YOFUNJEDHA 13
Mareligiau onama tanofunji-a vyongo vyonama vyokuza Nlungu
Mareligiau anoonga ira anoira thitho onga vyongo mudhina la Nlungu, takadhi tairanga vyongo vinjinji vyothakala. N’nga mwasiwa ngwan’ni mareligiauala tanoira vyevi? Imbarimbari choi mareligiauwala mbonama. Vinofunji-a aliwa na vinoonga aliwa vinoiri-a ira atu taroromelenga vyonama vyoonga Nlungu. N’nga mareligiuwala anoira a-vi vyevi? N’nga Nlungu unovwa a-vi aona vinoira mareligiau onama? N’nga chini inofuna liye dhaira?
1. N’nga vinofunji-a mareligiau onama vinoiri-a a-vi atu roromelanga vyonama vyokuza Nlungu?
Mareligiau onama takadhi “tachinjani-anga imbarimbari ya Nlungu na vyonama.” (Aroma 1:25) Mofwanafwani-a, mareligiau manjinji katinofunji-a atu dhina la Nlungu. Mbwenye Bibilya linofunji-a ira pyofuneya i-ndi-edha basa dhina la Nlungu. (Aroma 10:13, 14) Anamasogolela enango amareligiau tanoonga ira yongo yothakala yaireya, chiifunelo ya Nlungu. Mbwenye vyevyo pyonama. Nlungu kanairi-a vyongo vyothakala. (Muleri Yakobo 1:13.) Pyova-a tangaranga ira vyonama vinofunji-a mareligiau onamaala, vinoiri-a ira atu ta-amdhiveliwengana Nlungu.
2. N’nga vinoira mareligiau onama vinoiri-a a-vi atu roromela vyonama vyokuza Nlungu?
Mareligiau onama tanoirela atu vyongo vinjinji vyothakala vyevyo vya-anairana Yohova. Bibilya linoonga ira “vyodawavyee vitoinjiva fiya dhulu.” (Apokalipse 18:5) Mu vyawa vinjinji, mareligiau onama takadhi tavolowelanga vyandale, limbi-a kondo, thitho rumeli-a venango iri-a ira atu anjinji tapiwe. Anamasogolela enango amareligiau onama tanofuna kala ofuma thitho tanovepa atu amareligiauni mwiwamo ira taava-enga kobiri. Vinoira aliwavi nguumboni oi katinom’mwidhiwa Nlungu navang’onovene. Ee-no katina ufulu oonga ira mbaarumiwi a Nlungu.—Muleri 1 Juwau 4:8.
3. N’nga Nlungu unovwa a-vi aona vinoira mareligiau onama?
N’nga akala ira nyo munosukwala na vyoira vya mareligiau onama, munothuulela ira Yohova unovwa a-vi? Yohova unodhiveliwana atu. Mbwenye unoidanana vyoira vya anamasogolela amareligiau onama anofunji-a atu vyokuza liye, noirelanga vyongo vyothakala atu a religiauni mwiwamo. Yohova unolanyedha ira unodha nonga mareligiau othene onama thitho “katinodha kalaove.” (Apokalipse 18:21) Vachineneeva Nlungu unodha nonga mareligiau othene onama.—Apokalipse 18:8.
FUNJEDHANI VINJINJI
Sakasakani ira muidhiwe vinjnji vyoonga mwemo Nlungu munovwela liye aona vinoira mareligiau onama. Mufunjedhe vinjinji vyokuza vinoira mareligiau onama thitho mwasiwa ngwan’ni kavinofwanela uimwanani-ani funjedha vya Yohova.
4. N’nga Nlungu unorumeli-a mareligiau othene?
Atu anjinji anororomela ira mareligiau othene ali ninga ndhila dho-iyana-iyana dhinofii-a atu wa Nlungu. N’nga vyevyo pyaimbarimbaridi? Muleri Mateu 7:13, 14, mwamala mutapanye yofuka yo-arelai:
-
N’nga Bibilya linoonga vyoi a-vi vyoonga ndhila inosogolela atu uingumi yo-omala?
Muonele VIDEO, mwamala mutapanye yofuka yo-arelai.
-
N’nga Bibilya linoonga ira vatokala mareligiau manjinji anomdhiveliwi-a Nlungu?
5. Vinoira mareligiau onama kavinothonyi-edha ira Nlungu ngwaudhivela
Mareligiau onama takadhi tairanga vyongo vyothakala maningi, vyevyo vinoiri-a atu onanga ira Nlungu kai waudhivela. Mwaifwanafwani-o, tanolimbi-a kondo weo uli dawa ulukulu. Ira muone moda unoirela aliwa vyevi, muonele VIDIYO. Mwamala mutapanye vyofuka vyo-arelavi.
-
N’nga mareligiau manjinji tairile nʼni wari mwakondo yanambili yavailambo yothene yavathi?
-
N’nga nyo munovwa a-vi mwathuulela vyairile aliwavyo?
Muleri Juwau 13:34, 35 na 17:16. Mwamala mutapanye vyofuka vyo-arelavi:
-
N’nga nyo munothuulela ira Yohova unovwa a-vi aonanga mareligiau tavolowelanga kondo?
-
Mareligiau onama tanoirana vyongo vinjinji vyothakala. Pivyongo vivi vioninyo vinooni-a ira mareligau onama katinothonyi-edha udhivela wa Nlungu?
6. Nlungu unofuna ira atu tali mureligiau lonama takumemo
Muleri Apokalipse 18:4, a mwamala mutapanye yofuka yo-arelai:
-
N’nga nyo munovwa a-vi mwathuulela vyoi Nlungu unofuna kami-a atu anonami-iwa na mareligiau onama?
7. Dhowananive funjedha vyokuza Nlungu waimbarimbari
Vyongo vyothakala vinoira mareligiau onama, kaviuiri-eni i-yachi roromela Nlungu noroma m’mona ira ngothakala. Kathuulelani vyamwana a-anofuna vwela babee voi e-no mwanuo utosakula kumavo vandhe noroma iranga makalelo othakala maningi. Mbwenye babeuo kanovwelana na vinoira mwaneuo. Mwasiwa ngwani vinokala vyodawa m’momba landu babeuo namwasa wa vyoira vya mwanuo?
-
N’nga pyovweya m’momba landu Yohova no-iyachi funjedha vya liye namwasa wa vyongo vyothakala vinoira mareligiau onama?
ATU ENANGO ANOONGA IRA: “Kandinofuna funjedha vya Nlungu namwasa oi mareligiau onama mbaromi-idhe nyarwa dhinjinji.”
-
N’nga nyo munoona e-no?
-
Mwasiwa ngwan’ni kaninofwanela i-yachi roromela Yohova namwasa wa vyoira vya mareligiau onama?
MAKUNDO OGWANDELA
Mareligiau onama takadhi tanami-anga atu voonga vya Nlungu mofunji-a vyonama thitho noira vyongo vyothakala maningi. Mbwenye Nlungu unodha nonga mareligiau othene onama.
Vyofuka vyowelela
-
N’nga nyo munovwa a-vi mwathuulela vinofunji-a na vinoira mareligiau onama?
-
N’nga Yohova unovwa a-vi na vinoira mareligiau onama?
-
N’nga Nlungu unodha iran’ni namareligiau onama?
IDHIWANI VINJINJI
Muone ndhila mbili dhinothonyi-edha ira munoirela mareligiau manjinji onama vyongo vyo-omsangalali-a Nlungu.
“Kodi Zipembedzo Zonse N’zofanana Ndipo Zimathandizadi Anthu Kudziwa Mulungu?” (Mwasa wavasaiti)
N’nga mwasiwa ngwan’ni Yohova unofuna ira nigumaneenga vambo-i naafwi-u?
“Kodi Pali Vuto Ngati Munthu Atakhala Kuti Sali M’chipembedzo Chilichonse?” (Mwasa wavasaiti)
Padri anookaikela vyongo vyaira religiau lee. Mbwenye vyevi kavim’mwiri-idhe i-yachi funjedha imbarimbari yoonga Nlungu.
“N’chifukwa Chiyani Wansembe Anasiya Chipembedzo Chake” (Galamukani!, Fevereiro wa 2015)
Vyawa vinjinji, mareligiau onama takadhi tafunji-anga vyonama vinoiri-a atu onanga ira Nlungu kanonidhiveliwana, thitho ngwauwalanga. Idhiwani imbarimbari yoonga vyonama viraruvi.
“Mabodza Amene Amalepheretsa Anthu Kukonda Mulungu” (Nsanja ya Olonda, 1 wa Novembro wa 2013)
a Bukhu la Apokalipse linoonga ira i-yana unoitaniwa Babulo nlukulu unoimelela kala mareligiau onama. Ira mwiidhiwe vinjinji, muone Madhu akomoni 1.