Kathuulelani vinoira m’ma waudhivela vokozeeli-edha mwanee ira adhowe xikolani. M’muo unoonechecha ira mwanee uto-amba thitho utowara vyowara vyochena. Irana vyevi unokami-a ira mwanuo akaena manungo apama, thitho atu enango tanoona ira anamabalee tanom’samalela. Sasawa thitho na Babi-u waudhivela Yohova. Liye unofuna ira nikalenga auyesa mwaututu, thitho unofuna ira vinothuulela i-yo, vinoonga i-yo na vinoira i-yo vithonyi-edhenga ira nili atu auyesa. Nadhilimbi-edhanga kala atu auyesa, vyongo vinoniwendela pama thitho ninom’lemeza Yohova.

1. Ninaire a-vi ira nikale auyesa mwaututu?

Yohova unoniwandela ira: “Mukale ochena.” (1 Pedru 1:16) Ira Yohova anione ira nili atu ochena, ninofwanela kaana makalelo ochena thitho auyesa mwaututu. Ninokala auyesa mwaututu akala ira nino-amba hora dhothene, fula vyowara vi-u, saka-edha vanyumbani vi-u, thitho akala ira ninoonechecha ira karwi-u venango njingi-u ndi yochena. Ninooda laba basa locheni-a Nyumbi-u ya Umwene. Nadhilimbi-edhanga kala auyesa mwaututuni, ninom’leza Yohova.—2 Akoritiyo 6:3, 4.

2. N’nga mbamakalelo avi anofwanela i-yo rambela ira nikale ochena?

Bibilya linonilimbi-a ira “nidhicheni-e thitho ni-iye yongo iliyothene yothakali-a tutu venango zimu.” (2 Akoritiyo 7:1) Vyevi vinothapulela ira ninofwanela rambela yongo iliyothene inanonge tutuli-u, venango mathuulelwi-u. Vinothuulela i-yo vinofwanelela m’dhiveliwi-a Yohova. Moi e-no ninofwanelela dhilimbi-edha rambela thuulela vyongo vyothakala. (Salimo 104:34) Ninofwanela thitho dhilimbi-edha ira vyoonga vi-u vikalenga vyapama.—Muleri Akolose 3:8.

N’nga pivyongo vinango viivi vinaniiri-e ira na-akale atu auyesa mwaututuni na mwamakalelo? Vatokala vyongo vinango vyoi vinooda nonga tutuli-u. Ee-no ninorambela vyongo ninga fumali sola, fumali chamba, thitho indi-edha basa mirombwe yolezeli-a. Narambelanga vyongo vyevi, ninokala atu amanungo apama thitho ninothonyi-edha ira ninolemeza yotuva yaingumi. Ninofwanela thitho dhilimbi-edha kala auyesa mwamakalelo vorambela makalelo ananiiri-e ira na-akale ochena ninga, waredhi-a nyongani, noonela vyolava. (Salimo 119:37; Aefeso 5:5) Kai vyokweya i-yachi makalelo ninga enala, mbwenye Yohova unodha nikami-a ira ni-iyachi.—Muleri Esaya 41:13.

 FUNJEDHANI VINJINJI

3. Nakala auyesa mwaututuni ninom’lemeza Yohova

Naleringa vyoonga malamulo avelenle Yohova wa ziza la Anaisraeli, ninoona ira Yohova unofuna ira atwee takalenga auyesa. Muleri Ekisodo 19:10 na 30:17-19, mwamala mutapanye vyofuka vyo-arelavi:

• N’nga maverswala anothonyi-edha a-vi ira Yohova unofuna ira atwee takalenga auyesa?

• N’nga pivyongo viivi vyapama vinofwanelela nyo viirangana ira mukaleve auyesa mwaututuni?

Vanofuneela hora na thindhi ira mutu akale wauyesa. Mbwenye pyoodeya irana vyevi, vo-otukulela isa unokala i-yo thitho ira nili ofuma venango osauwa. Muonele VIDIYO, mwamala mutapanye yofuka yo-arelai.

• N’nga vyongo vi-u vyakalanga vyauyesa, vinaniiri-e a-vi ira atu anowalaleela i-yo telemezenga Yohova?

4. Mu-iye makalelo othakala

Akala munofumali sola venango muno-indi-edha basa mirombwe yodhodhomi-a urongodhi namwasa ofuna ira musangalale, vinooneya ira mutoidhiwa moda unoruchela aliwa ira mu-iyachi makalelo enala. N’nga chini inaukami-eni? Muthuulelenga mwemo irana vyevi munakuzile aliwa ingumiinyu. Muleri Mateu 22:37-39, mwamala mutapanye mwemo fumali sola venango indi-edha basa mirombwe modaweya unakuzele aliwa . . .

• uxamwali una mutu na Yohova.

• banja la mutu naatu enango.

Thuulelani vinaire nyo ira muode i-yachi kalelo lothakala. a Muonele VIDIYO.

Muleri Afilipi 4:13, mwamala mutapanye yofuka yo-arelai:

• N’nga lobela, funjedha Bibilya thitho fwanyeya vamigumanoni hora dhothene unakami-e a-vi mutu ira a-iyachi makalelo othakala?

 5. Dhilimbi-edheni i-yachi thuulela noira vyongo vyothakala

Muleri Akolose 3:5, mwamala mutapanye vyofuka vyo-arelavi:

• N’nga ninoidhiwa a-vi ira onela vyaumadhave, tumizela atu enango vyongo vinango vyaumandhave thitho waredhi-a nyongani Yohova unoviona kala vyothakala?

• N’nga munothuulela ira pyovweya ira Yohova unodedi-edhela ira nikaengana makalalelo auyesa? Mwasiwa ngwani munoonga e-no?

Muone vinairenyo ira mwa-athuulelenga vyotakala. Muonele VIDIYO.

Yesu ato-indi-edha basa ifwanafwani-o inothonyi-edha ira ninofwanela irana vyothene vinaode i-yo ira nikale ochena. Muleri Mateu 5:29, 30, mwamala mutapanye yofuka yo-arelai:

• Valembali Yesu kaaonga ira ninofwanela dhipei-a, mbwenye athapulela ira ninofwanela irana vyothone vinaode i-yo ira niirena vinofuna Nlungu. N’nga mutu unairen’ni ira a-athuulelenga vyongo vyothakala? b

Yohova unosimba maningi mwadhilimbi-edhanga kala athindhi ira mu-iyachi thuulela vyongo vyothakala. Muleri Salimo 103:13, 14, mwamala mutapanye yofuka yo-arelai:

• Akala munodhilimbi-edha limbanana kalalelo n’nango lothakala, n’nga lembali linaukami-eni a-vi ira mwa-afooke?

 MAKUNDO OGWANDELA

Ninomsangali-a Yohova nadhilimbi-edhanga kala atu auyesa thitho narambelanga thuulela noirana makalelo othakala.

Vyofuka vyowelela

• Mwasiwa ngwani kala auyesa kofuneya maningi?

• N’nga munaire a-vi ira mukalenga auyesa?

• N’nga munaire a-vi ira murambelenga thulela noirana vyongo vyothakala?