1-2. Mbaani unaode kami-a namafunjedha Bibilya fiedha badiziwa?

“MIYO NDANODHIVELIWANA vile vyafunjedha miyo va funjedha wanga Bibilya.” Miyo ndanoidhiwa ira chiimbarimbari mbwenye vyevi vyaromile vale varomile miyo gumaneya na abali, “vale vyachinjile miyo vyongo vinango vaingumi yanga novivelela ira ndibadiziwe.” Pievyo rongola Amy unakala ilambo ya Fiji vyaongile liye. Madwee anoonga imbarimbari yofuneya: Vatokala ngari ilukulu yanamafunjedha Bibilya yovivelela fiedha Badiziwa akala liye utokami-iwa naabali vam’mbo-i naarongola apingoni.

² Namalaleya uli wethene unooda kami-a voulukuli-a pingo. (Aef. 4:16) Painiya m’mbo-i dhinalee Leilani unakala ilambo ya Vanuata unowenjedhela onga ira: Sangani mwinango unaonga ira ira mwana akale olangeya pama unafuneela atu othene a-vatatamoni taode kami-a, miyo ndinoona ira ndi saasawa ira niode funji-a atu milanyu yapama hora dhinango nafuneela pingo wethene ira mutu aode udha imbarimbarini. Atu ava banjani axamwali anamafunji-a othene atokaana izo yooda mkami-a mwana ira aode dhowa vasogolo. Aliwa anoira vyevyi no limbi-a vofunji-a makalelo apama. Saasawa thitho na anamafunji-a anooda va-a malangi-o olimbi-a namafunjedha Bibilya no mva-a vifwanafwani-edho vyapama. Mwandhila yena anooda mlimbi-a ira aode dhowa vasogolo ira aode badiziwa.—Sang. 15:22.

3. N’nga nyo mufunjedhilevo n’ni va viongile Ana Dorin na Leilani?

³ Abali othene a pingoni anooda kami-a namafunjedha Bibilya namalaleya unofunji-a Bibilyowo unofwanela asimbe vyevi. Kaonani painiya wavakundu wenuo dhinalee Ana unakala ilambo ya Moldavia, viongile liye: “Pyorucha vinjinji mutu m’mbo-i oda vwechecha vyorambulela vya namafunjedha Bibilya airanga romawene dhowa vasogolo.” Dorin painiya wavakundu unolabela ilambo ya Moldavia uwongile ira: “Anamalaleya anoonga vyongo vinofiyedha varimani namafunjedha fendo dhinango vinokala vyongo  vya-anathuulelevo miyo.” Leilani unoonga thitho mwasa mwinango: “Liye unovivwa ira mwaimbarimbari i-yo nili mbumba ya Yohova.”—Juwau 13:35.

4. Ninafuna nionen’ni va yofunjedha yei?

⁴ Venango nyo munodhifuka ira: ‘N’nga vinaodeye a-vi miyo kami-a namafunjedha Bibilya dhowa vasogolo angalive ira unafunji-a kaimiyo?’ Mu yofunjedha yei ninofuna nione vyevile vinofuna i-yo ira akala ira nitovepiwa ira nimafunji-enao Bibilya vam’mbo-i. Thitho ninofuna nione vile vinofwanela i-yo ira akala namafunjedha Bibilya utoroma fiya vamigumanoni. Vogomi-edha nafuna nione mwemo andimuwa ava pingoni munairele aliwa vooda kami-a namafunjedha Bibilya dhowa vasogolo fiedha badiziwa.

5. Akala ira mutovepiwa ira mumakami-e vofunjedha Bibilya ikundu inyu chivi?

⁵ Vofunji-a Bibilya una izo yokami-a namafunjedha Bibilya vwechecha madhu a Nlungu gunamafunji-a. Akala namafunji-a utouvepani ira muode mvelela nyo munofwanela viona mweka ira muli namavelela. Ikundu inyu chokami-a baa-i. (Namal. 4:9, 10) Nyo ninga mwalimbo velela ikundu inyu vofunechecha vokami-a vofunjedha Bibilya chivi ira funjedhao ukale oganyali-a?

6. Vovelela dhowa mafunjedha Bibilya vyo munaidi-edhe a-vi basa madhu anafwanyeya va lemba la Sanganikho 20:18?

⁶ Nikozeelenga nafunanga dhowa mafunjedha namutu. Yoroma, muvepe namafunji-a ira owandeleni vang’ono vyokuza namafunjedha. (Muleri Sanganikho 20:18.) Nyo munooda fuka ira: N’nga namafunjedhinyu una makalelo avi? N’nga peeno munofuna mumafunjedhe mwasa uuvi? N’nga ifunelo ya yofunjedha yei chin’ni? Vatokala vyongo vinofwanela miyo onga venango aonga Wari mwa yofunjedhamu? Chini inafuna kami-a namafunjedha dhowa vasogolo? Pyovweya ira namafunji-uwo kanauwadelani sengeredo vyokuza namafunjedhowo mbwenye myasa dhinofuna liye uwadelani vyokuza namafunjedheeowo vinokala vyapama wanyo. Rongola weniyo uli misionario unaongiwa Joy unotapanyecha vyevi na arongola ale unaavepa liye ira taode velela wanamafunjedee Bibilya. Liye unoonga ira: Miyo nodhiveliwecha tapanya na alimbo divelela muurumiwini vyevi vinokami-a kaana ifunelo moda munawakulele liye wari mwa funjedha wa Bibilya.

7. Angalive ira nyo munaavelela mwasiwa ngwan’ni vinokala pama nyo kala okozeene?

⁷ Akala ira mutovepiwa ira mumakalevo vofunjedha Bibilya, vinokala pama nyo kozeela mwa-anadhowe. (Ezara 7:10) Dorin uwongiwile ndulimu uwongile ira: Miyo ndinodhiveliwa akala ira mulimbo ndivelela utokozeela pama. Mwandhila yena liye unooda onga makundo apama.” I-yavo vyevyo akalaira nyo namafunji-a muto kozeela pama vinokala vyo-orucha namafunjedha vwechecha pama, vyevi vinooda va-a ifwanafwani-o yapama waliye masiki ira nyo kamukozeele mwasa wethene munofwanela kaana hora vang’ono ira muode ona makundo malukulu a yofunjedhayo.

8. Munairi-e a-vi lobelo linyu ira likaena yothapulele wari mwa funjedha wa Bibilya?

 ⁸ Lobelo chiikundu ilukulu vinjinji vaikundu yi-u yofunjedha Bibilya. Ngumwasiwa nyo munofwanela kozeela pama vile vinafuna nyo dhowa maonga akala namafunji-a Bibilyuo utouvepani ira nyo mwiire lobelo. Mwandhila yen’na inooda iri-a lobelo linyu likaena yothapulela yiwa. (Sal. 141:2) Kaonani vyamwireele Hanae unakala ilambo ya Japao vafunjedhecha liye Bibilya namafunji-ee hora dinango anodhecha na rongola mwinango ira aode mvelela vodhafunjedha Bibilya. Fiedha malamboano Hanae unothuulela malobelo enao rongoluo vyairecha liye. “Liye unoonga ira: Mbwenye miyo ndanoidhiwa ira liye atokaana uxamwali olimba vinjinji na Yohova mbwenye miyo ndanofuna ndikale ninga liye. Hora dothene vyaongechaliye dhinalanga wari mwa lobelo miyo ndanodhiveliwa vinjinji.”

9. Movwelana na lemba la Tiyago 1:19, n’nga nyo munaire a-vi ira muode mkami-a namafunjedha wari mofunjedha Bibilya?

⁹ Mumkami-e namafunji-a wari mofunjedha. Omamuyovbi, painiya wavakudu unakala Nigeria uwongile ira: “Namavelela wapama nguule unauvuruwana mopwaseya liye unoonga makundo apama wari mwa yofunjedha mbwenye liye kanoonga vinjinji mwasiwa liye utoidhiwa ira unafuna sogolela va yofunjedha yei ngunamafunji-a baa-i.” N’nga nji hora iivi inofuna nyo ongavo? N’nga chini inofuna nyo onga? (Sang. 25:11) Mukale opwaseya pama hora inotapanya namafunji-a na namafunjedhee. (Muleri Tiyago 1:19.) Mwaira e-no nyo munooda kami-a va hora yofwanelela. Vinokala pama nyo kaana mathuulelo apama. Mofwanafwani-a, nyo kamunofwanela onga vinjinji ira mwa-a dodomi-a namafunjedha venango kamunofwanela uchinja mwasuo. Mbwenye nyo munooda wenjedhela vwei-a pama va makundo anotapanyiwao vo-indi-edha basa sangani venango yofuka. Hora inango nyo munongooda viona ira kamunakami-avo yongo wari mwa yofunjedhayo. Mum’simbe namafunjedha thitho mumoni-e ira munom’bala. Mwa vyevyo baa-i, vinooda mkami-a namafunjedha dhowa vasogolo.

10. N’nga vyoireya vyavaingumini vinyu vinakami-e a-vi namafunjedha Bibilya?

¹⁰ Muonge vyiuireeleni. Muonge vyiuireeleni, akala pyoodeya muonge mogwandela mwemo mufunjedhele nyo imbarimbari, mwalimban’nenanyo vyorucha, thitho mwemo muwonele nyo moda uukami-idheni Yohova vaingumiinyu. (Sal. 78:4, 7) Vinooda ireya ira vyauwireeyelenivyo vikale vyofwanelela ira namafunjedhuo avivwe va hora yofwanelela. Aliwa inooda limbi-a iroromelo yee thitho inooda limbi-a dhowa vasogolo fiedha badiziwa. Voidhiwa vyevi vyiuireeleni vaingumi yinyu vinooda mkami-a ira liye aode limbanana vinagumanena liye. (1 Pe. 5:9) Gabriel, unakala Brasil malambo ano gu painiya mbwenye liye unothuulela vyamkami-idhe vyafunjedha liye Bibilya. Liye unoonga ira: “Miyo ndavwa vyevyo vyaireele abali enangoo miyo ndanoona ira Yohova unoona vyorucha vinogumanana i-yo. Akala ira aliwa katolimbanana vyorucha vyevi miyo thitho dingaodile limbanana.”

11-12. Mwasiwa ngwan’ni ninofwanela awachela pama anamafunjedha Bibilya anaaromawene fiya vamigumanoni?

¹¹ Ira namafunjedha Bibilya afiye vobadiziwa liye unofwanela fiyanga vamigumanoni mo-ojoba ira aode ganyali. (Aeb. 10:24, 25) Mbwenye namafunji-ee ngunofuna roma m’mwitanela vamigumanonivo. Mbwenye liye afiya va nyumba ya Umweniyo i-yo othene ninofwanela mlimbi-a ira adhowenave fwanyeyanga vamigumanoni. N’nga vyevi ninaviire a-vi?

¹² Mumwachelenga pama namafunjedha. (Aroma 15:7) Namafunjedhinyu unofwanela ona ira utowacheliwa vamigumanonivo, aira e-no liye unongofunechecha welelao okoka Nyumbani ya Umweniyo. Munofwanela m’mwenyula, mlimbi-a namafunjedhuo thitho m’mwidhiwi-a atu enango. Mbwenye kamuonenga ira mbaabali enango anofuna msamalila. Mbwenye hora inango bali unafunji-a unokala asamalilanga vyongo vinango venango unokala ira kanafiye va Nyumbani ya Umwene. Munofwanela mvuruwana pama namafunjedhuo vinaonga liye thitho muoni-enga ira munombala. N’nga mwamwachela pama namafunjedha liye unavivwenga a-vi? Onani vyevyo vyamwireele Dmitrii. Liye ubadiziwile vyawa vya ndulimu malamboano liye ngu rumiwi okami-a. Vasiku laroma liye fiya vamigumanoni unoonga e-ni: Miyo ndingafiile va Nyumbani ya Umwenio miyo kandatamangele volowa rimanga wanondipaluwa ndongoroma dedi-edha vandhe. Mbwenye bali m’mbo-i adhandione, mwaudhivela atonditukula nondivolocha miyo dhowa makaathi. Abali anjinji tatodha dhandimwenyula mbwenye miyo ndatodabwa. Miyo ndatothuulela ira: Ndafuna ira ukalenga migumano malambo othene asumana. Weule miyo nditozindiela vyongo moda wa-aromile miyo zindielavo valimburo lili lothene.

13. N’nga makalelwinyu anakuze a-vi namafunjedha Bibilya?

¹³ Mukale ifwanafwani-o yapama. Kalelo linyu lapama linooda msikimizeli-edha namafunjedha Bibilya adiwone ira atofwanya imbarimbari. (Mat. 5:16) Vitalii, malamboano ngupainiya ilambo ya Moldávia, liye uongile ira: “Miyo ndanoing’anecha pama moda wakalele ingumi, vothuulela na moda oirana vyongo waabali pingoni. Vyevi vinondiiri-a ona ira aMboni dha Yohova mwaimbarimbari anowenda na Nlungu.”

14. N’nga ifwanafwani-o inyu inaode a-vi kami-a atu enango vodhowa vasogolo?

¹⁴ A-anafiye vobadiziwa namafunjedha Bibilya unofwanela i-ndi-edha basa vile vifunjedhile liye. Mbwenye vyevi kai vyokweya. Mbwenye namafunjedha Bibilya aona ira muno-arela malamulo a Bibilya noira anoudhi-edhani maraeli-o liye unokaana ifunelo yoirana vim’mbo-ive ninga vyairechanyo. (1 Akor. 11:1) Onani ifwanafwani-o ya Hanae, uongiwile ndulimu. Liye unoonga ira. “Abali apingoni kali ifwanafwani-o va vile vyafunjedha miyo. Ndatofunjedha adhiveliwi-a abali enango kala oleva rima na thonyi-edha udhivela. Hora dhothenedhene abali kanoonga vyongo vyapama vya unango na fwee. Thitho miyo ndanofwanele kala ninga aliwa.”

15. Movwelana na lemba la Sanganikho 27:17 mwasiwa ngwan’ni ninofwanela kaana uxamwali na anamafunjedha Bibilya?

 ¹⁵ Mukalenga unaxamwali naanamafunjedha. Vevale namafunjedha vinofiya liye vamigumanoni vinooni-a ira liye uno-ela valimburo loroma imbarimbariyo. (Afil. 2:4) Mukalengana hora yooda tapanya na namafujedhuo. Kamunofwanela onga vya sengeredo vyee mumsimbe namafunjedha va vyongo vyothene vichinjile liye vaingumi yee. Mumfuke funjedha wee wa Bibilya nofukedhela banjalee na basa lee. Tapanya oi ee-ni unodha uri-ani nyo atu ambili kala vauxamwali wapama. Vyevi vinova-a ira namafunjedhuo afune badiziwa. (Muleri Sanganikho 27:17.) Hanae malamboano ngu painiya okaatheya. Voonga vya hora yaroma liye fwanyeya vamigumanoni liye uongile ira: Vahora yakalana miyo axamwali pingoni ndanokaana ifunelo yofuna dhowa migumanoni. Angalive ira ndakalecha ochenyela miyo ndanodhowecha Nyumbani ya Umwene. Miyo ndanodhiveliwa kala vam’mbo-i naaxamwalanga apya. Vyevi vyatondikami-a ira ndiode i-yachi kaana uxamwali na ale a-amlambela Yohova. Miyo ndanofwanela ira ndiode mkwivela Yohova vaduzi naabalanga apingoni. Ere eno ndatosakula ira ndibadiziwe.

16. N’nga munaire a-vi ira muode kami-a namafunjedha Bibilya ira aode kala othathuwa vovivwa ira unoira ikundu ya pingo?

¹⁶ Vaikundu ile namafunjedha Bibilya vinavilimbi-edha liye moira machinjo mkami-eni avivwenga ira liye unoira ikundu ya pingo. Ndhila inango yoirela vyevyo kukala atu owaredhi-a. (Aeb. 13:2) Vothuulela hora ali liye namafunjedha Denis unotumikira ilambo ya Moldavia uongile ira: “Fendo dhinjinji dhene miyo na i-yananga nanoitaniwecha naabali mamidhi mwiwa voirela vyongo vam’mbo-i vahora dhedho aliwa kanondiwandelecha mwemo mwakami-iwile aliwa na Yohova vyevyo vyanonilimbi-echa i-yo. I-yo natosakula ira nimlambele Yohova thitho voi eeno ningaodile kaana ingumi yapama.” Namafunjedha Bibilya arumeli-iwa ira akale namalaleya nyo munooda mvepa ira mudhowe vam’mbo-i na liye malaleelo. Diego, namalaleya unokala Brazil uongile ira: “Abali anjinji katondivepa ira niode dhowa vam’mbo-i malaleelo naaliwa. Yeniyo ali hora yapama yooda aidhiwa vakadha m’mbo-i naam’mbo-i waaliwa. Ndatofunjedha vinjinji waaliwa thitho miyo ndatovivwa kala vauxamwali na Yohova thitho Yesu.”

17. N’nga andimuwa avapingoni anakami-e a-vi anamafunjedha Bibilya?

¹⁷ Mukaengana hora yooda kala vam’mbo-i na anamafunjedha Bibilya. Nyo andimuwa avapingoni udhivelinyu noabala winyu anamafunjedha Bibilya unooda akami-a ira tadhowe vasogolo fiedha badiziwa. Nyo munoona a-vi oda kaana hora yotapanya naanamafunjedha Bibilya migumano ya-anarome venango mwaweruwa. Aliwa taroma wakula vamigumanoni mwaaromolenga na dhina liwa. Vamakalelo enala aliwa anongovivwa ira nyo munoabala. Hora dhinango muodenga kala okozeya ira muode  mvelela namalaleya wen’ne unamfunji-a namafunjedhuo. Mwemo munofunanyo mfiedha varimani namafunjedhuo, vinooda kala vilukulu kwaranya mwemo mwathuulela nyo. Jackie, painiya m’mbo-i unakala Nigeria uongile ira: “Anamafunjedha anjinji anooda kala odabwa vinjinji kaona ira uwavelele vaikundu yofunjedha Bibilya wasuku lelo ngundimuwa wavapingoni. Mbwenye namafunjedha m’mbo-i uundiwandela ira” Busanga miyo vano karomilevo irana vyevi. Mbwenye liye unapadha atu ofuna baa-i akala ira aliwa katoira vyovelela!” Namafunjedha wenna malamboano unofwanyeya vamigumanoni.

18. N’nga andimuwa avapingoni anadhilimbi-edhe a-vi vokwakwaneli-edha izo iwa inoongiwa valemba la Mayirelo 20:28?

¹⁸ Afunji-eni noalimbi-a anamafunji-a. Nyo andimuwa avapingoni mutokaana izo ilukulu vinjinji: vokami-a anamafunji-a ira pama thitho kami-a anamafunjedha Bibilya. (Muleri Mayirelo 20:28.) Vinooda ireya ira namalaleela oda kaana manyazo oda funji-a namafunjedhee nyo mwangali vevo. Nyo dhiveleleni ira aode romi-a funjedha wa namafunjedhe. Jackie, wenuo uongiwile ndulimu unaonga ira; Andimuwa avapingoni hora dhothene anondifukecha mwasa wa namafunjedhanga. Akala ndafwanya vyododoma voonga namafunjedhanguo aliwa anooda ndikami-a nondiva-a maonelo apama. Andimuwa avapingoni atokaana izo ilukulu yooda limbi-a anamafunjedha voakami-a ira ka-awelele nduli. (1 Atez. 5:11) Jackie unowenjedhela ira: Miyo ndinodhiveliwana akala ira andimuwa tanondilimbi-a thitho taonganga ira basa langa tofuneya vinjinji waaliwa. Madhu oi eeni anondidhivela ninga ma-inje odidila vinjinji vahora yaona miyo vi-a vinjinji. Ndisimba wiwa unowenjedhela nyindela wanga na imwerumweru ina miyo vooda funji-a anamfunjedha Bibilya.”—Sang. 25:25.

19. Njiimwerumweru ivi othenene i-yo inofuna i-yo kaana?

¹⁹ Angalive ira yenna nyo munasogolela namafunji-a Bibilya, nyo munooda kami-a mutu fiedha badiziwa. Akala ira nyo munamvelela fwinyu ira amafunji-e namafunjedha Bibilya mukozeele pama ira mwaoge makundu apama ooda mkami-a namafunjiwo vorambela onga vyongo vinjinji. Mukalengana uxamwli na anamafunjdeha anaaroma wene fiya Vanyumba ya Umwene thitho kalani ifwanafwani-o yapama waaliwa. Akala nyo muli ndimuwa wavapingoni oani hora yooda kala na anamafunjedha Bibilya ira muode alimbi-a. Thitho mwaalimbi-e anamafunji-a noalimbi-a thitho voasimba. Mwaira vyevi nyo munodha vivwa kala waimwerumweru vinjinji vooda kami-a mutu mm’mbo-i dhiveliwana nomlambela Babi-u.