YOFUNJEDHA 21
N’nga mbaani unolaleela milanyu yapama nofunji-a?
Mo-odembuwa, Yohova unodha indi-edha basa Umwenee vomali-a nyarwa dhothene dhinogumanana i-yo. Milanyu yen’na njosangalali-a maningi thitho uliwethene unofwanela ivuruwana. Yesu afuna ira anama-arelee talaleelenga milanyu yen’na wa mutu uliwethene! (Mateu 28:19, 20) N’nga a Mboni dha Yohova tanoira n’ni vovwela lamulo la Yesu?
1. N’nga lemba la Mateu 24:14 linokwakwaneli-edhiwa a-vi malamboano?
Yesu atoonga ira: “Milanyu yapama ya Umwene inodha laleiwa va ilambo yothene yavathi weo uli atu, ira ukale umboni wa maziza othene, moi e-no komoni unodha fiya.” (Mateu 24:14) A Mboni dha Yohova tanosangalala maningi laba basa lofuneyali. Ninolaleela milanyu yapama vailambo yothene yavathi muviongelo vyokwaranya 1,000. Basila ndiilukulu maningi. Linofwanela labiwa mwathindhi thitho mwamasaka-edho apama. Mbwenye kaninaode lilaba nekene a-kala mokami-iwa na Yohova.
2. N’nga ninoira n’ni ira nilaleele atu?
Ninolaleela uliwethene unofwanya i-yo atu. Mofwanafwana na Makristau a hora ya arumiwi, ninolaleela “nyumba na nyumba.” (Mayirelo 5:42) Ndhila yen’na, inonikami-a ira nilaleenga atu mamiliyau manjinji yawa iliyothene. Voi hora dhinango atu katinofwanyeya vandhe, ninolaleela mamburo ofwanyeya atu anjinji. Ninodhilimbi-edha indi-edha basa ngari iliyothene, ira niwandele atu enango vyoonga Yohova thitho vinofuna liye.
3. N’nga mbaani una izo yolaleela milanyu yapama?
Kristau waimbarimbari uliwethene utokaana izo yolaleela milanyu yapama. Ninoona ira izo yei chofuneya maningi. Ninolaleela mulimwethene munaode i-yo namwasa oi ninoidhiwa ira vingumi vyaatu vili vangovini. (Muleri 1 Timoteo 4:16.) Kaninopagaliwa nalabanga basali namwasa oi Bibilya linoonga ira: “Mwawachenle mo-opagali, va-ani mo-opagali-a.” (Mateu 10:7, 8) Angalive ira atu enango katinorumela milanyu inolaleela i-yo, mbwenye i-yo ninodhowanve laleela namwasa oi laba basali chiikundu yolambelawi-u thitho inomsangalali-a Yohova.
FUNJEDHANI VINJINJI
Muone vinoira a Mboni dha Yohova ira talaleele vailambo yothenee yavathi thitho moda munoakami-edha Yohova.
Laleela vilambo vinango: A) Costa Rica, B) Estados Unidos, C) Benini, D) Tailandiya, E) Yap, F) Sweden
4. Ninokaana thindhi ira nilaleele atu amitundu yothene
A Mboni dha Yohova tanokaana thindhi ira talaleele uliwethene unofwanyeya atu. Muonele VIDIYO, mwamala mutapanye yofuka yo-arelai.
-
Chini inouiri-ani kaana ifunelo mwathuulela thindhi lina a Mboni dha Yohova ira talaleele atu?
Muleri Mateu 22:39 na Aroma 10:13-15, mwamala mutapanye vyofuka vyo-arelavi:
-
N’nga basa li-u lolaleela linothonyi-edha a-vi ira ninoadhiveliwana atu?
-
N’nga Yohova unoaona a-vi atu tanolaleela milanyu yapama?—Muone versu 15.
5. Nili anyabasa a Nlungu
Vinoireya nalabanga basa lolaleela nguumboni oi Yohova unosogolela basali-u. Ifwanafwani-o pyamuireile bali unango unokala wu Nova Zelandiya dhinalee Paul. Dambo n’nango alaleelanga nyumba na nyumba namaulo, atogumanana i-yana unango. Namaebe-i a dambo lele i-yanuo ali angalobenle vo-indi-edha basa dhina la Nlungu loi Yohova thitho atovepa ira amtumizele mutu ira adham’laleele. Ee-no bali Paul atoonga ira: “Vangavirile mahora mararu ndatofiya vandhe va i-yanula.”
Muleri 1 Akoritiyo 3:9, mwamala mutapanye yofuka yo-arelai:
-
N’nga ifwanafwani-o yau Nova Zelandiya inothonyi-edha a-vi ira Yohova ngunosogolela basa lolaleela?
Muleri Mayirelo 1:8, mwamala mutapanye yofuka yo-arelai:
-
Mwasiwa ngwan’ni ninofuneela kami-iwa na Yohova ira nilabe pama basa lolaleela?
N’nga mutoidhiwa?
Sumana nlilothene, vamigumano ya vari va sumana, ninofunjedha moda unalabele i-yo basa lolaleela. Akala mwatoroma gumaneyavo vamigumanwila, n’nga munoona ira mafunji-edho enala mbokami-a?
6. Ninovwela lamulo la Nlungu loi nilaleelenga
Mu hora ya arumiwi, atu oruni-a tanoawandelecha anama-arela a Yesu ira ta-iyachi laleela. Mbwenye, Makristauala tatoobarela ufulwiwa olaleela “mokaathei-a mwalamulo basa lolaleela milanyu yapama.” (Afilipi 1:7) Pivimbo-ive vinoira a Mboni dha Yohova malambowano. a
Muleri Mayirelo 5:27-42, mwamala mutapanye yofuka yo-arelai:
-
Mwasiwa ngwan’ni kanino-iya laba basa lolaleela?—Muone maversu 29, 38 na 39.
MUTU UNANGO UNOODA UFUKANI IRA: “Mwasiwa ngwan’ni a Mboni dha Yohova tanolaleela nyumba na nyumba?”
-
N’nga munamwakule a-vi?
MAKUNDO OGWANDELA
Yesu atowandela anama-arelee ira talaleelenga milanyu yapama waatu amitundu yothene. Yohova unokami-a atwee talabanga basali.
Vyofuka vyowelela
-
N’nga mbaani unolaleela milanyu yapama vailambo yothene yavathi?
-
N’nga basali-u lolaleela linothonyi-edha a-vi ira ninoadhiveliwana atu?
-
N’nga munoona ira basa lolaleela linonikami-a kala osangalala? Mwasiwa ngwan’ni munoonga e-no?
IDHIWANI VINJINJI
Muone vinoira a Mboni dha Yohova volaleela masidadi malukulu.
Ntchito Yapadera Yolalikira M’malo Opezeka Anthu Ambiri ku Paris
N’nga a Mboni dha Yohova tairile vyoi a-vi vokami-a atu tatawile vilambo viwa?
Muone mwemo laba basa lolaleela hora dhothene mwakami-edhe aliwa mutu unango kala osangalala.
Idhiwani vyoonga miselu yofuneya maningi iganyanle i-yo yenio ikami-idhe ira basa lolaleela milanyu yapama lidhowe vasogolo.
“Olalikira Ufumu Anayamba Kupititsa Milandu Yawo Kukhoti” (Ufumu wa Mulungu Ukulamulira!, muru 13)
a Nlungu ngunoniva-a izo yom’labela. Moi e-no, a Mboni dha Yohova katinodedi-a rumeli-iwa na anamatonga ira talaleele milanyu yapama.
