N’nga mutoona viruthiruthi vili va brochuraleli moda unowara Mboni dha Yohova tayanga migumanoni wiwa? N’nga mwasiwa ngwan’nininowara phama thitho ninooneya phama nayanga vamigumanoni vi-u?

Ninowara phama vofuna lemeza Nlungwi-u. Chiimbarimbari ira Nlungu khanoona maoneelwi-u aundhe baa-i, unoona rimani mwi-u. (1 Samueli 16:7) Mbwenye nagumaneya ira ninlambele, ninofwanela nlemeza liye thitho na makristau afwi-u. Ninga nadhowanga maonela vatando va namatonga tribunale, ninowara phama thitho oneya phama. Ninoira vyevyi mwasa othonyi-edha lemeza namatongowo. Molandana na iyo moda unawara iyo vodhowa migumanoni wi-u, vinotonyi-edha ira ninalemeza “Namatonga wailambo yothene yavathi,’’ wenuo uli Yohova Nlungu. Thitho ninathonyi-edha ira ninalemeza limburo linanlambelela iyo.—Maromelo 18:25.

Ninoira vyevi vothonyi-edha ira nino-arela makhundo anafunjedha iyo. Bibilya linolimbi-a Makristau ira tawarenga “molemeza na mwazelu.” (1 Timoteo 2:9, 10) Wara “molemeza” unathaphulela a-wara nguwo dhooni-a ira nili atu odhioni-edha na dhothonyi-edha a-dhilemeza okhave. Thitho irana vyongo “mwazelu” unonikhami-a rambela wara vyowara vyo-inda manungo, vyokwiva, venango vyowara vilukhulu. Angalive ira nino-arela makhundo a Bibilyani enala, ninokhaana ngari yosakhula vyowara vinofuna iyo. Mawarelo na maoneelwi-u ‘anodhiveliwi-a ifunji-edho ya namavulumuchi-u thitho anonri-edha Nlungu’ iyo na-aongileve yongo iliyothene. (Titu 2:10; 1 Pedru 2:12) Moi-eeno nawaranga phama vodhowa migumanoni wi-u, ninokhami-a atu enango ira taodenga mlambela Yohova mofwanelela.

Khamuimwanena dhowa Nyumbani wi-u ya Umwene mwasa oi vyowara vinyu pyo-ofwanela, yofuneya khuwara vyowara vyofula phama thitho vyofwanelela, a-khala vipya venango vyokwima.

• N’nga mwasiwa ngwan’ni khofuneya wara phama vodhowa Nyumbani Yaumwene?

• Mbamakhundo avi anofuna nikhami-a vosakhula vyoira vamwasa wa vyowara na maoneelwi-u?