YOFUNJEDHA 37
Vinoonga Bibilya va mwasa wa basa thitho kobiri
N’nga nyo mutoroma kumbanyavo va mwasa wa basa na kobiri? Onga vyaimbarimbari hora dhinango ninooda rucheya ira vyothene vinaode i-yo ira niode m’lambela Yohova, uikundo inango nidhilimbi-edhanga laba basa ira nidhifwanyele vyofuneya va ingumi. Mbwenye Bibilya litokaana malangi-o ananikami-e va mwasa wen’na.
1. N’nga Bibilya linoonga vyoi a-vi va mwasa wa basa?
Yohova unofuna ira nisangalalenga na basa linolaba i-yo. Bibilya linoonga ira “Wa mutu, kavali yapama kwaranya . . . sangalali-a rimee namwasa oi utolaba basa mwathindhi.” (Namalaleya 2:24) Yohova unolaba basa mwathindhi. Moi e-no nalabanga basa mwathindhi, ninom’sangalali-a Yohova thitho na-iyene ninosangalala.
Pyaimbarimbari ira basa tofuneya, mbwenye kaninofwanela liona kala lofuneya maningi kwaranya lambela Yohova. (Juwau 6:27) Liye atonilanyedha ira na-elanga vyongo vyokuza lambela valimburo loroma, unodha niva-a vyongo vinofuneela i-yo.
2. Nionenga kobiri mofwanelela
Bibilya linoonga ira “kobiri dhinovunela,” mbweye linoonga thitho ira kobiri kadhinanikami-e ira nikale osangalala. (Namalaleya 7:12) Pyovweya ira linoniwenjeli-a ira kanidhiveliwengana kobiri thitho linonilimbi-a ira “mukwakwanena vinanyo va hora yeniyo.” (Muleri Aebere 13:5.) Nakwakwanangana vina i-yo, ninorambela kumbanya namwasa wa rima ofuna kaana vyongo vinjinji. Thitho ninorambela kaana mangawa o-ofwanelela. (Sanganiko 22:7) Ninorambela thitho nyarwa dhinodha na mwasa ogwa chabutha, noira vambo-i naatu malonda anolimbi-a atu ira taode fuma mombaranya.
3. N’nga ninathonyi-edhe a-vi ira nili ova-a mo-oumeleliwa mo-indi-edha basa kobiri dhi-u?
Yohova ngu Nlungu ova-a mo-oumeleliwa thitho ninothonyi-edha ira ninom’sazi-edha vokala “ova-a mo-oumeleliwa, okozeya gawele atu enango.” (1 Timoteo 6:18) Ninooda irana vyevi vovelela kobiri dhi-u ira nikami-e vapingoni thitho vokami-a atu ale anoona nyarwa simbwasimbwa abali na arongoli-u. Yohova unosangalala maningi aona ifunelo inovelelela i-yo kobiri dhi-udho a-kala injiva wa kobiriyo. Navelelanga kobiri dhi-u mo-oumeleliwa ninokala osangalala thitho ninom’sangalali-a Yohova.—Muleri Mayirelo 20:35.
FUNJEDHANI VINJINJI
Muone upama okaana mathuulelo ofwanelela va mwasa wa kobiri na upama okwakwanana vyongo vina i-yo.
4. Mwalimbi-edhanga basa munom’lemeza Yohova
Dhiveliwana Yohova unonikami-a ira nikaengana mathuulelo ofwanelela va mwasa wa basa. Muonele VIDIYO, mwamala mutapanye vyofuka vyo-arelavi.
-
Vidiyonimu, chin’ni iusangalali-idheni na vinoira Jason, akala basani thitho moda unoonela liye basalo?
-
N’nga airile vyoi a-vi ira basa la-amwimwanani-enga irana vyongo vyofuneya maningi?
Muleri Akolose 3: 23, 24, mwamala mutapanye yofuka yo-arelai:
-
Mwasiwa ngwan’ni kaana mathuulelo ofwanelela va mwasa wabasa kofuneya?
Basa tofuneya, mbwenye kaninofwanela liona kala lofuneya maningi kwaranya lambela Yohova
5. Nakwakwanangana vyongo vina i-yo ninokala osangalala
Atu anjinji anodhilimbi-edha voira vyothene vinaode aliwa ira takaena kobiri dhinjinji. Mbwenye Bibilya kalinonilimbi-a irana vyevyo. Muleri 1 Timoteo 6:6-8, mwamala mutapanye yofuka yo-arelai:
-
N’nga Bibilya linonilimbi-a ira n’ni?
Angalive ira nikaena vyongo vyoeva ninooda kala osangalala. Muonele VIDIYO, mwamala mutapanye yofuka yo-arela.
-
Chini inoiri-a mabanjala kala osangalala angalive ira tanofwanya kobiri dhoeva?
N’nga vanokala yorucha yoi a-vi akala ira nitokaana vyongo vinjinji mbwenye funanga ira nikaena vinango vyowenjedheleya? Yesu atoonga ifwanafwani-o inothonyi-edha opi-a wa rima wen’na. Muleri Luka 12:15-21, mwamala mutapanye yofuka yo-arelai:
-
N’nga mufunjedhile vyoi a-vi muifwanafwani-o ya Yesu?—Muone versu 15.
Muleri Sanganiko 10:22 thitho mufwanafwani-e na 1 Timoteo 6: 10. Mwamala mutapanye vyofuka vyo-arelavi:
-
N’nga munothuulela ira yofuneya maningi chini, kala vauxamwali na Yohova venango kaana kobiri dhinjinji? Mwasiwa ngwan’ni munoonga e-no?
-
N’nga mutu unokalelave funafunanga kobiri unogumanana nyarwa dhoi a-vi?
6. Yohova unodha niva-a vyongo vinofuneela i-yo
Rambuleleya wa basa thitho nyarwa dhinodha na mwasa osauwa vinooda wesedha iroromelo yi-u. Muonele VIDIYO ira muone vinofwanela i-yo irana nagumanana nyarwa ninga dedhi. Mwamala mutapanye vyofuka vyo-arelavi.
-
Vidiyonimu, n’nga balula aguman’nena na nyarwa dhoi a-vi?
-
N’nga airile n’ni ira aode mali-a nyarwadho?
Muleri Mateu 6:25-34, mwamala mutapanye yofuka yo-arelai:
-
N’nga Yohova alanyedhile ira atu tano-ela vyofunavyee valimburo loroma, unodha airelan’ni?
ATU ENANGO ANOONGA IRA: “Ndinofwanela laba basa mwathindhi ira ndisamalele banjalanga, moi e-no kandinooda dhowa migumanoni masumana othene.”
-
Tilemba livi linousikimizeli-ani ira e-la vyongo vyokuza lambela valimburo loroma chiyongo ya zelu, inofwanela mutu irana va ingumiyee?
MAKUNDO OGWANDELA
Basa thitho kobiri pyofuneya, mbwenye kanirumeli-e ira viniimwanani-enga m’lambela Yohova.
Vyofuka vyowelela
-
Chini inofuna ukami-ani ira muonenga basa mofwanelela?
-
N’nga kwakwanana vyongo vinanyo unaukami-eni a-vi?
-
Munathonyi-edhe a-vi ira munororomela vyalanyedhile Yohova vyoonga ira unodha samalela arumiwee?
IDHIWANI VINJINJI
Sakasakani ira muone akala Bibilya linoonga ira kobiri totakala.
“Kodi Ndalama ndi Zimene Zimabweretsa Mavuto Onse?” (Mwasa wavasaiti)
Muone moda una-indi-edhe i-yo basa kobiri dhi-u ira nim’sangalali-e Nlungu.
“Kodi Baibulo Limanena Zotani pa Nkhani ya Kupatsa?” (Mwasa wavasaiti)
N’nga ugwa chabutha kauna yorucha iliyotheneyi?
“Zimene Baibulo Limanena—Kutchova Juga” (Galamukani!, Março wa 2015)
Muone vyam’kami-idhe mutu unango ira a-iyachi ugwa chabutha thitho uba.
“Ndinkakonda Kwambiri Mpikisano wa Mahatchi” (Nsanja ya Olonda, 1 wa Novembro wa 2011)
