YOFUNJEDHA 8
Mwasiwa ngwani Nlungu unorumeli-a nyarwadhi ireyanga?
1. N’nga nyarwa dhiromile avi?
Nlungu uto-iya ira atu tatongane okhave hora yoyeva, ira aoni-edhe ira atu khatinooda mali-a nyarwa dhiwa
Satana Namanami-a ali ngelo olongomana. Liye anoidhiwa ira ufwanenle lambeliwa ngu Yohova baa-i. Mbwenye Satana o-oroma dhiona khala ofwanelela lambeliwa. Moi eno o-onnami-a Eva. Ngumwasiwa Bibilya linoonga ira liye “kakhaatheile muimbarimbarini.” (Juwau 8:44) Eva o-oirana vyafuna Namanami-a titho khaavwele Nlungu. Vasogolo viwa Adamu o-oirana vimbo-ive. Phumwemo mwaromile nyarwa na ukwa.—Muleri Maromelo 3:1-6, 19.
Satana o-okhala oidanana na utongi wa Nlungu. Liye afuna ira atu enango tairena vimbo-ive, phivyevyo vyamuiri-idhe ira anami-e Eva. Malambo ano atu anjinji khatinafuna tongiwa na Nlungu, aliwa tali ikhundu ya Satana. Ngumwasiwa Satana ‘ngunamatonga wa ilambwila.’—Muleri Juwau 14:30; 1 Juwau 5:19.
2. N’nga uiri-idhe ira nyarwadhi dhikhaleo ngu Nlungu?
Khabe. Vyongo vyothene vinapanducha Nlungu pyolongomana. Angelo na atu ta-afune tangavwele Nlungu. (Dotornomio 32:4, 5) Nlungu univa-a ufulu osakhula ira vyaphama venango vyothakhala. Ufulu wenna unoniva-a ngari yooni-a ira nili ovwela Nlungu.—Muleri Tiyago 1:13-15; 1 Juwau 5:3.
3. N’nga mwasiwa ngwani Nlungu khanamali-eve nyarwadhi?
Yohova utorumeli-a ira atu na angelo ta-anvwele va hora yoyeva. N’nga mwasiwa ngwani utoira vyevi? Liye utoira vyevi ira atu tazindiyele ira nguutongi wa Nlungu baa-i unaode mali-a nyarwa daatu. (Namalaleya 7:29; 8:9) Vatovira vyawa vinjinji atu tavitonganga okhave, mbwenye vinooneya ira khavali utongi unaode mali-a khondo, uphanga, alongomana, titho marenda.Muleri Jeremiya 10:23; Aroma 9:17.
Mo-iyana na utongi waatu, utongi wa Nlungu unokhami-a atu tali ikhundu yeena. (Esaya 48:17, 18) Chineneeva Yohova unodha mali-a mautongi othene aatu. Mbwenye atu tasakhunle tongiwa na Nlungu, tanodha khala vailamboni yavathi.—Esaya 11:9.—Muleri Danieli 2:44.
4. N’nga leva rima wa Nlungu unoniva-a ngari yoira nni?
Ninokhaana ngari yooni-a akhala ninofuna khala ikhundu ya utongi wa Nlungu, venango utongi waatu. Dhela mwa vyoira vi-u vya dambo na dambo, ninooni-a visakhunle iyo va mwasa wa utongi. Satana aongile ira khalivo mutu unalambela Yohova mwasa wa udhivela. Mbwenye iyo ninooda oni-a ira vyevyo pyonama.—Muleri Yobo 1:8-12; Sanganikho 27:11.
5. N’nga ninaoni-e avi ira ninofuna tongiwa na Nlungu?
Iyo ninooni-a ira nili ikhundu ya Nlungu dhelamwa vyosakhula vi-u
Ninooni-a ira ninofuna tongiwa na Nlungu dhela modhowanave funjedha Bibilya na irana vyongo vinafuna Nlungu. (Juwau 4:23) Titho ninga Yesu, iyo khanino volowela ndale dha ilambo venango dhowa khondoni. Vyevyo vinooni-a ira nili ikhundu ya Nlungu.—Muleri Juwau 17:14.
Satana uno-indi-edha basa nguru dhae ira adobe atu ira taonenga vyongo vyothakhala khala vyamasika. Eno na-iya irana vyongo vyothakhala, afwi-u venango abali-u tanooda ninyoza venango niruni-a. (1 Pedru 4:3, 4) N’nga iyo ninodha vwela atu venango Nlungu? Satana aongile ira atu khatinooda vwela Nlungu takhala vanyarwani. Mbwenye malamulo a Nlungu tanonikhami-a ira nikhale phama. Navwelanga malamulo enala, ninooni-a ira Satana ngonama.—Muleri 1 Akoritiyo 6:9, 10; 15:33.
Nlungu unodhiveliwana vinjinji atu. Ngumwasiwa iyo ninooda roromela ira liye unodha mali-a nyarwa. Mutu unaroromela vyevyo titho khala ovwela Nlungu unodha khalawo dhowa no dhowa vailambo yavathi.—Muleri Juwau 3:16.
