YOFUNJEDHA 39
Mwemo Nlungu munoonela liye sangiri
Sangiri njofuneya maningi. Kavali mutu unakaena ingumi a-kaana sangiri. Nlungu ngunipanduchile, moi ee-no liye ngunofwanela niwandela muna-indi-edhele i-yo basa sangiri. N’nga Nlungu unoonga vyoi-avi vyoonga sangiri? N’nga atu tanofwenela udya venango e-liwa sangiri? N’nga munaire a-vi ira musakule mwazelu vamwasa wen’na?
1. N’nga Yohova unoona a-vi sangiri?
Yohova atoawandela arumiwee awale ira: “Ingumi ya nyama iliyothene ndi sangiree” (Levitiko 17:14) Yohova unoona ira sangiri linoimelela ingumi. Moi ee-no angalive ira ingumi chotuva yapereso yavadhulu yokumela wa Nlungu, nasangirene thitho njopambuleya.
2. Nlungu unokondi-a i-ndi-edha basa sangiri modaweya
Yohova atoawandela arumiwee ira katidyenga sangiri. (Muleri Maromelo 9:4 na Levitiko 17:10.) Liye atoweli-edha thitho lamuloli vo-indi-edha basa gulu lotonga lavelenle malangi-o wa Makristau ira “tadhowenave rambela . . . sangiri.”—Muleri Mayirelo 15:28, 29.
N’nga rambela sangiri unothapulelan’ni? Akala enfrimero utouwandelani ira murambele umwa vyolezeli-a kuongela ira unothapulela ira mu-iyachi umwa. N’nga nyo munodya yodya yo-eliwa yomwa yolezeli-a venango muno-ela yomwa yolezeli-a njilisauni nyo dhilathana? Kamunoira vyevyo. Saasawa thitho na lamulo lavelenle Yohova loonga sangiri. Lamuloli linothapulela ira kaninofwanela udya sangiri venango nyama yo-osinga. Kaninofwanela thitho piya sangiri venango udya yodya ili yothene yothangani-iwana sangiri.
N’nga a-vi vo-indi-edha basa sangiri vamyasa ya ximitari? Vatokala ndhila dhinango dhokami-ana arenda dhedho dhinopwanya lamulo la Nlungu loonga vya sangiri. Vyevyo vinothangani-anavo e-la renda sangiri venango vikundu vilukulu vyasangiri ninga: Maselula ofiila, maselula ochena, maselula okami-a sangiri ira iode manganyeya nama-inje asangirini. Mbwenye vatokala ndhila dhinango dhokami-ana arenda dhoi torucha dhiidhiwa akala dhinopwanya lamulo la Nlungu venango kabe. Mofwanafwani-a, alimbo laba ximitari tano-indi-edha basa vikundu vin’gonong’ono vinokumi-iwa kumela wu vikundu vilukulu vya sangiri. Hora dhinango vanofuneela i-ndi-edha basa sangiri yamutu unabulela yatukuliwile manungonimwee nolokotiwa. Vamwasa ninga wen’na, mutu uli wethene unofwanela sakula eka vyofwanelela viira. a—Agalatiya 6:5.
FUNJEDHANI VINJINJI
Sakasakani ira muone mwemo munasakulelenyo vyoira vamwasa ofuna kami-iwa ximitari va mwasa okuza sangiri.
3. Musakulenga vyongo vinasangalali-e Yohova
Mwasakulanga moda ofuna kami-iwa ximitari, n’nga munasakule a-vi vyongo movwelana na mwemo Nlungu munoonela liye sangiri? Muonele VIDIYO, mwamala mutapanye funeya o-arela makundo ali chindomwala.
-
Mulobelenga ira Yohova aukami-eni sakula vyongo mwazelu.—Tiyago 1:5.
-
Musakesakenga makundo a Bibilyani, noona mwemo munaa-indi-edhelenyo basa.—Sanganiko 13:16.
-
Musakesakenga ndhila dhino-indi-edhela alimbo laba basa ximitari waninyuwo vokami-ana arenda anofuneeleya sangiri.
-
Va ndhila dhifwaidhenyo dho, muone ndhila dhoi kamunorumela ira mukami-iwe.
-
Sakulani vyongo vinaukami-eni ira mukaena ithuulelarima yochena.—Mayirelo 24:16. b
-
Idhiwani ira kavali mutu unofwanela usakulelani vyoira vamwasa wa ithuulela rima inyu kaya i-yaninyu venango maninyu, andimuwa avapingoni venango mutu unoufunji-ani Bibilya.—Aroma 14:12.
-
Lembani visakulenyo.
4. A Mboni dha Yohova tanofuna kami-iwa mwapama ximitarini
Pyoodeya vwela lamulo la Nlungu loonga vya sangiri thitho ninooda kami-iwa mwapama ximitarini mo-o e-liwa sangiri. Muonele VIDIYO.
Muleri Titu 3:2, mwamala mutapanye vyofukavi:
-
Mwasiwa ngwan’ni ninofwanela ira vyongo mwalemezo thitho mopwaseya naonganga na mafirimero?
|
Vyo-orumeli-iwa |
Kristau unooda sakula eka |
|---|---|
|
A. Ma-inje asangiri |
Vikundu ving’ono vyokumela ma-inje asangirini |
|
B. Maselula ochena |
Vikundu ving’ono vyokumela maselulani ochena |
|
C. Maselula okami-a ira sangiri limanganee |
Vikundu ving’ono vyokumela maselulani okami-a sangiri ira limanganee |
|
D. Maselula ofiila |
Vikundu ving’ono vyokumela maselulani ofiila |
5. Vinofwanelelanyo idhiwa vyokuza vikundu ving’ono vyasangiri
Sangiri litokaana vikundu vilukulu vilukulu 4 vyoi ndi: Maselula ofiila, maselula ochena, maselula okami-a ira sangiri limanganee na ma-inje asangirini. c Vikundu vyevi vitokaana vikundu ving’onong’ono vinjinji. Vinango mwa vikundu ving’onovi tanovi-indi-edha basa vosakanya mirombwe yolimbanana marenda venango thitho okami-a ira sangiri limanganee ira la-akumenga.
Va myasa yosakuka vikundu vingʼono vya sangiri, Kristau uliwethene unoodha sakula ekene vyofwanela ira movwela na na ithuulela rimee. Makristau enango tanosakula konda wachela mirombwe yokaana vikundu vingʼono vya sangiri. Enango tanorumela.
Mwa-anasakule vyoira va mwasula dhifukeni ira:
-
N’nga ndinam’mwadele a-vi firimero mwasa unokondela miyo venango unorumelela miyo ira a-indi-edhe basa vikundu ving’onong’ono vyasangiri vondikami-a?
MUTU UNANGO UNOODA UFUKANI IRA: “N’nga pyodaweya e-liwa sangiri?”
-
N’nga nyo munam’mwakule a-vi?
MAKUNDO ONGWADELA
Yohova unofuna nionenga ira sangiri ndi yopambuleya.
Vyofuka vyowelela
-
Mwasiwa ngwan’ni Yohova unoona ira sangiri ndi yopambuleya?
-
N’nga ninoidhiwa a-vi ira lamulo la Nlungu loi nirambelenga sangiri linolaba thitho basa vamwasa orambela e-liwa sangiri?
-
N’nga munasakule a-vi vyoira mwazelu vamwasa o-indi-edha basa sangiri vokami-iwa ximitari?
IDHIWANI VINJINJI
N’nga munofwanelela thuulela vyongo viivi mwa-anasakule kami-wa ximitarini lofuneya indi-edha basa sangiri linyu?
“Mafunso Ochokera kwa Owerenga,” (Nsanja ya Olonda, 15 wa Outubro wa 2000)
N’nga munofwanela thuulela n’ni mwasakulanga kami-iwa venango konda vikundu ving’onog’ono vyasangiri?
“Mafunso Ochokera kwa Owerenga” (Nsanja ya Olonda, ya 15 wa Junho wa 2004)
Chin’ni yamwiri-idhe firimero mwinango roromela ira mathuuleloa a Yohova vamwasa wa sangiri mbovweya?
“Ndinayamba Kuona Magazi Mmene Mulungu Amawaonera” (Galamukani!, ya 8 wa Dezembro wa 2003)
Muone mwemo andimuwa anolabela Makomisau Oongi-ana na Ximitari munokami-edha aliwa abali naarongoli.
a Muone yofunjedha 35, “Chini inanikami-e ira nisakulenga vyongo mwazelu?”
b Muone makundo 5, “Anofwanela nyo idhiwa oonga vikundu vya sangiri,”Na madhu akomoni 3, “Ndhila dhokami-a obulela vyoonga sangiri”.
c Vamwasa osakula vikundu ving’onong’ono vyasangiri, Kristau uliwethene unofwanela sakula ekene vyoira movwelana na ithuulela rimayee. Makristau enango tanooda sakula konda kami-iwa ximitale loi linofuneela ira mafirimero ta-indi-edhe basa vikundu ving’ono ving’ono vyasangiri. Mo-iyana na vyevyo Makristau enango ithuulela rimaiwa inooda arumeli-a kami-iwa na vikundu ving’ono ving’ono vyasangiri.
