YOFUNJEDHA 36
Mwiirenga vyongo vyothene moona rima
Mutu uliwethene unofuna kaana afwee oira vyongo moona rima. Yohova thitho unofuna ira afwee tairenga vyongo moona rima. Mbwenye irana vyevyi kai okweya, namwasa oi ninokala ilambo yoi atu anjinji katinoira vyongo moona rima. N’nga ninoganyali a-vi namwasa oira vyongo vyothene moona rima?
1. Mwasiwa ngwan’ni ira vyongo moona rima kofuneya maningi?
Nairanga vyongo moona rima ninothonyi-edha ira ninomdhiveliwana nomlemeza Yohova. Kathuulelani vi: Yohova unoidhiwa vyongo vyothene vinothuulela i-yo na vinoira i-yo. (Aebere 4:13) Liye unoona nairanga vyongo moona rima thitho unosimba maningi. Madhwee anoonga ira: “Yohova unothakaleliwa naatu oira vyongo vyachinyengo, mbwenye unokala vauxamwali naatu odhongowa rima.”—Sanganiko 3:32.
2. N’nga ninathonyi-edhe a-vi ira ninoira vyongo moona rima?
Yohova unofuna ira “Muongenga imbarimbari wa unango nafwee.” (Zakariya 8:16, 17) N’nga vyevyi vinothapulelan’ni? Ninodhilimbi-edha rambela onga vyongo vyonama natapanyanga naatu abanjanimwi-u, anolaba na i-yo basa, abali naarongola a pingoni venango wa andimuwa amuguverno. Atu oona rima katinobela atu enango, venango anami-a. (Muleri Sanganiko 24:28 na Aefeso 4:28.) Thitho atu oona rima katinozemba misoko. (Aroma 13:5-7) Moi e-no, ninofwanela “dhilimbi-edha irana vyongo vyothene moona rima.”—Aebere 13:18.
3. N’nga i-yo ninoganyali a-vi nairanga vyongo moona rima?
Nairanga vyongo moona rima hora dhothene, atu anoroma niroromela. Vyevi vinokami-a thitho ira atu othene tasangalalenga pingoni ninga moda unokalela aliwa vabanjani. Thitho ninokaana ithuulela rima yapama. Nairanga vyongo moona rima “ninorii-edha ifunji-edho ya Namavulumuchi-u Nlungu.” Atu o-olabela Nlungu taniona niiranga vyongo moona rima, anooda kopeya noroma funjedha vyoonga Yohova.—Titu 2:10.
FUNJEDHANI VINJINJI
Muone mwemo irana vyongo moona rima, munosangalali-a aliwa Yohova thitho mwemo munakami-edhele aliwa ira vyongo viuwendelengani pama. Muone thitho vinairenyo ira mwiirenga vyongo moona rima hora dhothene.
4. Nairanga vyongo moona rima ninomsangalali-a Yohova
Muleri Salimo 44:21 na Malaki 3:16, mwamala mutapanye vyofuka vyo-arelavi:
-
Mwasiwa ngwan’ni munothuulela ira kai zelu roromela ira munooda m’lokothedha Yohova vyongo?
-
N’nga munathuulela ira Yohova unovwa a-vi nasakula onga imbarimbari angalive ira irana vyevi hora dhinango unokala orucha?
Anarala tanoira vyongo moona rima, tanokaana limbili lapama waandimuwa andimuwa a guverno
5. Mwiirenga vyongo moona rima hora dhothene
Atu anjinji tanothuulela ira pyo-oodeya iranga vyongo moona rima hora dhothene. Mbwenye kaonani mwasiwa unofwanela i-yo iranga vyongo moona rima hora dhothene. Muonele VIDIYO.
Muleri Aebere 13:18, mwamala mutapanye moda unairele i-yo vyongo moona rima . . .
-
naatu avabanjani vi-u.
-
basani venango xikolani.
-
va vyoireya vinango.
6. Vyongo vinoniwendela pama nairanga vyongo moona rima
Hora dhinango nairanga vyongo moona rima ninooda gumanana vyorucha. Mbwenye vamagomelovee ninoraeli-iwa. Muleri Salimo 34:12-16, mwamala mutapanye yofuka yo-arelai:
-
N’nga irana vyongo moona rima unaukami-eni a-vi?
-
A-ima taonganga vyaimbarimbari anoa-sangalali-a anamabaliwa. I-yo thitho naonganga vyaimbarimbari Yohova unosangalala
-
Alombwana naa-iyana othelana tairanga vyongo moona rima, tanokaana banja losangagala
-
Mapatarau tanoaroromela maningi anya-basiwa oi tanoira vyongo moona rima
ATU ENANGO ANOONGA IRA: “Vyonama vinango pyoyeva moi kavinokala vyokumbanyi-a maningi.”
-
Mwasiwa ngwan’ni munororomela ira Yohova unoidanana tundu wa vyonama uliwothene?
MAKUNDO OGWANDELA
Yohova unofuna ira afwee tairenga vyongo vilivyothene moona rima.
Vyofuka vyowelela
-
N’nga ninathonyi-edhe a-vi ira nili oona rima?
-
Mwasiwa ngwan’ni munothuulela ira kai zelu roromela ira ninooda m’lokothedha Yohova vyongo?
-
Mwasiwa ngwan’ni munofuna ira mwiirenga vyongo moona rima hora dhothene?
IDHIWANI VINJINJI
N’nga anamabala tanafunji-e a-vi a-imiwa ira tairenga vyongo moona rima?
N’nga irana vyongo vilanyedhile i-yo vina upama oi a-vi?
Muone akala pyofuneya makomi-angave misoko angalive ira ino-indi-edhiwa basa modaweya.
“Kodi Muyenera Kukhoma Misonkho?” (Nsanja ya Olonda, ya 1 wa Setembro, wa 2011)
Chin’ni yam’kami-idhe mutu mwinango aira vyongo mwainyengo ira arome irana vyongo moona rima?
