LESSON 48
Musakulenga mwazelu atu owaredhana
Afwi-u avarimani anonikami-a ira nisangalalenga thitho tanonilimbi-a nagumanana nyarwa. Mbwenye Bibilya linoniwenjeli-a ira niirenga polepole nasakulanga atu owaredhana. N’nga munasakule a-vi atu apama oi muawaredhengana? Munoira pama thuulela vyofuka vili chindovi.
1. N’nga vyoira vyaatu anosakulanyo awaredhana vinaukuzeni a-vi?
I-yo atu ninotukulela vyoira vyaatu anowaredhana i-yo. Vyevi vinothapulela ira ninooda tukulela makalelo apama venango othakala aatu anowaredhana i-yo vambo-ive venango va iternetini. Moi Bibilya linoonga ira: “Mutu owenda naatu azelu unodha kala wazelu, mbwenye oira vyongo naatu ovutha [atu enao ta-anodhiveliwana Yohova] unodha gumanana nyarwa.” (Sanganiko 13:20) Mwawaredhanga naatu anodhiveliwana thitho lambela Yohova, anoukami-ani ira nyo thitho mukale vauxamwali na Yohova, thitho ira musakulenga vyoira mwazelu. Mbwenye waredha maningi naatu a-anodhiveliwana Yohova, unoiri-a ira mu-iye mdhiveliwana. Ngumwasiwa Bibilya linonilimbi-a ira nisakulenga mwazelu atu owaredhana. Nawaredhanga naatu oi tanodhiveliwana Nlungu, ninotukulela vyoira viwa vyapama, naaliwene thitho tanotukulela vyoira vi-u vyapama. Ee-no “ninodhowanave didili-ana nolimbi-ana.”—1 Atezalonika 5:11.
2. N’nga Yohova unavwe a-vi akala nitosakula waredha naatu othakala?
Yohova unosakula mwapolepole atu anofuna liye ira takale axamwalee. Bibilya linoonga ira liye “unodhiveliwana atu odhongowa rima.” (Sanganiko 3:32) N’nga Yohova unavwe a-vi akala nitosakula waredha naatu oi katinomdhiveliwana? Liye unosukwala maningi. (Muleri Yakobo 4:4.) Mbwenye Yohova unosangalala maningi thitho unonisakula ira nikale afwee, narambelanga waredha naatu amakalelo othakala. Nosakula axamwali ale anomdhiveliwana.—Salimo 15:1-4.
FUNJEDHANI VINJINJI
Muone mwasee munafuneela sakula afwinyu mwazelu thitho vinaire nyo ira muwaredhenga naatu anaulimbi-eni irana vyongo vyapama.
3. Murambelenga waredha naatu amakalelo othakala
Atu amakalelo othakala katinodhiveliwana Nlungu thitho katino-arela makundwee va ingumiiwa. Muonele VIDIYO, mwamala mutapanye yofuka yo-arelai.
-
N’nga ninarome a-vi waredha naatu a makalelo othakala mo-ozindiyela?
Muleri 1 Akoritiyo 15:33, mwamala mutapanye vyofuka vyo-arelavi:
-
N’nga ngu mutu wa makalelo a-vi oi kanakale fwinyu wapama? Mwasiwa ngwan’ni munoonga e-no?
Muleri Salimo 119:63, mwamala mutapanye yofuka yo-arelai:
-
N’nga munofwanela sakula atu oi a-vi ira takale afwinyu?
Akala paratoni mutokala yova-a imbo-i yovunda, inoiri-a ira vyova-a vinango vili paratonimo vivunde. N’nga mutu mbo-i wa makalelo othakala unanonge a-vi kalelo linyu?
4. Atu a-iyanena i-yo vyongo vinango anooda kala afwi-u apama
Bibilya linoonga vya Davide na Yonatani, enao tali axamwali avarimani. Aliwa tanoovwelana maningi angalive ira Yonatani ali ndimuwa kwaranya Davide, thitho ali mwana mwene. Muleri 1 Samueli 18:1, mwamala mutapanye yofuka yo-arelai:
-
N’nga mwasiwa ngwan’ni afwi-u katinofwanela kalave anofwanafwana na-iyo tunga venango vyongo vinango?
Muleri Aroma 1:11, 12, mwamala mutapanye yofuka yo-arelai:
-
N’nga atu tanodhiveliwana Yohova tanolimbi-ana a-vi?
Muvidiyonimu muone mwemo zombwe unango mwafwaidhe liye afwee tatamu lathamenle aliwa. Muonele VIDIYO, mwamala mutapanye vyofuka vyo-arelavi.
-
Mwasiwa ngwan’ni anamabala a Akil tanookumbanya namwasa waatu awaredhana liye xikolani?
-
N’nga chini yam’mwiri-idhe ira Akil arome vwelana naatu enala?
-
N’nga chini yamkami-idhe ira afwanye afwee?
5. N’nga chini inaukami-eni ira mufwanye afwinyu apama?
Muone vinairenyo ira mufwanye afwinyu apama, thitho vinofwanelanyo irangana ira mukale mutu oi atu enango tanodhiveliwa uwaredhanani. Muonele VIDIYO.
Muleri Sanganiko 18:24 na 27:17, mwamala mutapanye vyofuka vyo-arelavi:
-
N’nga axamwali aimbarimbari anokami-ana mundhila dhivi?
-
N’nga nyo mutokaana afwinyu apama ninga enala? Akala kamuna afwinyu ninga enala n’nga munaire a-vi ira muakaena?
Muleri Afilipi 2:4, mwamala muwakule yofuka yo-arelai:
-
Ira mukaena afwinyu apama, nyo thitho munofwanela kala mutu wapama oi atu enango tanodhiveliwa uwaredhanani. N’nga munaire a-vi vyevi?
Ira mukaena afwinyu apama, nyo thitho munofwanela kaana makalelo apama
ATU ENANGO ANOONGA IRA: “Kavali yongo waredhana mutu uli othene, i-yani-ana a-kaana fwaa.”
-
N’nga nyo munawakule a-vi?
MAKUNDO OGWANDELA
Nasakulanga pama afwi-u owaredhana ninomsangalali-a Yohova, na i-yene thitho ninokala osangalala.
Vyofuka vyowelela
-
N’nga Yohova unavwe a-vi akala mutosakula waredha naatu othakala?
-
N’nga ninofwanela rambela waredhana atu oi a-vi?
-
N’nga munaire a-vi ira mufwanye afwinyu apama owaredhana?
IDHIWANI VINJINJI
Muone mwemo afwi-u apama munanikami-edhele aliwa nagumanana nyarwa.
“Pezani Anzanu Apamtima Mapeto Asanafike” (Nsanja ya Olonda, Novembro wa 2019)
Muone vinairenyo ira mukaena afwinyu apama.
N’nga munofwanela idhiwa vyoi a-vi va mwasa owaredhana atu va internetini?
Mizichita Zinthu Mosamala Mukamacheza ndi Anzanu pa Intaneti (4:12)
Mu mwasa oi “ndanoofunafuna ndingana baba” muone mwasee baba unango atothuulela vyochinja waredhana atu enango.
