“Nyo munofwanela khala anamafunji-a.” (Aeb. 5:12) Khathuulelani! Yohova—wenuo uli Namafunji-a waphama na nlukhulu mu vyophanduchiwa vyothene—unanivepha iyo ira nifunji-enga atu vya liye! Izo yofunji-a atu vya Yohova—va banjanivi-u vapingoni venango malaleelo—chiyongo yavakhundu na izo ilukhulu vinjinji. N’nga ninaode avi khala anamafunji-a aphama?

Vyevyo rumiwi Paulo vyammwandele liye Timoteo vyinonikhami-a fwanya yowakhula ya yofukha yeyi. Liye alembile ira: “Udhowenave khala ovivelela voleri vamethoni vaatu vowalimbi-a naafunji-a.” Liye atodhowanave onga ira: “waira eno unovivulumucha wekha thitho naale anauvuruwana.” (1 Timo. 4:13, 16) Madhu enala anaoni-a ira ninofwanela awandela atu milanyu yovulumucha ingumi. Eno khofuneya dhilimbi-edha voleri na funji-a mwadodoliso. Broxurali talembele ira  linikhami-e irana vyevyo. Dhoweni nitapanye vyili broxuranimu.

Yohova ngu “namafunji-a nlukhulu.” (Esaya 30:20) Pyaimbarimbari ira broxurali linoukhami-ani dhilimbi-edha voleri na funji-a mwadodoliso. Mbwenye khanidiwale milanywi-u chokhumela wa Yohova thitho liye ngunaakhoka atu. (Juwau 6:44) Eno ninofwanela vephanga nemba wa Yohova moweli-edha weli-edha. Nidhiveliwenga indi-edha basa madhwae thitho nikhami-enga atu ira tathuulelenga vya liye a-akhala vyi-u. Ifunelo yinyu ikhalenga khami-a atu ira tamdhiveliwengana Yohova.

Idhiwani ira nyo mutokhaana ngari yofunji-a atu milanyu yofuneya vinjinji. Pyaimbarimbari ira nadhowanave nyindela “nguru dhinaniva-a Yohova ninooda khala anamafunji-a aphama.—1 Pe. 4:11.

Ngu-iyo anamafunji-a afwinyu

Gulu Lotonga la Mboni dha Yohova