YOFUNJEDHA 42
N’nga Bibilya linoonga a-vi va mwasa othelana nokala diye?
Atu a makalelo enango tanororomela ira mutu kanooda kala osangalala akala ira kathelile venango katheliwile. Mbwenye kai atu othene tali vabanjani tanokala mosangalala. Thitho kai atu othene ta-ali vabanjani tanokala osangalala. Bibilya linoonga ira kala vabanjani venango a-kala vabanjani vyothene vyevi chotuva yokumela wa Yohova.
1. N’nga kala diye una upama oi a-vi?
Bibilya linoonga ira: “Moi e-no, thitho, ule uthelile utoira pama, mbwenye ule a-athelile utoira pama maningi.” (Muleri 1 Akoritiyo 7:32, 33, 38.) Mwasiwa ngwan’ni ninooda onga ira mutu usakunle a-kala vabanjani “utoira pama maningi”? Voi Kristau usakunle a-kala vabanjani, kan’na izo yosamalela man’ne venango i-yanee, liye unokaana ufulu unjinji. Atu ta-ali vabanjani tanooda wenjedhela urumiwiwa mu ndhila dhinjinji. Mofwanafwani-a, tanooda dhowa ilambo inango ira tamalaleele milanyu yapama. Thitho yofuneya maningi, tanokaana hora injinji yolimbi-a uxamwaliwa na Yohova.
2. N’nga thelana morumeli-iwa na guverno una upama oi a-vi?
Kala vabanjani thitho utokaana upamee, ninga mwemo munokalela mutu usakunle a-kala vabanjani. Bibilya linoonga ira “Atu ambili tanokwaranya mutu m’mbo-i.” (Namalaleya 4:9) Mbwenye ira banja liwendenga pama, atu othelanao tanofuneela a-rela makundo a Bibilyani. Atu tanothelana morumeli-iwa na guverno, tanolanyedha ira tanodha dhivelana nolemeza fwiwao thitho m’mona ira ngofuneya maningi. Atu tanokala vabanja leli, tanoona ira mbovuneleya maningi, mo-iyana naatu tanotukulana baa-i kalanga vambo-i. Upama unango ngoi a-ima anobaliwela banjani loi anamabaliwa tatolembi-a kazamento yorumeli-iwa na anamatonga, tanokala ovuneleya.
3. N’nga mathuulelo a Yohova mboi a-vi va mwasa wa banja?
Vyaromi-a Yohova banja aongile ira: “Lombwana unodha i-ya babee na m’mee novipati-edha na i-yanee.” (Maromelo 2:24) Yohova unofuna ira lombwana na i-yana tathelana tadhivelengana nokala vambo-i wa ingumiiwa yothene. Liye unorumeli-a mutu mali-a banja akala ira fwee utorarua. Vyaira e-no, Yohova unovelela ngari wa mutu o-odawao ira asakule akala unofuna mali-a banja venanago kabe. a (Mateu 19:9) Yohova kanofuna ira Makristau tavalanyenga.—1 Timoteo 3:2.
FUNJEDHANI VINJINJI
Muone vinairenyo ira musangalale thitho m’sangalali-a Yohova akala muli vabanjani venango kabe.
4. Mu-indi-edhenga pama basa yotuva yokala diye
Yesu aona ira sakula kala diye chotuva. (Mateu 19:11, 12) Muleri Mateu 4:23, mwamala mutapanye yofuka yo-arelai:
-
N’nga Yesu a-indi-edhe a-vi basa yotuva yokala diye vom’labela babee nokami-a atu enango?
Makristau tanooda kalanga osangalala vo-indi-edha basa yotuva iwa yokala adiye ninga mwemo mwairela Yesu. Muonele VIDIYO, mwamala mutapanye yofuka yo-arelai.
-
N’nga Makristau tana-indi-edhe a-vi basa ngariwa yaudiye?
N’nga mutoidhiwa?
Bibilya kalinoonga vyawa vinofwanela mutu thela. Mbwenye, linolimbi-a ira mutu unofwanela dedi-edha fiyedhela “vahora yoi utokwaranya vauzombwe.” Vahora yen’na, zombwe unokaana naluveluve wakopolo maningi ogonana, vyevyo vinam’mwiri-e ira aimwanena sakula vyongo mofwanelela.—1 Akoritiyo 7:36.
5. Musakule mwazelu mutu unofunanyo thelananee
Sakula mutu unofunanyo thelananee ngumwasa nlukulu. Muleri Mateu 19:4-6, 9, mwamala mutapanye yofuka yo-arelai:
-
Mwasiwa ngwan’ni Kristau kanofwanela tamangela thela?
Bibilya linooda ukami-ani ira musakule pama mutu unofunanyo thelananee. Mbwenye yofuneya maningi kusakula mutu unom’dhiveliwana Yohova. b Muleri 1 Akoritiyo 7:39 na 2 Akoritiyo 6:14. Mwamala mutapanye vyofuka vyo-arelavi:
-
Mwasiwa ngwan’ni Kristau unofwanela thelana na Kristau fwee?
-
N’nga munothuulela ira Yohova unavwe a-vi akala Kristau utothelana na mutu oi kanom’labela?
6. Muonenga banja ninga mwemo Yohova munoonela liye
Walelene wu Israeli, alombwana enango tanoo-iyachi a-iyaniwa va myasa yo-ovweya. Muleri Malaki 2:13, 14, 16, mwamala mutapanye yofuka yo-arelai:
-
Mwasiwa ngwan’ni Yohova unoidanana mali-a banja va myasa yo-ovweya?
Muonele VIDIYO, mwamala mutapanye yofuka yo-arelai.
-
Akala mwathelan’ne na mutu o-olabela Yohova, n’nga munaire a-vi ira banja linyu liwendenga pama?
7. Mu-indi-edhenga basa makundo a Yohova oonga banja
Mutu unofwanela kaana thindhi ira a-indi-edhenga basa makundo a Yohova oonga vya banja. c Mbwenye Yohova unoraeli-a atu anodhilimbi-edha irana vyevyi. Muonele VIDIYO
Muleri Aebere 13:4, mwamala mutapanye vyofuka vyo-arelavi:
-
N’nga nyo munoona ira makundo anoniva-a Yohova oonga va mwasa othelana mbovweya? Mwasiwa ngwan’ni munoonga e-no?
Yohova unofuna ira Makristau anofuna thelana tamalembi-enga banjaliwa wa guverno. Makristau oi banjaliwa litomala naaliwene thitho tanofuneela matukula karta lomali-edha kazamento wa guverno, namwasa oi pievyo vinofuna guverno ira anarala ailamboni mwiwa tairenga. Muleri Titu 3:1, mwamala mutapanye yofuka yo-arelai:
-
Akala muli vabanjani n’nga mutolembi-a banjalinyu wa guverno?
MUTU UNANGO UNOODA UFUKANI IRA: “N’nga vatokala mwasa odhowa malembi-a banja langa wa guverno?” Inofuneya kai dhivelana baa-i?
-
N’nga mutu afuka e-no munam’mwakule a-vi?
MAKUNDO OGWANDELA
Kala vabanjani venango akala vabanjani vyothene pyotuva vyokumela wa Yohova. Vyothene vinooda kami-a mutu unoira vinofuna Yohova ira akale osangalala.
Vyofuka vyowelela
-
N’nga mutu unaire a-vi ira a-indi-edhenga pama yotuvayee yokala diye?
-
Mwasiwa ngwan’ni Bibilya linoonga ira Kristau athelanenga na Kristau fwee?
-
N’nga Bibilya linoonga ira mutu unooda mali-a banja vamwasa uvi?
IDHIWANI VINJINJI
N’nga thela venango theliwa “mwa mbwiye” unothapulelan’ni?
“Mafunso Ochokera kwa Oŵerenga” (Nsanja ya Olonda, 1 wa Julho wa 2004)
Muonele vidiyo yavikundu viili inaukami-eni sakula vyoira mwazelu va mwasa oonga vya imweendi thitho kala vabanjani.
Muone mwasiwa bali unango munoonela liye ira vim’va-idhe Yohova pyapereso yavadhulu maningi kwaranya vyongo vyothene vi-iidhe liye.
Ndinkakhulupirira Kuti Nayenso Akhoza Kuphunzira Choonadi (1:56)
N’nga mutu unofwanela thuulelanga makundo a-vi afunanga mwadhana venango mali-a banja?
“Tizilemekeza ‘Chimene Mulungu Wachimanga Pamodzi’” (Nsanja ya Olonda, Dezembro wa 2018)
a Muone Madhu a komoni 4 va mwasa onyanyali-ana akala ira unango kararuwile.
b Mu makalelo enango, anamabala tanosakulela a-imiwa mutu unofuna aliwa dhathelananee. Akala ti e-no, anamabala audhivela tanoing’ana mutu unom’dhiveliwana Yohova a-kala fuma ina mutuo.
c Akala munokala na mutu oi kamuthelan’ne movwelana nalamulo, munooda sakula m’i-ya venango m’thelananee movwelana na lamulo.