Versu leli litokaana thandha wamakalelo aukristau mathanu na manai: “Vyova-a vya nemba ndi: udhivela, imwerumweru, rendele, leva rima, oma rima, upama, iroromelo, pwaseya, dhikondi-a.” Mbwenye vyevyo kavinothapulela ira makalelo apama enao nemba wa Nlungu unonikami-a aliwa ulukuli-a mbenala baa-i.

Onani vilembile rumiwi Paulo mumaversu andulimu: ‘Makalelo aututu mbaala: Makalelo oraruwa, vyongo vyorotola, makalelo ova-a manyadho, lambela vyosema, roromela minemba, idana, ndale, sanje, thakaleliwa mokwaranyi-a, a-vwelana, gawaneya, sakulana magulu, bivu, lezela, mafesta o-ofwanelela, na vyongo vinango ninga vyevi’. (Agal. 5:19-21) Madhu oi “vyongo vinango ninga vyevi” anooni-a ira Paulo angaodile thangani-vo vyongo vinango valista leli la makalelo aututu. (Akol. 3:5) Mofwanafwana Paulo angalembile valistaniva makalelo apama mbwenye liye aongile ira: “Vyongo ninga vyevi kavali malamulo”. Wu iwongelo yi-u, madhu oi “vyongo ninga vyevyi” anoonda thapuleliwa “vyongo ninga vyevi”. Vyevi vinooni-a ira Paulo kaira kondi-a “vyova-a vya nemba” mbwenye ali makalelo enala.

Ninoonda vwechecha mwasula pama nafwanafwani-angana lista lalembile Paulo va kartalee lodhowa wu Aefeso: “Vyova-a vyanjeza vinodhana vvyothene vyapama na vyolongomana”. (Aef. 5:8, 9) Upama,” tikalelo lolongomana thitho laimbarimbari, kaleloli “ndi yova-a yichena,” neri-a kaleloli linovwelana na “vyova-a vya nemba ochena.”

Mosikimiza Paulo atomlimbi-a Timoteo ira akaleve chilili “moira vyongo vyolongomana vova-a titimi-o Nlungu, mororomeleya, udhivela, leva rima, no pwaseya.” (1 Timo. 6:11) Mwa viraru mwaaliwa (iroromelo, udivela no pwaseya) vitoongiwa ninga “vyova-a vya nemba ochena” mwaimbarimbari ira Timoteo angafunile ira nemba ochena ukami-e, ulukuli-a makalelo mararwala: ira vyongo molongomana, va-a titimi-o Nlungu noleva rima.—Onani lemba la Akolose 3:12; 2 Pedru 1:5-7.

Ee-no ninooda mari-a na lemba la Agalata 5:22, 23 kalinoira lista lokwakwanela na makalelo apama Aukristau. Nemba ochena wa Nlungu unooda nikami-a ulukuli-a kalelo lipya la “yova-a ya nemba ochena” mbwenye vatokala kalelo lapama linofwanela i-yo kaana ira nikale Makristau oulukula mwa unemba, “na dhiwari-a umutu upya, wenuwo upanduchiwile na ifunelo ya Nlungu, mwa longomana waimbarimbari na iroromelo.”— Aef. 4:24.