Mwasiwa ngwan’ni Yesu a-anakwe atoonga madhu a Davide anofwanyeya va lemba la Salimo 22:1?

Mwamadhu ogomi-edha aongile Yesu a-anakwe, anothangani-avo anofwanyeya va lemba la Mateu 27:46: “Nlungwanga, Nlungwanga, mwasiwa ngwan’ni mutondi-iya?” Voonga vyevi Yesu atokwakwaneli-edha madhu a wamasalimo Davide alembiwile va Salimo 22:1. (Marku 15:34) Vinokala vyodaweya thuulela ira Yesu voonga madhu enala ate tatila iroromelo mwahora yoyeva. Yesu anoidhiwa pamapama ira mwasiwa ngwan’ni liye anofwanela ukwa thitho liye ali okozeya irana vyevyo. (Mat. 16:21; 20:28) Yesu thitho anoidhiwa ira yafiya horee yoi apiwe, Yohova angadhakumi-idhevo “chinga lomvunela” nlilothene lomrungunuwa. (Yobo 1:10) Mwandhila yen’na, Yesu angaoni-idhe ira liye ali ororomeleya wa Yohova fiedhela ukwa oonela nyarwa ilukulu.—Marku 14:35, 36.

N’nga mwasiwa ngwan’ni Yesu atoonga madhu olembiwa va Salimo leli? Angalive ira kanina imbarimbari yokwakwanela, dhoweni nioneni makalelo enango oonga vyevyo. *

Venango Yesu akokomeza ira Yohova kaaode iravo yongo va hora yawukwa wee. Yesu afwanele pagali yoombolana mo-okami-iwa na Yohova. Liye ali mutu waututu afwanenle wukwa ninga mutu ira “awese wukwa malo mwaatu othene.”—Aeb. 2:9.

Venango Yesu atoonga madhu enala vofuna ira atu tazindiyele madhu a Salimo lipumbula. Malambo a Yesu Ayuda tanolokota muruni malemba manjinji a Masalimo. Tavwa mutu aonga  versu la lemba la Salimo aliwa tanoothuulela hora yeniyoene Salimo lothene lene. Akala ira vyevyo pyali mathuuleloni mwa Yesu, venango liye afuna ira anama-arelee aayuda tathuulele ira salimo leli latokaana maulsi manjinji oonga vyaukwawee. (Sal. 22:7, 8, 15, 16, 18, 24) i-yavo vyevyo, maversu ogomi-edha a salimo, anomtitimi-a Yohova thitho anoonga ira liye ngu mwene wailambo yothene yavathi.—Sal. 22:27-31.

Venango Yesu afuna aoni-e ira liye kaadawile yongo iliyothene. Yesu a-anakwe atotongiwa miselu yo-ofwanelela liye oniwa ira ngodawa na mwasa oongela vyothakala dhina la Nlungu. (Mat. 26:65, 66) Tongiwa weu waireile mombaranya, vaari vama-iyu mo-ovwelana na lamulo laanamatonga avahora yeniyo. (Mat. 26:59; Marku 14:56-59) Vyaongile Yesu ira: “Nlungwanga, Nlungwanga, mwasiwa ngwan’ni mutondi-iya?” Venango liye afuna akokomeze ira liye kaadawile yongo iliyothene yofwanelela liye piwela moda wenuo.

Venango Yesu afuna aathuuche atu ira vyaona Davide nyarwa kaaiira liye ate a-rumeliwa na Yohova. Yofuka ya Davide kajinothonyi-edha ira liye ate i-ya iroromelo. Ngumwasiya angamadhi fuka yofukayei liye atoonga ira anororomela kopolo dha Yohova dhovulumuchana thitho Yohova atodhowanave mraeli-a Davide. (Sal. 22:23, 24, 27) Saasawa na Yesu “Mwana Davide,” angalive ira liye aira ona nyarwa vaimurini yoonelavo nyarwa, vyevyo kavyaoni-a ira liye ate ii-wa na Yohova.— Mat. 21:9.

Venango Yesu aongela vyavwa liye upa mo-ovuneliwa na Yohova vahora yeen’ne. Yohova kaafuna ira mwanee aoni-iwe nyarwa fiedhela piwa. Vyevyo vyaireele na mwasa o-ovwela waireile mundani mwa Edeni. Yesu kaairile yodawa iliyothene, mbwenye liye anofuneela oni-iwa nyarwa na wukwa ira aode runi-a vyonama vyaromi-idhe Satana, ira thitho Yesuo aode velela khuto ofwanelela voweleli-edha vyongo vyaluzile atu. (Marku 8:31; 1 Pe. 2:21-24) Vyevyo vingaodeile baasene vahora yeen’ne, Yesu voluza umbo-i chinga lomvunela la Yohova.

Venango Yesu afuna aakami-e anamafunjedhee ira tazindiyele thuulela mwasa wairele Yohova ira arumeli-e Yesuo wukwa mwatundu wen’ne? * Yesu atoidhiwa ira atu anjinji anodha kumudwa na mwasa wopiwawee ninga lipanga. (1 Akor. 1:23) Mbwenye a-akale ira anamafunjedheeao tathuulelanga baa-i mwasa wakwele Yesu, tangaodile zindiyela imbarimbariyee yaukwao. (Agal. 3:13, 14) Mwandhila yen’na, anama-arela a Yesu tangaodile zindiyela ira liye ali Ivulumucho yiwa a-kala ninga lipanga.

Mo-obala mwasa waongele Yesu madhu enala, liye atoidhiwa ira afwanele wukwa oonela nyarwa vaimirini ira akwakwaneli-edhe ifunela ya Yohova. Vanga virile hora yoyeva vyamadhi liye onga madhu a Salimwala, Yesu aongile ira: “Vitomalaireya!” (Juwau 19:30; Luka 22:37) Angalive ira kaavuneliwile vahora yen’ne, Yesu atokwakwaneli-edha vyadhele liye vailambo yavathi. Thitho atooda kwakwaneli-edha vyongo vyothene vyolembiwa vya “Malamulo a Mose, Maulosi na Masalimo.”—Luka 24:44.