I-yo othene ninosakula vinofuna i-yo wara thitho munofuna i-yo dhibalei-a. Mbwenye na-arelanga makundo a Bibilyani okuza mwasula, ninongowara vyowara vinodhiveliwana i-yo thitho vya-anasukwali-a Yohova. Dhoweni nione enango mwamakundo enala.

1. Mbamakundo avi ananikami-e ira nisakulenga vyowara nodhibalei-a mofwanelela?

Ninofwanela sakula “vyowara mofwanelela, vowara mwalemezo namwazelu” thitho hora dhothene nioneenga pama ira atu enango tanionenga ira nili “atu anolemeza Nlungu.” (1 Timoteo 2:9, 10) Dhoweni nioneni makundo 4 ala: 1) Vyowara vi-u vikalenga vyofwanela.” Venango vamigumanoni vi-u ninowara vyowara mo-iyana. Mbwenye, vinowara i-yo thitho moda unoinga i-yo venango samalela sisili-u, vinothonyi-edha ira ninolemeza Nlungu unomlambela i-yo. 2) Wara “modhilemeza” unothapulela rambela wara vyowara vinairi-e atu thuulela vyamararuo, venango thuulela vya i-yo baa-i. 3) Ninothonyi-edha ira ninowara mwazelu” narambelanga tukulela moda owara uliwethene upya nodhibalei-a. 4) Ninodhilimbi-edha ira hora dhothene nioneenga ninga atu “anolemeza Nlungu” voi atu enango katinorucheya zindiyela ira ninolambela Nlungu waimbarimbari.—1 Akoritiyo 10:31.

2. Mwasiwa ngwan’ni ninofwanela thuulela abali naarogoli-u nasakulanga vinofuna i-yo wara?

Ndi imbarimbari ira nitokaana ufulu osakula vinofuna i-yo wara, mbwenye ndipama thuulela kalelo li-u munakuzele aliwa atu enango. Ninorambela sukwali-a atu enango thitho ninodhilimbi-edha “adhiveliwi-a va vyongo vyapama vyowalimbi-a.”—Muleri Aroma 15:1, 2.

3. N’nga mawarelwi-u anakami-e a-vi atu enango ira tarome funjedha vya Yohova?

Angalive ira hora dhothene ninowara pama, mbwenye ninodhilimbi-edha wara pama maningi nakala vamigumanoni yapingo thitho nalaleelanga milanyu yapama. Kaninofuna ira atu enango taimwanane vuruwana milanyu yapama namwasa uwarile i-yo. Malo mwavyevyo, ninofuna ira moda unooneela i-yo ukami-enga atu enango kopeya na milanyu yapama thitho “ira adivi-edhe mafunji-edho anamavulumuchi-u.”—Titu 2:10.

 FUNJEDHANI VINJINJI

4. Naoneyanga pama ninolemeza Yohova

Ndimwasa uvi ulukulu unaniiri-e ira niirenga polepole namwemo munaoneele i-yo? Muleri Salimo 47:2, mwamala mutapanye vyofuka vyo-arelavi:

• N’nga thuulela ira ninoimelela Yohova unanikami-e a-vi nasakulanga vinofuna i-yo wara?

• N’nga munoona ira ndizelu thuulela moda unooneela i-yo nafwanyeyanga vamigumanoni thitho nalaleelanga? Mwasiwa ngwan’ni?

 5. Vinaire i-yo ira niwarenga nodhibalei-a mofwanelela

Muonele VIDIYO.

Vyowara vi-u vikalenga vyochena thitho vyofwanelela na valimburo vali i-yo, a-kala vyodula venango vyochipa pereso. Muleri 1 Akoritiyo 10:24 na 1 Timoteo 2:9, 10. Mwamala, mutapanye mwasiwa ngwan’ni ninofwanela rambela wara vyowara . . .

• vyopingidheya venango vyo-olongosowa.

• vyotimba, vyooneela wari vinairi-e atu enango thuulela vyamararuo.

Angalive ira Makristau amalamboano katino-arela lamulo la Mose, tanoidhiwa malangi-o a Yohova vamwasa wamawarelo okumela muilamulo yen’na. Muleri Dotornomio 22:5, mwamala mutapanye yofuka yo-arelai:

• Mwasiwa ngwan’ni ninofwanela rambela wara nodhibalei-a mundhila inoiri-a lombwana oneyanga ninga i-yana thitho i-yana oneyanga ninga lombwana?

Muleri 1 Akoritiyo 10:32, 33 na 1 Juwau 2:15, 16, mwamala mutapanye vyofuka vyo-arelavi:

• Mwasiwa ngwan’ni ndipama thuulela mwemo maoneelwi-u munakuzele aliwa atu atatamoni mwi-u venango apingoni mwi-u?

• N’nga unokalanyo, atu anodhiveliwana wara nodhibalei-a mundhila ivi?

• N’nga munoona ira moda unango wamawarelo kunakale ofwanelela wa Makristau? Mwasiwa ngwan’ni?

 MAKUNDO OGWANDELA

Nasakulanga pama vinofuna i-yo wara thitho dhibalei-a, ninothonyi-edha ira ninolemeza Yohova naatu enango.

Vyofuka vyowelela

• Mwasiwa ngwan’ni Yohova unofuna ira niwarenga thitho dhibalei-a mofwanelela?

• N’nga ndimakundo avi ananikami-e ira nisakulenga mwazelu moda unofuna i-yo wara thitho dhibalei-a?

• N’nga moda unowara i-yo nodhibalei-a vinairi-e ira atu enango taonenga a-vi lambela wi-u?