chiyani Ndiyenera Kupezeka Pamisonkhano ya pa Nyumba ya Ufumu?” (Mwasa wavasaiti)
Muone mutu mwinango ali lipanga mwachinjele liye vanduli vofwanyeya vamigumanoni ya Mboni dha Yohova.
“Ndinkayenda ndi Mfuti Kulikonse” (Nsanja ya Olonda, 1 wa Julho wa 2014)
