YOFUNJEDHA 19

N’nga a Mboni dha Yohova mbamakristau aimbarimbari?

Li-ani

I-yo a Mboni dha Yohova ninororomela ira nili Makristau aimbarimbari. Mwasiwa ngwan’ni ninoonga e-no? Namwasa wa unokumela vinororomela i-yo, dhina linoidhiweyana i-yo thitho udhivela unothonyi-edhana i-yo.

1. N’nga vinororomela a Mboni dha Yohova vinokumela wani?

Yesu atoonga ira: “Madhu [a Nlungu] mbaimbarimbari.” (Juwau 17:17) Mofwanafwana na Yesu, vinororomela a Mboni dha Yohova vinokumela M’madhu a Nlungu. Mofwanafwani-a, kathuulelani vyairile a Mboni dha Yohova enao voroma taitaniwa ira anamafunjedha Bibilya. Mu yawa ya 1870 gulu la anamafunjedha Bibilyala latoroma funjedha Bibilya mopwasedha ira tavwecheche vinofunji-a aliwa. Aliwa tatooroma roromela vinofunji-a Bibilya angalive ira vyaroromela aliwavyo vyano-iyana na vyafunji-a mareligiau enango. Ee-no tatooroma wandela atu enango makundo aimbarimbari tafwanya aliwa Bibilyanimo. a

2. Mwasiwa ngwan’ni ninoidhiweya na dhina loi Mboni dha Yohova?

Yohova unoitana atu tanomlabela ira Mboni dhee namwasa oi tanoonga imbarimbari yoonga liye. (Aebere 11:4–12:1) Mofwanafwani-a, walelene Nlungu atoowandela arumiwee ira: “Nyo muli mboni dhanga.” (Muleri Esaya 43:10.) Naliyene Yesu thitho unoitaniwa “Mboni yororomeleya.” (Apokalipse 1:5) Ee-no muyawa ya 1931 natoroma idhiweya na dhina loi Mboni dha Yohova. Idhiweya na dhina leli ndingari ilukulu.

3. N’nga a Mboni dha Yohova tanosazi-edha a-vi Yesu va mwasa othonyi-edhana udhivela?

Yesu anowadhiveliwa maningi anamafunjedhee voi anowaona ninga abalee aimbarimbari. (Muleri Marku 3:35.) Ee-no a Mboni dha Yohova naaliwene thitho tibanja limbo-i lovwelana lavailambo yethene yavathi. Gumwasiwa ninoonga ira nili abali na arongola. (Filimoni 1, 2) Ninovwela thitho lamulo loi: “Dhiveliwanani gulu lothene laabali.” (1 Pedru 2:17) A Mboni dha Yohova tanothonyi-edha ira tanodhiveliwana abaliwa mundhila dhinjinji. Mofwanafwani-a, Makristau afwiwa vailambo yothene yavathi tagumanana nyarwa tanowakami-a.

FUNJEDHANI VINJINJI

Sakasakani ira muidhiwe vinjinji vyoonga limbili la Mboni dha Yohova thitho muone umboni othonyi-edha ira nilidi Makristau aimbarimbari.

Vinororomela Makristau aimbarimbari vinokumela Bibilyani thitho tanowandela atu enango vinororomela aliwavyo

4. Vinororomela i-yo vinokumela Bibilyani

Yesu atoongelatu ira arumiwee tanodha vwechecha imbarimbari ya Bibilyani mwavang’ono navang’ono. Muleri Danieli 12:4, mwamala mutapanye yofuka yo-arelai:

Movwelana na lembali n’nga arumiwi a Nlungu tanodha idhuwan’ni tadhowanave sakasaka makundo a Bibilyani?

Muone vyaira anamafunjedha Bibilya thangani-avo Charles Russell, vofunjedha Madhu a Nlungu. Muonele VIDIYO, mwamala mutapanye yofuka yo-arelai.

VIDIYO: Anayambiranso Kufufuza Choonadi cha M’Baibulo (7:45)

Vidiyonimu, n’nga Charles Russell na anamafunjedha Bibilya afwee ta-arela ndhila iivi vofunjedha Bibilya?

N’nga mutoidhiwa?

Hora dhinango ninooda chinja vyongo vyaroromela i-yo. Mwasiwa ngwan’ni ninoonga e-no? Dhuwa lakuma linowala mwavang’ono navang’ono. Mofwanafwana na vyevi, Nlungu unonikami-a vwechecha madhwee mwavang’ono navang’ono. (Muleri Sanganiko 4:18.) Bibilya kalinochinja, mbwenye nalivwechecha pama ninochinja vyaroromela i-yo.

5. Ninoira vyongo movwelana nadhinali-u

Mwasiwa ngwan’ni natooroma idhiweya na ndhina loi Mboni dha Yohova? Muonele VIDIYO, mwamala mutapanye yofuka yo-arelai.

VIDIYO: Dzina Lofotokoza Ntchito Yathu (2:40)

N’nga dhina loi Mboni dha Yohova tofwanelela namwasa wan’ni?

Mwasiwa ngwan’ni Yohova unosakula atu ira takale Mboni dhee? Namwasa oi unofuna ira takami-enga atu idhiwa ira liye ngu Nlungu waimbarimbari. Vili e-no namwasa oi atu takadhi tafunji-anga vyonama vyoonga liye. Dhoweni nioneni vyonama vinli.

Mareligiau enango tanofunji-a ira Nlungu unofuna ira ni-indi-edhenga basa vifwano volambela. N’nga vyevyo pyaimbarimabari? Muleri Levitiku 26:1, mwamala mutapanye vyofuka vyo-arelavi:

N’nga imbarimbari chiivi? N’nga Yohova unovwa a-vi atu talambelanga vifwano?

Anamasongolela enango amareligiau tanofunji-a ira Yesu ngu Nlungu. N’nga vyevyo pyaimbarimabari? Muleri Juwau 20:17, mwamala mutapanye vyofuka vyo-arelavi:

N’nga imbarimbari chiivi? N’nga Yesu ngu Nlungu?
N’nga munovwa a-vi mwathuulela ira Yohova unotumiza Mboni dhee ira dhilaleele imbarimbari yoonga liye vambo-i na Mwanee?

6. Ninodhiveliwana unango na fwee

Bibilya linoonga ira Makristau tanofwanela kala ovwelana ninga vyano vyatutu lamutu. Muleri 1 Akoritiyo 12:25, 26, mwamala mutapanye vyofuka vyo-arela:

N’nga Makristau aimbarimbari tanoiran’ni taona ira Makristau afwiwa tanoona nyarwa?
N’nga nyo muoni vyoi a-vi vamwasa wamwemo Mboni dha Yohova munotonyi-edhelana aliwa udhivela?

A Mboni dha Yohova tagumanana nyarwa ilambo inango, a Mboni afwiwa ilambo yothene yavathi tanovilimbi-edha akami-a mombaranya. Ira muone ifwanafwani-o ya vyevi, muonele VIDIYO. Mwamala mutapanye yofuka yo-arelai.

VIDIYO: A Mboni Anathandizana pa Nthawi ya Mphepo ya Mkuntho ya Hurricane Matthew (5:29)

N’nga vinoira a Mboni dha Yohova vokami-ana vinothonyi-edha a-vi ira tanodhivelana unango na fwee?

Makristau aimbarimbari tanokami-a atu tanogumanana nyarwa

ATU ENANGO ANOONGA IRA: “Mwasiwa ngwan’ni munoitaniwa a Mboni dha Yohova a-kala Mboni dha Yesu?”

N’nga Yohova uromile e-lini itana atu anom’lambela ira Mboni dhee?

MAKUNDO OGWANDELA

A Mboni dha Yohova mbamakristau aimbarimbari. Nili banja limbo-i lavailambo yothene yavathi thitho vinororomela i-yo vinokumela Bibilyani. Nino wandela atu enango imbarimbari yooonga vya Yohova.