Ulembile Bibilya ngu Yohova. Pumwemo munafwanyamo iyo milanyu yaphama yoi ninodha khala vailambwila dhowa no dhowa. (Salimo 37:29) Bibilyani mutokhala mabukhu mang’ono okwakwana 66. Nlungu ato-indi-edha basa alombwana okwakwana 40 ororomeleya ira talembe Bibilya. M’mbo-i mwa aliwa ali Mose. Liye atolemba mabukhu mathanu oroma a Bibilyani vyawa vyowandamela 3500 ndulimu. Bukhu lomari-edha lalembiwile na rumiwi Juwau vyawa vyokwaranya 1900 ndulimu. N’nga anamalemba taidhi avi vyofuna ira talembe? Nlungu ato-indi-edha basa nemba ochena, ira aonge na aliwa. (2 Samuel 23:2) Eno, milanyu ya Bibilya ikhumele wa Nlungu, akhala waatu.—Muleri 2 Timoteo 3:16; 2 Pedru 1:20, 21.

Ninororomela ira Bibilya likhumenle wa Nlungu, neri-a lo linoonga vyasogolo mokwakwanela. Titho vinoonga aliwa vinoireya. Khavali mutu unaode onga vya sogolo. (Yoswa 23:14) Mbwenye Nlungu wa Nguru dothene baa-i ngunaoda onga vyasogolo.—Muleri Esaya 42:9; 46:10.

Khai vyothikini-a ira bukhu lokhumela wa Nlungu, linofwanela khala lo-iyana na mabukhu enango. Mabibilya okwaranya mabiliyau 2 atogawiwa, mu viongelo vyokwaranya 450. Angalive ira Bibilya tibukhu lilembiwile walelene, vinoonga aliwa va mwasa wa siyensiya pyaimbarimbari. Atu talembile Bibilya tatokhalawo mu mahora o-iyana-iyana, angalive eno, vilembile aliwa  pyovwelana. * Vinoonga Bibilya va mwasa okhala audhivela, pyofuneya vinjinji titho khavyakhumele wa mutu unango akhala Nlungu wa udhivela. I-yavo vyongo vyevi, li-ikhaana nguru yochinja vingumi vyaatu ira vikhale vyaphama. Vyothene vyevi vinooni-a ira Bibilya likhumenle wa Nlungu.—Muleri 1 Atezalonika 2:13.

Mwasa wofuneya vinjinji Bibilyani nji milanyu yaphama ina Nlungu wa iyo. Liye unofuna ira atu takhaena sogolo laphama. Bibilya linoonga vyaireile ira Adamu na Eva taluze ngari yokhalawo dhowa no dhowa paradaizoni. Bibilyalo linoonga mwemo munakhalele ilambwila paradaizo vasogolova.—Muleri Apokalipse 21:4, 5.

Bibilya linoonga vyothene vyairele Nlungu atu khumela vamaromelo. Naleri vyevyo Nlungu vyairele liye anamalabae, ninofunjedha makhalelwae. Voi eno, Bibilya linonikhami-a mmwidhiwa Nlungu, titho mwemo ninofwanyamo malamulo, na malangi-o ananikhami-e idhiwa vyofuneya, ira nikhale axamwali a Nlungu.—Muleri Salimo 19:7, 11; Tiyago 2:23; 4:8.

Brochurali linoukhami-ani vwechecha Bibilya. Titho linoonga malemba na vinathaphulela aliwa. Yesu angali vailambo yavathila atoirana vyevyi vofunji-a atu.—Muleri Luka 24:27, 45.

Milanyu yokhumela wa Nlungu njaphama vinjinji! Mbwenye atu enango khatinofuna idhiwa milanyu yenna. Khamurumele ira vyevi viudidili-eni. Ira nyo mukhalewo dhowa no dhowa munofuneela mmwidhiwa Nlungu.—Muleri Juwau 17:3.