YOFUNJEDHA 22
Vinairenyo ira muwandelenga atu enango milanyu yapama?
Mwafunjedhanga makundo enango a Bibilyani, munoroma thuulela ira, ‘Vyevi pyofuneya ira uliwethene aviidhiwe.’ Thitho pyaimbarimbaridi atu tanofuneela idhiwa makundo aimbarimbari. Venango munooda ova wandela atu enango vifunjedhilenyo. Dhoweni nitapanyeni vyongo vinaukami-eni ira mumali-e ova noroma wandela atu enango milanyu yapama ya Bibilyani.
1. N’nga munaire a-vi ira muwandelenga atu enango aaidhinyo vifunjedhile nyo Bibilyani?
Anamafunjedha a Yesu tatoonga ira: “I-yo kanino-iya onga vyongo vyaoni i-yo na vyavwidhe i-yo.” (Mayirelo 4:20) Wen’na nguumboni oi tanoodhiveliwana maningi imbarimbari thitho tanoofuna wandela uliwethene vyoonga imbarimbariyo. N’nga nyo munovivwa e-no? Akala ti ee-no, thuulelani ngari dhina-indi-edhenyo basa ira muwandele abalinyu na afwinyu vifunjedhilenyo, mbwenye mwalezo.—Muleri Akolose 4:6.
Mwemo munaromelenyo
-
Mwawaredhanga na balinyu mum’mwandelenga likundo n’nango la Bibilyani thitho munooda onga ira: “Sumana leli nditofunjedha likundo n’nango losangalali-a.”
-
Akala mutokaana fwinyu unobulela venango vikumbanyedha, munooda m’mwandela lemba lolimbi-a.
-
Afwinyu abasani taufukani moda uli ingumiinyu, munooda awandela vifunjedhilenyo vofunjedha Bibilya venango vamigumano ya pingoni.
-
Mwaaoni-e afwinyu saiti ya jw.org.
-
Munooda avepa afwinyu ira takale nanyo vanofunjedhanyo Bibilya, venango mwaaoni-e mwemo munavepele aliwa mutu ira afunjedhenga Bibilya na aliwa va jw.org.
2. Mwasiwa ngwani munofwanela kaana ifunelo yolaleela vambo-i na pingo?
Wenjedhela vaatu aidhiwa aliwa, anamafunjedha a Yesu tanoolaleela milanyu yapama waatu enango. Ira vyevi viodeye Yesu “atoatumiza ambili ambili ira tasogole dhowa masidadi” aliothene ira tamalaleele. (Luka 10:1) Laba basa mo-arela ndhila yen’na watookami-a ira atu anjinji tavwe milanyu yapama. Watookami-a thitho ira anamafunjedha a Yesu tasangalale maningi namwasa olaleela naafwiwa. (Luka 10:17) N’nga nyo munooda kaana ifunelo yolaleela vambo-i na pingo?
FUNJEDHANI VINJINJI
Kathuulelani vinairenyo ira mwa-aovenga, thitho mwemo munasangalalenyo namwasa olaba vambo-i basa lolaleela milanyu yapama.
3. Yohova unodha ukami-ani
Atu enango tanoova tathuulela vyofuna roma laleela namwasa oova atu enango, munaaonele aliwa thitho vinagumanena aliwa.
-
N’nga munoova wandela atu enango vifunjedhilenyo? Mwasiwa ngwani munoonga e-no?
Muonele VIDIYO, mwamala mutapanye yofuka yo-arelai.
-
Chini yakami-idhe azombwe a Mboniala ira ta-aovenga?
Muleri Esaya 41:10, mwamala mutapanye yofuka yo-arelai:
-
N’nga lobelo linaukami-eni a-vi mwaovanga laleela?
N’nga mutoidhiwa?
Vatokala a Mboni dha Yohova anjinji tathuulela ira katinaode limba rima wandela atu enango milanyu yapama. Mwaifwanafwani-o, Sergey adhiona ira kaali ofuneya thitho vyanom’rucha onga naatu. Moi e-no atoroma funjedha Bibilya. Sergey unoonga ira: “Angalive ira ndanoova, ndatoroma wandela atu enango vyafunjedha miyo. Mbwenye ndatodabwa maningi ona ira wandela atu enango vyoonga Bibilya, watondikami-a ira ndi-iye dhionanga kala o-ofuneya. Vyevi thitho vyatoolimbi-a iroromelo yanga.”
4. Muirenga vyongo mwalemezo
Mwalaleelanga milanyu yapama kamuthuulelenga vinofunanyo onga, mbwenye muthuulelenga thitho munaviongelenyo. Muleri 2 Timoteo 2:24 na 1 Pedru 3:15, mwamala mutapanye vyofuka vyo-arelavi:
-
N’nga muna-indi-edhe a-vi basa makundo a maverswala vofuna tapanya naatu vyoonga Bibilya?
-
Venango abalinyu naafwinyu tanooda uruni-ani. N’nga munofwanela ira n’ni? N’nga kamunofwanela ira n’ni?
-
Mwasiwa ngwan’ni munofwanela fuka vyofuka vinaakami-e onga mathuulelwiwa malo moawandelanga vyofwanela roromela?
5. Atu tanowandela atu enango milanyu yapama tanosangalala
Yohova atomva-a Yesu basa lolaleela milanyu yapama. N’nga Yesu aliona a-vi basali? Muleri Juwau 4:34, mwamala mutapanye vyofuka vyo-arelavi:
-
Nadyanga yodya yapama ninokaana manungo apama thitho ninosangalala. Mwasiwa ngwan’ni Yesu atoonga ira irana ifunelo ya Nlungu—oi unothangani-avo wandela atu enango milanyu yapama uli—ninga udya yodya?
-
N’nga wandela atu enango milanyu yapama unaukami-eni a-vi ira mukalenga osangalala?
Vinofuna ukami-ani
-
Vahora ya migumano ya vari va sumana, mumavuruwane mwemo munaromele nyo tapanya naatu.
-
Muonge na namafunji-inyu Bibilya ira tauwandeleni vyofwanelela viira ira muva-iwenga vikundu vyofunjedha vamigumano ya vari va sumana. Vikundu vyevi, vinoukami-ani ira mwa-aruchee roma wandela atu enango vinofunjedhanyo.
-
Muvyofunjedhavi mutokala ikundu yoonga ira “Atu enango anoonga ira” thitho yoi “Mutu unango unoufukani ira.” Dhilimbi-edheni indi-edha basa vikundu vyevi vowesedha wakula vyofuka vinodhiveliwana atu fuka thitho vinodhiveliwana aliwa onga akala katinofuna ira mutapanye na aliwa makundo a Bibilyani.
MUTU UNANGO UNOODA UFUKANI IRA: “N’nga vinouwendelani a-vi nyo afwi-u?”
-
N’nga muna-indi-edhe a-vi basa ngari yen’na vomwandela makundo afwaidhenyo vofunjedha Bibilya?
MAKUNDO OGWANDELA
Nawandelanga atu enango vya milanyu yapama, ninokala osangalala. Mbwenye kamuthuulenga ira roma tapanya naatu korucha.
Vyofuka vyowelela
-
Mwasiwa ngwan’ni ninofwanela wandela atu enango milanyu yapama?
-
N’nga munaire a-vi vyongo mwalemezo mwawandelanga atu enango milanyu yapama?
-
N’nga munaire a-vi ira mumali-e ova mwathuulelanga vyofuna roma laleela?
IDHIWANI VINJINJI
Muone ndhila 4 dhina-indi-edhenyo basa volaleela na ixikarta yoidhiwi-a atu vya jw.org.
Chitsanzo cha Ulaliki wa Khadi Lodziwitsa Anthu za JW.ORG (1:43)
Muone makalelo 4 anaukami-eni ira mulaleelenga milanyu yapama.
“Nyo muli okozeya kala namameza atu?” (Nsanja ya namaing’anela, Setembro wa 2020)
Muonele vidiyo yothonyi-edha ifwanafwani-o ya Bibilyani inakami-e mutu laleela milanyu yapama, angalive ira ngumwana.
Muone vinairenyo ira mutapanye naatu avabanjani vinyu akala katinoidhiwa vyokuza Yohova.
“Kodi Tingathandize Bwanji Achibale Omwe Si Mboni?” (Nsanja ya Olonda, 15 wa Março wa 2014)
