YOFUNJEDHA 25
N’nga ifunelo ya Nlungu choi nikaena ingumi yoi a-vi?
Bibilya linoonga ira mutu, unokaana ingumi yokwivela, yodhala na nyarwa. (Yobo 14:1) N’nga Nlungu unofuna ira nikaengana ingumi yen’na? Akala kai ee-no, n’nga ifunelwee choi a-vi? N’nga ifunelwee inodha kwakwaneli-edhiwa? Bibilya litokaana vyowakula vyodidili-a rima vya vyofuka vyevi. Dhoweni nione.
1. N’nga Yohova unofuna ira nikaena ingumi yoi a-vi?
Yohova unofuna ira nikaena ingumi yapama maningi. Liye angapanduchile Adamu na Eva oi tali atu oroma, atoa-ela paradaizo obaleya, oitaniwa munda wa Edeni. Ee-no “Nlungu atoaraeli-a noawandela ira: ‘Mubalane, muinjive, mudhali-e ilambo yavathi.’” (Maromelo 1:28) Yohova afuna ira aliwa tabale a-ima, tasamalele ilambo yothene yavathi ira ikale paradaizo,thitho ira tasamalelenga vinyama. Ifunelwee yali yoi atu othene takaena manungo apama nokaana ingumi yodhowa nodhowa.
Angalive ira malamboano kanina ingumi ninga yafuna Nlungu, a ifunelwee kichinjile. (Esaya 46:10, 11) Nlungu unofunave ira atu tanomvwela takaena ingumi yo-okaana nyarwa modhowa nodhowa.—Muleri Apokalipse 21:3, 4.
2. N’nga ninaire a-vi ira nisangalalenga na ingumi va-eeni?
Yohova unipanduchile mundhila yoi niodenga zindiyela “vyorambulela vi-u vyauzimu,” thapulela ira ninokaana rima ofuna mwidhiwa nom’lambela. (Muleri Mateu 5:3-6.) Liye unofuna ira nikale vauxamwali olimba na liye, “niwendenga mudhiladhee dhothene, m’dhiveliwana nom’labela na rimi-u wethene.” (Dotornomio 10:12; Salimo 25:14) Vyevi vinonikami-a ira nisangalalenga masiki ira ninogumanana nyarwa. Namlabelanga Yohova ninokaana ingumi yokaana yothapulela, namwasa oi ninoira vyongo movwelana na ifunelwee.
FUNJEDHANI VINJINJI
Sakasakani ira muidhiwe vinjinji vyokuza udhivela ulukulu wathonyi-edhe Yohova vyapanducha liye ilambwila ira i-yo atu nikalemo thitho vinoonga madhwee va mwasa wa ifunelo yaingumi.
3. Yohova unofuna ira atu takaengana ingumi yapama maningi
Muonele VIDIYO, mwamala mutapanye yofuka yo-arelai.
-
Mwasiwa ngwan’ni Nlungu utopanducha ilambo yavathi yobaleya e-ni?
Muleri Namalaleya 3:11, mwamala mutapanye yofuka yo-arelai:
-
Movwelana na lembali mufunjedhile vyoi a-vi vyokuza Yohova?
4. Ifunelo ya Yohova kichinjile
Muleri Salimo 37:11, 29 na Esaya 55:11, mwamala mutapanye yofuka yo-arelai.
-
N’nga ninoidhiwa a-vi ira ifunelo ya Yohova yokuza i-yovano atu kichinjile?
Nyumba inongiwile inooda saka-edhiwa okoka. Saasawa na ilambwila. Atu tatoinonga maningi mbwenye Nlungu unodha isaka-edha ira atu anoadhiveliwana liye tadhakalemo
5. Nalambelanga Yohova ninokaana ingumi yosangala
Idhiwa ifunelo yaingumi, unonikami-a ira nikalenga osangalala. Muonele VIDIYO, mwamala mutapanye yofuka yo-arelai.
-
N’nga idhiwa ira ingumi itokaana ifunelo wamkami-idhe a-vi Terumi?
Muleri Namalaleya 12:13, mwamala mutapanye yofuka yo-arelai:
-
N’nga ninathonyi-edhe a-vi ira ninomsimba Yohova va vyongo vinjinji vyapama viniirenle liye?
MUTU UNANGO UNOODA UFUKANI IRA: “N’nga ifunelo yaingumi chin’ni?
-
N’nga munam’mwakule a-vi?
MAKUNDO OGWANDELA
Yohova unofuna ira nikaena ingumi yapama maningi, yo-okaana nyarwa vailambo yavathivano. Namlambelanga na rimi-u wethene ninokaana ingumi yosangalala maningi masiki va-eeni.
Vyofuka vyowelela
-
N’nga Yohova afuna ira Adamu na Eva takaengana ingumi yoi a-vi?
-
N’nga ninoidhiwa a-vi ira ifunelo ya Nlungu yokuza i-yo aatu kichinjile?
-
N’nga munaire a-vi ira mukaengana ingumi yosangalala?
IDHIWANI VINJINJI
Muone umboni othonyi-edha ira munda wa Edeni watokalavodi.
“Kodi Kunalidi—Munda wa Edeni?” (Nsanja ya Olonda, 1 wa Janeiro wa 2011)
Muone mwasiwa kaninokaikela ira ilambwila inodhakalao dhowa nodhowa.
Muone mwemo Bibilya munaukami-edheleni aliwa idhiwa ifunelo ya ingumi.
Mutu athuulela ira utokaana iliyothene vaingumi atozindiyela ira atorambulela yongo inango. Muone yam’kami-idhe idhiwa ifunelo ya ingumi.
a Yofunjedha yo-arela, munodha funjedha mwasiwa ngwan’ni malamboano ninogumanana nyarwa.
