YOFUNJEDHA 4
N’nga Yesu Kristu mbaani?
1. N’nga ingumi ya Yesu iromile avi?
Mwasiwa ngwani atu othene tanomdhiveliwana Yesu?—MATEU 11:29; MARKU 10:13-16.
Yesu ali oroma panduchiwa na Nlungu. A-anadhe vailambo yavathi liye ali ngelo dhulu. (Juwau 8:23) Yesu o-okhami-a babae panducha vyongo vinango vyothene. Bibilyani liye unoitaniwa “mwana obaliwa ekhave.” Vyevyo vinothaphulela ira nguliyene baa-i upanduchiwile na Nlungu ekha. (Juwau 1:14) Titho Yesu unoitaniwa “Madhu,” neri-a nguliye avelela malangi-o a Nlungu wa enango.—Muleri Sanganikho 8:22, 23, 30; Akolose 1:15, 16.
2. Mwasiwa ngwani Yesu o-odha vailambo yavathi?
Yesu o-odha vailambo yavathi va myasa miraru. 1) Funji-a imbarimbari mwasa wa Nlungu, 2) oni-a mwemo munairele iyo ifunelo ya Nlungu ningalive vanyarwani na 3) velela ingumi yae yolongomana ninga “yoombolana” wa iyo. Ira adhe vailambo yavathi, Nlungu o-oira yodabwi-a, eno namwali aitaniwa Maria o-okhaana wise. Mwana abaliwile khala Yesu.—Luka 1:30-35.—Muleri Mateu 20:28.
3. Mwasiwa ngwani ninofuneela omboliwa?
Ninofuneela omboliwa neri-a nili odawa titho ninokwa. Nlungu angapanduchile Adamu, liye khaafuna ira atu taululenga titho ukwa. Liye afuna ira Adamu akhale ovwela na khalao dhowa no dhowa. Mbwenye Adamu kaavwele Nlungu. (Maromelo 2:16, 17; 5:5) Atu othene adhidhe nduli mwa Adamu tatowachela madawo na ukwa. Vafuneya yoombolana ira niomboliwe. Yoombolana chiyongo inopagaliwa ira mutu uli vangovini athathuliwe.—Ekisodo 21:29, 30.—Muleri Aroma 5:12; 6:23.
N’nga mbaani avelele yoombolana na nithathula vaukwani? Vafuneya mutu o-odawa.—Muleri Salimo 49:7-9.
4. Mwasiwa ngwani Yesu ukwa?
Va mwasa ofuna atu, Yesu o-ofiyedhela akwela. Liye ali ofwanela nikwela neri-a ngolongomana. Vingalive eno, liye o-ovwela babae na ukwa ira aniombole wu madawo. Dhela mwa viirile Yesu, Nlungu unolevelela madawo aatu. Nlungu utothonyi-edha udhivela dhela moruma mwanae ira adhaniombole.—Muleri Juwau 3:16; Aroma 5:18, 19.
5. N’nga chineneeva Yesu unaira n’ni?
Chineneeva Yesu ngu Mwene, titho unaatonga dhulu. Angali va ilambo ya vathi Yesu o-ovenyathi-a atu okwa, ili-a arenda titho o-odidili-a atu tali vanyarwani. (Mateu 15:30, 31; Juwau 5:28) Liye angakwide, Nlungu atomvenyathi-a muukwani ira amakhalenga dhulu. (1 Pedru 3:18) Liye o-odedi-edha fiedha va hora yokhaatheyi-iwa ninga mwene. (Aebere 10:12, 13) Malambo ano, atu anjinji tanovwela Yesu titho tanofunji-a vyoi liye ngu Mwene. Liye utoira vyongo vinjinji vyaphama, titho vyevyo vinooni-edha vyongo vinaire liye sogolou.—Muleri Danieli 7:13, 14; Mateu 24:14.
Mo-odimbela,Yesu unodha anonge atu othakhala, eno khalivo mutu unodha onanga nyarwa. Wenuo unakhaena iroromelo na khala ovwela Yesu unodha khalawo dhowa no dhowa mu paradaizo vailambo yavathi.—Muleri Salimo 37:9-11.
