MURU OFUNJEDHA 26
“Welela wa miyo”
“Muwelele wa miyo miyo ndinowelela wanyo.” —MASAL. 3:7.
NYUMBO 102 “Muthandize Ofookawo”
VINOFUNA I-YO FUNJEDHA *
1. N’nga Yohova unovwa a-vi libilalee limbo-i lawelela wa liye?
NINGA muonele i-yo yofunjedha ivirile, Yohova unodhilandani-a na namakumbiza wapama unoing’anela mabilee mwaudhivela. Ee-no liye unodhowa masaka libila lothene lidimenle vakumbini. Yohova atoaongana anaisraeli a-iidhe mlabale ira: “Welelani wa miyo, miyo ndinodha welela wanyo.” I-yo nitoidhiwa ira tangaranga dha Yohova dhitofiedhela malambo ano mwasa oi liye unonilimbi-a ira: “Miyo kandino chinja.” (Masal. 3:6, 7) Yesu utoonga ira Yohova vambo-i naangelo anokala aimwerumweru na masiki angalive ira uwelelile ngu rumiwi mmbo-i baa-i wa Yohova a-iyanne na pingo a-welela.—Luka 15:10, 32.
2. Chini vinofuna i-yo funjedha?
2 Vifwanafwani-o viraru vyaongile Yesu vinonioni-a mwemo munaakami-edhe i-yo atu a-iidhe ndhila ya Yohova. Dhoweni nifunjedheni no thuulela, makalelo ofwanelela anofuna i-yo kaana ira niode akami-a abali-u afookile ira tawelele wa Yohova. Thitho ninofuna nione ira thindhi leli tokami-a moi a-vi.
SAKA KOBIRI YODIMELA
3-4. N’nga i-yana uwongiwile muifwanafwani-edho ya va Luka 15:8-10 mwasiwa ngwan’ni atokaana thindhi ira afwanye kobiri ya drakima yadimelile?
3 Ira naafwanye atu anofuna welela wa Yohova unofuna thindhi. Mu buku la Luka, Yesu atoonga ifwanafwani-edho ya i-yana adimeli-idhe kobiri yofuneya vinjinji kobiri ya darakima. Ikundu yofuneya vinjinji ya ifwanafwani-oyi cha moda udhilimbi-edhe i-yanuo ira aifwanye kobiriyo. — Muleri Luka 15:8-10.
4 Yesu atoongamo pama moda wali i-yanuo angaifwaidhe kobiri ya drakima yofuneiyo. Hora ya Yesu, a-iyana hora dhinango tanoganyalecha kobiri dhokwakwana kumi dha drakima kumela wammiwa dambo la kazamento. Venango kobiri yadimeli-dhe i-yaana ali imbo-i mwa dhedhi oni-anga ira yate gwela vathi. Ee-no, liye ato-indi-a latherna liye saka rungunuwa, mbwenye liye kaaiyoni. Mwasa wa njeza ya latherina lee kalawala pama, kaaodile iyona isikobiriyo. Voona ee-no liye atothuulela ira aire vyelawene mmba mothene. Vaari va tumbulu ligumani-idhe liye, unoiona kobiriyo ya drakima yofuneechecha ili malimalimali liye atoonga ira: Mfuu! Nditovuma! Liye itana afwee na amwandamani roma awandela vimwireelevyo.
5. Mwasiwa ngwan’ni vinokala vyorucha fwanya atu a-iyannena pingo?
5 Muifwanafwani-onimu ninoona ira Yesu aoni-idhe ira funa fwanya yongo yodimela vanofuneya thindhi. Nasaasawa nasakanga atu a-iyannena pingo. Venango vatovira vyawa vinjinji ta-agumaneyanga na i-yo vambo-i enango anofiedha thamela isa inango aluwa aidhiwana na abali aweo. Mbwenye hora yeniyo, atu enango ofooka masiki ira anofuna welela wa Yohova. Aliwa anofuna mlabela Yohova vambo-i naabali, mbwenye anofuna pedhelo li-u.
6. N’nga othene pingoni ninaode a-vi kami-a atu ofooka?
6 N’nga mbaani ufwanenle saka atu ofooka? Ngu-iyo othene andimuwa avapingoni, apainiya, mutu wavabanjanivo na anamalaleya othene avapingoni. Nyo mutokaana balinyu ufookile? Mutoroma fwanya mutu ofooka mulaleelanga va nyumba na nyumba vengo vokala atu anjinji? masiki kala ira aluwa mbokozeya rumela wendeliwa na andimuwa avapingoni ulengo waunamakumbiza. Akala taoni-a ifuneyo yeyo, vepani numerwiwa ya telefoni na afuka akala anorumela ira mumaava-e andimuwa avapingoni numerwiyo.
7. Mufunjedhilen’ni va vyoonga vya ndimuwa m’mbo-i wavapingoni unoitaniwa Thomas?
7 N’nga andimuwa avapingoni anarome a-vi ira tafwanye atu ofooka anofuna welela wa Yohova? Kaonani viirile Thomas, * ndimuwa wavapingoni wa Espanya uodile kami-a alimbo fooka okwaranya 40 aliwa welela pingoni, munoirecha liye. Liye uongile ira: “Yoroma, ndinofukecha abali o-iyana-iyana ira tandiwandele unokala atu ofooka. Venango akala namalaleya utoidhiwa uli ofooka akala aliwa anothuulela uli bali a-anofiya migumanoni. Abali anjinji apingoni anodhiveliwecha taona ee-no, voona ira anokami-a va basa loweli-edha pingoni. Amala, bali ofooka aoneya, ndinofukedhelecha a-imee na atu enango avabanjanivo. Alimbo fooka enango tadhowanga migumanoni anodhowechana a-miwa, venango a-imiwao mbaanamalaleya. Aliwa thitho anofwanelela kami-iwa ira tawelele wa Yohova.”
KAMI-ANI A-IMA TA-IIDHE GULU IRA TAWELELE WA YOHOVA
8. Ifwanafwani-o ili va Luka 15:17-24, n’nga baba unommwirana a-vi mwana achinyuwa?
8 N’nga tikalelo liivi linofwanela i-yo kaana ira nikami-e atu ta-iidhe gulu ira tawelele wa Yohova? Onani mwemo munafunjedhele i-yo ifwanafwani-o ya Yesu yoonga vya mwana akumile vandhe. (Muleri Luka 15:17-24.) Yesu atoonga ira vinoireya akala mwana utochinyuwa liye sakula welela vandhe. Baba unotamanga mwamfwanya mwanee na mkumbarela molimbi-a, thitho mmoni-a udhivela. Mwana unoviona ira ngodawa thitho unothuulela ira kanofwanela ireliwa vyongo ninga mwana. Liye unomwandela babee munovwivwela liye mbwenye babee unooni-a tangaranga na vwechecha munovionela mwaneuo. Adhaire ee-no, babee unommoni-a mwaneuo ira utowacheliwa fendo yanambili, mbwenye kawacheliwile ninga namalaba, uwacheliwile ninga mutu umbo-i wavabanjani. Ira aoni-e vyevyo pama, baba utoira masaka-edho vokozeela pwando la mwanee uchinyuwile thitho unomva-a vyowara vya vyapama.
9. N’nga mbamakalelo avi anofwanela i-yo kaana ira nikami-e afookile ira tawelele wa Yohova? (Onani kaxa loi “ N’nga ninakami-e a-vi atu ofooka welela wa Yohova.”)
9 Yohova uli ninga baba waifwanafwani-ula. Liye unodhiveliwana abali na arongoli-u ofooka thitho unofuna ira tawelele wa liye. Vo-arela ifwanafwani-o ya Yohova i-yo ninooda akami-a. Ira niire ee-no, ninofwanela oni-a leva rima, tangaranga na udhivela. (Tiy. 2:13) Mwasiwa ngwan’ni ninofwanela oni-a makalelo enala n’nga ninairena a-vi vyevyi?
10. N’nga mwasiwa ngwan’ni ninofwanela kala oleva rima vokami-a mutu ufookile welela wa Yohova?
10 Ninofwanela kala oleva rima neri-a vanovira hora ira mutu awelelemo muingumi yaunemba. Anjinji afookile ndulimu anothuulela ira aliwa tawelele pingoni tangapandhiwile fendo dhinjinji naadimuwa apingoni gumai-avo abali enango. Rongola unango wa Aziya, dhina lee Nancy, ulembile ira: “Xamwalanga wavarimani wa pingoni mwanga utondikami-a vinjinji! Liye anondidhiveliwana ninga ndimuwa waimbwi. Liye anondivuruwana moleva rima ndaonganga mathuulelwanga, thitho liye kaandiova vondiva-a malangi-o. Liye atooni-a ira ali xamwali waimbarimbari, thitho okozeya kami-a vahora iliyothene.”
11. Mwasiwa ngwan’ni ninofwanela kaana tangaranga ira niili-e mathuuulelo o-ofwanela?
11 Tangaranga dhikadhi ninga rombwe wanguru. Aliwa dhinooda ili-a mathuulelo opeya. Atu ofooka enango anolokothedha myasa wa vyawa vinjinji na mutu unango wa pingoni. Thitho vyolokothedha vyevi vinooda didili-a ifunelo yofuna welela wa Yohova. Venango aliwa anooda thuulela ira tatoireliwa vyo-olongomana. Inofuneela abali ofookala kuwavwechecha taonganga no avuruwana taonganga mathuuleliwa. (Tiy. 1:19) Rongola Maria afookile vahora indendai unoonga ira: “Miyo ndafuneela xamwali ondivuruwana, thitho ondi-inda ndhandha ira andikami-e thitho oi nilenga vambo-i.”
12. Ongani ifwanafwani-o inooni-a ira Yohova uno-indi-edha basa udhivelee vofuna oda aweli-a afookile.
12 Bibilya linofwanafwani-a udhivela wa Yohova naatwee ninga go-i. N’nga ndi moda oi a-vi udhivela wa Yohova munokalela aliwa ninga go-i? Thuulelani ifwanafwani-oi: Kathuulelani ira mutogwela ma-injeni vodi-a vinjinji thitho munaapwila. Moi ee-no, mutu unango utouponyedhani yowara yovulumucha ingumi ma-injeni. Mbwenye kalave yowara yovulumucha ingumi chinauvuluchani. Ma-injao mbomanganyeya, mbwenye nyo munooda vulumuwa mwaoda fiya vamwadeyani ovulumucha ingumi. Nyo munofuneela ira mutu aponye go-i ira amburule mwadiuwo. Yohova atowandela aisraeli ampaduwele ira: ‘Muwendenga na go-i wa udhivela.’ (Hos. 11:4) Nlungu unoakumbanyedha atu ale a-iidhe mlabela enao anopwila na nyarwa thitho vyothuulela. Liye unofuna ira atwala taidhiwe vya udhivela unaliye naaliwa thitho unofuna ira amburule ira tawelele waliye. Yohova unooda u-indi-edhani basa nyo vooni-a udhivelee waatu afookile.
13. N’nga ifwanafwani-o ya Pablo inooni-a a-vi ira oni-a udhivela waabali-u unooda kala okami-a vinjinji ira tawelele wa Yohova?
13 Pyofuneya vinjinji awandelanga afookile ira Yohova unoadhiveliwana thitho i-yo ninoadhiveliwana. Pablo, wa Amerika makumelo wa dhuwa, akalile ofooka vyawa vyokwaranya 30. Unoonga ira: “Dambo n’nango, namaebe-i ndikumanga vandhe ndamfwaidhe rongola waimbwi wapama vinjinji. Liye atondiongana mwaudhivela moi ndatoroma ula ninga mwana. Miyo ndatommwandela ira ali Yohova amrumile ira andhandiongena. Ali vahora yen’ne vyasakulile miyo welela wa Yohova.”
KAMI-ANI OFOOKA MWAUDHIVELA
14. Movwelana na ifwanafwani-o inofwanyeya va Luka 15:4, 5, chini yairile namakumbiza adhafwanye libila ladimelile?
14 Atu ofooka anafunengave pedhelo li-u. Ninga vyate mwana adimelile muifwanafwni-o ya Yesu, aliwa anokala tangakuzeile vinjinji. Venango anokala ofooka muunembani mwasa wa vyongo vinogumanana aliwa muilambo ya Satanila. Ngumwasiwa, ninofwanela akami-a ofooka ira tawelele kaana iroromelo na Yohova. Muifwanafwani-o ya libila lodimela, Yesu utoonga ira namakumbiza ato-ela libila vafudi vee thitho liye dhowa malimbo kumbizanga. Namakumbiza atomala nonga nguru dhee na horee vofuna saka libila lodimela ira alifwanye. Mbwenye liye atoidhiwa ira libila kalakaena nguru dhofuna wela oka, liye anofwanela litukula dhowa malikumbiza.—Muleri Luka 15:4, 5.
15. N’nga ninofwanela ira n’ni ira naakami-e ofooka welela wa Yohova? (Onani kaxa loi “ Farameto lofuneya vinjinji.”)
15 Venango ninofuneela dhivelela nanguru thitho hori-u vofuna kami-a ofooka limbanana nyarwa. Mbwenye mokami-iwa na nemba wa Yohova, dhela mwa madhwee na mabuku anokumi-iwa, ninooda akami-a kala olimba okoka muunembani. (Aroma 15:1) N’nga ninairena a-vi vyevyo? Ndimuwa unango wavapingoni oidhiwa vinjinji uongile ira: “Vanduli vosakula welela wa Yohova, ofooka anjinji anofuneela funjedha naaliwa Bibilya.” * Ngumwasiwa akala ndimuwa wavapingoni utouvepani ira mufunjedhenga Bibilya na ofooka, munoona a-vi rumela ngari yeniyo? Ndimuwa unango wavapingoni thitho atoonga ira: “Namalaleya unofunjedha Bibilya na mutu ofooka unofwanela kala xamwali wapama thitho mutu oi ofookuo unomnyindela.”
IMWERUMWERU DHULU THITHO IMWERUMWERU ILAMBO YAVATHI
16. N’nga ninoidhiwa a-vi ira ninooda pedheliwa naangelo?
16 Kanili oka vosaka atu ofooka. Nitokaana anonikami-a enao ali angelo. (Apok. 14:6) Vyongo vinjinji vinooni-a umboni wa vyevyo. Mofwanafwani-a, Silivio, wa Equador, atoira lobelo vovepa pedhelo ira awelele pingoni. Mwari mwa lobelo, bero yavalango yatola: ali andimuwa ambiili apingoni. Aliwa tatokala aimwerumweru vinjinji vokala oroma mva-a pedhelo Silivio lafuna liye ira awelele wa Yohova.
17. N’nga ninovivwa a-vi nakami-anga ofooka muunembani?
17 Kami-a ofooka welela wa Yohova unooda niva-a imwerumweru injinji. Kaonani viongile Salvador, painiya unoidhilimbi-edha mwavakundu ira akami-e ofooka: “Fendo dhinango, mwasa waimwerumweru kandinaodecha vilela ndinokumi-echa mi-odi. Tibasa lapama vinjinji idhiwa ira Yohova utovelela libila limbo-i mwa mabilee anoadhiveliwana liye muilambo ya Satanila thitho ira miyo nditokaana ngari yokala namaongela wa Nlungu mu basa leli.”—Mayir. 20:35.
18. Akala nyo muli ofooka munofwanela sikimizan’ni?
18 Masiki ira nyo muto-iyachi irela vyongo vambo-i naatu a Nlungu, muidhiwe yongo imbo-i ira: Yohova unoudhiveliwanani. Unofuna ira muwele wa liye. Chiimbarimbari ira munofwanela dhilimbi-edha ira muwele. Mbwenye ninga baba wamuifwanafwani-o ya Yesule, Yohova kanobala hora inofuna nyo wela. Liye uli okozeya voudedi-ani ira aukumbareleni.
NYUMBO 103 Abusa Ndi—Mphatso za Amuna
^ ndima 5 Yohova unoaitana atu a-iyannena pingo moi ee-ni: “Welelani wa miyo.” Liye unofuna ira atu ofooka tarumele muitanula. Vatokala ndhila dhinjinji dholimbi-ana abali-u ira tawelele pingoni. Dhoweni nioneni ndhila dhoyeva.
^ ndima 7 Madhina enango atochinjiwa.
^ ndima 15 Wa ofooka enango, vinooda kala vyokami-a funjedha vikundu vya buku loi Kodi Mungatani kuti Mulungu Azikukondani?. Wa enango vinooda kala vyokami-a na buku loi Yandikirani kwa Yehova. Nji komiti ya pingo inosakula uli ofwanelela funjedha Bibilya na ofooka.
^ ndima 68 IRUTHIRUTHI VATHAKURU: Abali araru o-iyana tamkami-anga bali unofuna wela. Aliwa anoira vyevyo voongi-ana na ofookuo, vomsikimizi-a ira Yohova vambo-i na pingo unomdhiveliwana thitho vomvwechecha movuruwana.
