YOFUNJEDHA 15
N’nga Yesu mbaani?
Yesu ngu mutu m’mbo-i oidhiweya maningi. Atu anjinji tanoidhiwa dhinalee, mbwenye katinoidhiwa vyongo vinjinji vyokuza liye thitho tafukiwanga ira Yesu mbaani tanoonga mo-iyana-iyana. N’nga Bibilya linoonga ira Yesu mbaani?
1. N’nga Yesu mbaani?
Yesu ngu ngelo wakopolo thitho unokala dhulu. Yohova Nlungu a-anapanduche yongo iliyothene aromile panducha Yesu. Ngumwasiwa liye unoidhiweya ira “ngoroma baliwa mwa vyopanduchiwa vyothene.” (Akolose 1:15) Bibilya linoonga ira Yesu ngu “Mwana obaliwa ekave” wa Nlungu namwasa oi ngu liye ekene apanduchiwile mwavakundu. (Juwau 3:16) Yesu anoolaba basa vambo-i na Babee Yohova, vom’kami-a panducha vyongo vinango vyothene. (Muleri Sanganiko 8:30.) Yesu unaadhowanave laba basa vambo-i na Yohova mosangalala. Liye unolabave mororomeleya ninga namaongela wa Nlungu. Thitho unoitaniwa “Madhu,” thapulela ira unovelela milanyu na malangi-o okumela wa Nlungu.—Juwau 1:14.
2. Mwasiwa ngwan’ni Yesu o-odha vailambo yavathi?
Vyawa 2000 vivirile, Yohova atoira yodabwi-a. Liye ato-indi-edha basa zimwee ochena vothami-a ingumi ya Yesu dhulu noi-ela mbani mwa namwali unango dhinalee Mariya. Mwandhila yen’na, Yesu atoobaliwa ninga mutu. (Muleri Luka 1:34, 35.) Yohova atootumiza Yesu vailambo yavathi ira adhakale Mesiya olanyedhiwa, venango Kristu thitho ira adhavulumuche atu. a Maulosi othene a Bibilyani oonga vya Mesiya atokwakwaneli-edhiwa mwa liye. Ee-no, atu katarucheile zindiyela Yesu ninga “Kristu mwana wa Nlungu waingumi.”—Mateu 16:16.
3. N’nga va-eeni Yesu uli wani?
Yesu angapiwile vailambo yavathila, Nlungu atom’venyathi-a ninga ngelo thitho atowelela dhowa dhulu. Dhuluo, “Nlungu atom’gweli-a nom-ela valimburo lavadhulu.” (Afilipi 2:9) Va-eeni Yesu utokaana izo yavadhulu maningi mbwenye Yohova nguna kopolo dhinjinji kwaranya Yesu..
FUNJEDHANI VINJINJI
Sakasakani ira muidhiwe imbarimbari yoonga vya Yesu thitho funjedha vya liye munanikami-edha aliwa.
4. Yesu kai Nlungu wa Kopolo dhothene
Angalive ira Bibilya linofunji-a ira Yesu ngu ngelo wakopolo dhulu, liye unovwela Yohova Nlungu oi ngu Babee. Mwasiwa ngwan’ni ninoonga e-no? Muonele VIDIYO ira muidhiwe vinoonga Bibilya vamwasa o-iyana ulivo vari va Yesu na Nlungu wa kopolo dhothene.
Malemba o-arelala anoukami-ani vwechecha i-yana ulivo vari va Yohova na Yesu. Mwamala leri lemba lililothene tapanyani vyofuka vili chindomwee.
Muleri Luka 1:30-32.
-
N’nga vyaongile ngelo vinothonyi-edha a-vi ira Yesu ngo-iyana na Yohova Nlungu wa “Dhuludhulu”?
Muleri Mateu 3:16, 17.
-
Vahora yabadiziwa Yesu, n’nga dhulu wavweile madhu oi a-vi?
-
N’nga nyo munothuulela ira madhwao ali aani?
Muleri Juwau 14:28.
-
N’nga Baba na mwana una izo ilukulu yotonga mbaani?
-
N’nga Yesu athapulelan’ni voonga ira Nlungu ngu Babee?
Muleri Juwau 12:49.
-
N’nga Yesu unoona ira liye na Babee mbaambo-ive? N’nga nyo munothuulela a-vi?
5. Umboni othonyi-edha ira Yesu ali Mesiya
Bibilyani mutokala maulosi manjinji oonga vya Mesiya wenuo am’sakunle Nlungu ira adhavulumuche atu. Maulosiala atokami-a atu ira tam’zindiyele mo-orucha. Muonele VIDIYO ira muone mogwandela enango mwa maulosi oonga vya Yesu akwakwaneli-edhiwe vahora yali liye vailambo yavathivano.
Muleri maulosi a Bibilyani o-arelala, mwamala mutapanye vyofuka vyo-arelavi.:
Muleri Mikeya 5:2 ira muidhiwe wafwanela baliwela Mesiya. b
-
N’nga wabaliwele Yesu vyatovwelana na vyaongile ulosula?—Mateu 2:1.
Muleri Salimo 34:20 na Zakariya 12:10 ira muone vyaongile Bibilya vyoonga piwa wa Mesiya.
-
N’nga maulosiala atokwakwaneladi?—Juwau 19:33-37.
-
Mwasiwa ngwan’ni kavyaodeye ira Yesu airi-e ira maulosiala akwakwaneli-edhiwe?
-
N’nga vyevi vinoukami-ani zindiyela vyoi a-vi voonga vya Yesu?
6. Funjedha vyoonga Yesu unonikami-a maningi
Bibilya linonilimbi-a ira ninofwanela funjedha vyoonga Yesu thitho izo imva-idhe Nlungu. Muleri Juwau 14:6 na 17:3, mwamala mutapanye yofuka yo-arelai:
-
Mwasiwa ngwan’ni funjedha vyoonga Yesu kofuneya?
Yesu atoodhula ndhila yonikami-a ira nikale axamwali a Nlungu. Liye atofunji-a imbarimbari yoonga vya Yohova thitho dhela mwa Yesu ninodha kaana ingumi yodhowa nodhowa
ATU ENANGO ANOONGA IRA: “A Mboni dha Yohova katinororomela Yesu.”
-
N’nga nyo munam’mwakule a-vi?
MAKUNDO OGWANDELA
Yesu ngu ngelo wa kopolo. Liye ngu mwana wa Nlungu thitho Mesiya.
Vyofuka vyowelela
-
Mwasiwa ngwan’ni Yesu unoitaniwa “oroma baliwa mu vyopanduchiwa vyothene”?
-
N’nga Yesu airan’ni a-anadhe vailambo yavathi?
-
N’nga ninoidhiwa a-vi ira Yesu ngu Mesiya?
IDHIWANI VINJINJI
Funjedhani vinjinji vyoonga izo ya Yesu ninga Mesiya.
“Kodi Maulosi Onena za Mesiya Amatsimikizira Kuti Yesu Analidi Mesiya?” (Mwasa wavasaiti)
Sakasakani ira muone mwasee Bibilya linofunji-a ira Yesu Babee ngu Nlungu thitho ira liye ngu Mesiya.
“N’chifukwa Chiyani Baibulo Limati Yesu Ndi Mwana wa Mulungu?” (Mwasa wavasaiti)
Muone mwasee ira Utatu kai mafunji-edho okumela Bibilyani.
“Kodi Yesu Ndi Mulungu?” (Nsanja ya Olonda, 1 wa Abril wa 2009)
Muleri ira muidhiwe mwemo m’ma unango mwachinjile liye ingumiyee vanduli vosakasaka vinoonga Bibilya vyokuza Yesu.
“Mzimayi Wachiyuda Anafufuzanso Mozama Zimene Ankakhulupirira” (Galamukani!, Maio wa 2013)
a Vyofunjedha 26 na 27 ninodha tapanya ira mwasiwa ngwan’ni ninofwanela vulumuchiwa thitho mwemo Yesu munonivulumuchela liye.
b Muone Madhu a chindo 2 Ira muidhiwe vyokuza ulosi waongile hora yaimbarimbari yafuna dhaoneela Yesu vailambo yavathi.
