1-2. N’nga chini yaongile namalemba mwinango n’nga chini inofunona i-yo funjedha mu yofunjedha yei?

MAMILIAU aatu anjinji malamboano anoonga ira anomvwela Yesu mbwenye katino-arela vinofunji-a liye. (2 Timo. 4:3, 4) Vili ninga namalemba mwinango vyaongile liye ira: “Kathulelani ira vari vi-u va-akale ira vatokala Yesu mwinango liye onganga ninga yvaira Yesu orumule.  . . , n’nga ningakondile ninga vyate atu mu vyawa machikwi meli vivirile ndulimuvi? . . . Yowakula yakale ira: Ee, ningakondile.”

² Atu anjinji vyawa zana loroma ndulimu tatovwa mafunji-edho na ona vyongo vyodabwi-a vyaira Yesu, mbwenye angalive-eno aliwa tatookonda mroromela liye. Mwasiwa ngwan’ni? Yofunjedha ivirile nitoona myasa minai yairi-idhe atu sukwala mwasa wa vyaongile Yesu na viirile liye. Wari mwa yofunjedha yei ninofuna nifunjedhe myasa minai. Thitho, ninofunjedha ira mwasiwa ngwan’ni atu anjinji anokonda anama-arela a Yesu na inanikami-e ira na-asukwale.

3. Mbamakalelo aavi an’na Yesu airi-idhe ira atu enengo tasukwale?

³ Angali vailambo yavathi vano, Yesu atokaana uxamwali naatu atundu uliwethene. Liye anodya na atu ofuma naakopolo, thitho anomalela horee naatu osauwa na onyingaleliwa. I-yavo vyevyo, liye anowairela vyongo mwatangaranga atu aoniwa kala atu “odawa.” Atu enango taviona kala olongomana tatoosukwala na mwasa wa vyaira Yesu. Aliwa tatoafuka anamafunjedee ira: “Mwasiwa ngwan’ni nyo munodya nomwa vambo-i na alimbo komi-a misoko na atu odawa?” Vowakula, Yesu atoawandela ira: “Atu aingumi yapama katinofuna mediko, mbwenye obulela mbanofuna mediko. Miyo kandidhenle  itana atu olongomana, mbwenye odawa ira tachinyuwe.”—Luka 5:29-32.

4. Movwelana na vyaro-edhile Esaya, n’nga Ayuda tadedi-edhani wa Mesiya?

⁴ N’nga malemba anoonga a-vi?. Ndulimu Mesiya a-anadhe, namaro-edha Esaya atovaelatu onga ira liye kaarumeliwe na ilambo. Vyoro-edhavi vyaonga ira: “Liye atoonyoziwa thitho rambeliwa naatu. Akadhi ninga kovee yatolokoteya wa i-yo. Anonyoziwa thitho kanam’balecha.” (Esaya 53:3) Ninga munooni-edha vyoro-edhavi, Mesiya angarambeliwile “naatu.” Ee-no thitho. Ayuda azana loroma ndulimu tangazindiyele ira Yesu angadhakondiwile.

5. N’nga atu anjinji malamboano anowaona a-vi anama-arela a Yesu?

⁵ Malamboano vyongo ninga vyevyo vinooda niirela? Ee. Anamasogolela amarelijiau anoadhulela milango ya maigrejiwa atu ofuneya, ofuma naatu anooniwa ilamboni kala atu ovweya. Aliwa anoira vyevi angalive ira atu anowadhulela aliwa milango ira takale mamemburu apya, vinoira aliwa kavinovwelana na makundo a Nlungu. Anamasogolela anowanyoza anamalaba a Yohova. Angalive ira mbodhowa vasogolo thitho anoirana vyongo movwelana na makundu a Nlungu, makristau aimbarimbarala katinofuneya ilambonimu. Ninga muwongele rumiwi Paulo, “Nlungu atosakula vyongo vyonyozeya.” (1 Akor. 1:26-29) Mbwenye wa Yohova, anamalabee ororomeleya mbofuneya maningi.

6. N’nga ninasazi-edhe a-vi makalelo a Yesu anofwanyeya va lemba la Mateu 11:25, 26?

⁶ N’nga ninaire a-vi ira na-asukwale? (Muleri Mateu 11:25, 26.) Kamunami-iwe na maonelo ailamboi oonga vya mbumba ya Nlungu. Rumelani ira Yohova uno-indi-edha basa atu oviyevi-a ira taode ira ifunelo yee. (Sal. 138:6) Muthuulele ira Yohova unooda a-indi-edha basa atu anooneya ilamboni kala atu o-oidhiwa vyongo venango anooneya ira katifunjile.

7. Mwasiwa ngwan’ni Yesu atooaongana Afwarisi ira mbonama, n’nga aliwa tairile a-vi?

⁷ Yesu atosumulula anamasogolela amarelijiau onama a hora yeniyo. Molimba rima, Yesu atosumulula Afwarisi tafuna a-mbamo mandhani, i-yani-ana samalela anamabaliwa. (Mat. 15:1-11) Vinooneya ira anamafunjedha a Yesu aimbarimbarao tatodabwa na madhu aongile liye. Mbwenye aliwa tatomfuka ira: “N’nga mutoidiwa ira Afwarisi tatosukwala na viongile nyoovi?” Mbwenye Yesu atowakula ira: “Mbeu iliyothene yo-odhaliwa na Babanga ulidhulu inodha duliwa. Kaa-iyeni viwa. Aluwa mbaanamasogolela o-oona. Ee-no akala mutu o-oona unosogolela fwee, ambilene anogwela lindini.” (Mat. 15:12-14) Yesu kaarumeli-idhe ira vyoira vyaanamasogolela amarelijiau vimwimwanani-e onga imbarimbari.

8. N’nga Yesu uwoni-idhe a-vi ira Nlungu kanorumela marelijiau othene?

⁸ Yesu atoruni-a mafunji-edho amarelijiau onama. Liye kaavunenle maonelo oonga ira Nlungu unorume viroromelo vyamarelijiau othene. Moo-iyana na vyevyo, Yesu aongile ira atu anjinji tangawendile vandila ilukulu yeniyo inosogolela dhowa manongiwa mbwenye atu oyeva tangaifwaidhe ndhila inasogolela uingumi yo-omala. (Mat. 7:13, 14) Yesu atovwei-amo pama ira atu enango anooni-a ninga anomlambela Nlungu, mbwenye mwaimbarimbari aliwa katinomlambela mwaimbarimbari. Liye atoonga ira: “Muire polepole na anamaro-edha onama, anofiwa vari vinyu mowara tembe la mabila, mbwenye wari mwiwa mbaambulu auwali. Dhela mwa vyova-a viwa, nyo munodha azindiyela.”—Mat. 7:15-20.

9. N’nga mbamafunji-edho aavi amarelijiau onama enawo Yesu aruni-idhe liye?

 ⁹ N’nga malemba anoonga a-vi? Bibilya latoongelatu ira dhivelela vanyumbani ya Yohova ungadha dyi-idhe Mesiya. (Sal. 69:9; Juwau 2:14-17) Dhivelela weu kwairile ira Yesu aruni-e viroromelo na vyoira vyamarelijiau onama. Mwaifwanafwani-o, Afwarisi taona ira zimu ngo-ookwa, mbwenye Yesu aafunji-idhe ira atu okwa anaagona. (Juwau 11:11) Asaduki kataroromela venyati-iwa waatu okwa, mbwenye Yesu atomvenyati-a xamwalee Lazaro. (Juwau 11:43, 44; Mair 23:8) Afwarisi taonga ira vyotene vinoireya ngu mwasa wa Nlungu thitho vitokaana madile, mbwenye Yesu atofunji-a ira atu anooda sakula akala anofuna mlambela Nlungu venango kabe.—Mat. 11:28.

10. Mwasiwa ngwan’ni mafunji-edhwi-u anosukwali-a atu?

¹⁰ Malamboano vyongo ninga vyevyo vinooda niirela? Ee. Atu anjinji anosukwala naaoni-a Bibilyani ira mafunji-edho enango amarelijiau mbonama. Mofwanafwani-a, vofuna aing’anela atu ira ta-aire vyothakala, anamasogolela amaigreja anofu-ji-a ira Nlungu unotumeya atu othakala muloni. Mbwenye atu anolambela Yohova, Nlungu waudhivela, anooni-a atu ira vyevyo kai vyaimbarimbari. Anamasogolela amarelijiau tanofunji-a ira zimu ngo-okwa. I-yo ninoona ira mafunji-edho enala katinokumela Bibilyani. Mwaimbarimbaridi aakale ira zimu ngo-okwa venyati-iwa muukwani kwaakaena basa waatu. Marelijiau tanovunela madhile anotonga vingumivi-u, mbwenye i-yo ninofunji-a ira mutu unooda sakula akala unofuna mlambela Nlungu venango a-mlambela. N’nga anamasogolela amarelijiau anoona a-vi vyevi? Anjinji mwaaliwa hora dhinango tanokalecha onyanyuwa!

11. Movwelana na madhu a Yesu anofwanyeya va lemba la Juwau 8:45-47, n’nga Yohova unodedi-edhan’ni waarumiwe?

¹¹ N’nga ninaire avi ira na-asukwale? Akala ninodhiveliwana imbarimbari, ninofwanela rumela malangi-o a Nlungu. (Muler Juwau 8:45-47.) I-yo kanili ninga Satana namanami-a, wenuo a-ali muimbarimbarini. Chipo i-yo kaninozengeza vinaroromelo i-yo. (Juwau 8:44) Nlungu unofuna ira arumiwe “Muthakaleliwengana  yongo yothakala”, ‘mu-indedele yongo yapama’, ninga mwemo mwairile Yesu.—Aroma 12:9; Aeb. 1:9.

12. Mwasiwa ngwan’ni wukwa wa Yesu ali yongo yosukwali-a wa Ayuda?

¹² N’nga chiyongo inango iivi yaasukwali-idhe Ayuda a hora ya Yesu? Paulo uongile ira: “I-yo ninolaleela vya Kristu upiwile vaimirini, [wa] ayuda yatokala yoasukwali-a.” (1 Akor. 1:23) Mwasiwa ngwan’ni Ayuda anjinji tatothakaleliwa na wukwa wa Yesu? Waaliwa, wukwa wa Yesu vaimiri yoonelavo nyarwa vyanooni-a ninga liye ali lipanga na mutu odawa, a-kala Mesiya.—Dotor. 21:22, 23.

13. N’nga Ayuda asukwalile ya-aodile aliwa zindiyela chini?

¹³ Ayuda asukwalile kataodile zindiyela va makalelo manjinji. Ninga kalelo loi Yesu ali o-odawa, liye atonukedhiwa vyongo vyonama, na loi liye atotongiwa mo-olongomana. Anamatonga amtongile, aliwa kata-ari-idhe navang’onovene malamulo otongela miselu. Aliwa tatoogumaneya mombaranya namwasa wenuo aliwa tatoira vyongo mo-olemeza malamulo otongelana miselu. (Luka 22:54; Juwau 18:24) Aakale ira anamatongao tali atu o-osakula, ali tangaodile kaathi vathi ira taode sakasaka akala ira selu wamongela atuo wali waimbarimbri. Malo mwa vyevyo, aliwa tavwele “umboni wonama oonga vya Yesu, ira taode mpa.” Ndhila yenio idhakonde a-inda basa ndimuwa waanamatonga atoovilimbi-edha ira tairi-e Yesu wonga yongo yeyo yafuna aliwa ira tai-indi-edhe basa vom’mombela mlandu. Vyevyo vyali vyo-o vwelanelatu na malamulo ahora yeniyo. (Mat. 26:59; Marku 14:55-64) Vyevyo vyatofiyedhela Yesu angavenyathi-iwile, anamatongao to-odowanave kaana mathulelo o-olongomana. Aliwa tatoofiedhela apagali anyathoropa aing’anela masiye kobiri dhinjinji da siliva, ira anyathoropao tamwade milanyu yonama ira tembo wa Yesu utobiwamo.—Mat. 28:11-15.

14. N’nga malemba avaeletu ongan’ni vamwasa wa piwa wa Mesiya?

¹⁴ N’nga malemba anoonga a-vi?.Pyaimbarimbari ira Ayuda anjinji amalambo a Yesu kataodile zindiyela ira Mesiya unodha piwa,  kaonani Malemba vyavaeletu aliwa onga: ‘liye utokutula ingumiyee fiedhela wukwa. Thitho utooniwa kala mutu odawa vambo-i na atu odawa, utotukula vyodawa vyaatu anjinji, thitho atovolowelavo ira aode vunela atu odawa.’ (Esaya 53:12) Kavali mwasa oi Ayuda tangaodile sukwala na mwasa wa piwa wa Yesu ninga mutu wodawa.

15. N’nga Mboni dha Yohova tanukedhiwile vyongo viivi viiri-idhe ira enango taode kala osukwala?

¹⁵ Vyongo ninga vyevyi malambo ano vinooda niireela? Mo-okaikela Yesu atotongiwa mo-olongomana, vyevyo thitho vinoireela Mboni dha Yohova malamboano. Onani vifwanafwani-o vinango. Ilambo ya Amerika romela yawa ya 1930 fiedhela yawa ya 1940 mbumba ya Nlungu yanodhowecha fendo dhinjinji dhene matongiwa mamburo otongeliwa milandu ira tamaode vunela kaleloliwa looda mlambela Nlungu mwarendele. Anamatonga enango kataodile lokota kaleloliwa looni-a ira aliwa anowaidanana Mboni dha Yohova. Quebeki, ilambo ya Canada, igreja vambo-i na anamatonga tatoolaba movwelana ira taode mali-a basali-u. Anamalaleya anjinji tatofiedha e-liwa perezoni namwasa olaleela amwandamaniwa vya Umwene wa Nlungu. Ilambo ya Alemanya azombwe o-iyana i-yana ororomeleya tatofiedha piwa na utongi wa Nazi. Mwa vyawa vwachineneeva abali na arongola a ilambo ya Rusiya tatomangiwa no-eliwa perezo namwasa oonga vya Bibilya, aliwa fiedhela oniwa ninga atu anokanyi-edha atu enango ira taode a-rela ifwanafwani-o yiwa fiedhela kondi-iwa i-ndi-edha basa Bibilya lotapuleliwa upya la Malemba ochena laiongelo ya ilambo Rusiya, onanga ira ndiipano imbo-i inolimbi-a ira atu taodenga kanyi-edhiwa makalelo a Mboni dha Yohova. Vyevyo viireile namwasa oi atu tafuna ira taode vwei-a madhu a Nlungu.

16. Movwelana na lemba la 1  Juwau 4:1, mwasiwa ngwan’ni kaninofwanela nami-iwa na vinaonga atu vyonama voongela mbumba ya Yohova?

¹⁶ N’nga ninaire avi ira na-asukwale? Munofwanela idhuwa vyoireya. Yesu vyalaleyanga liye vamwangoni atovaelatu onga ira atu tangadha ongilenga ‘vyonama vilivyothene vyothakala anukedha anama-arelee.’ (Mat. 5:11) Vyonama vyothene vyevi vinokumela wa Satana. Liye unowalandi-a zelu dhee atu oruni-a ira taodenga mwadha madhu onama voongela vyotakala atu anodhiveliwana imbarimbari. (Apok. 12:9, 10) I-yo kaninofwanela vuruwananga vyonama vinoonga atu oruni-a. Kanirumele ira vyonamavyo viode niovi-a venango didili-a iroromelo yi-u.—Muleri 1 Juwau 4:1.

17. N’nga vyaireile Yesu kristu anga-adhi vang’ono funa piwa, vyaodile a-vi sukwali-a atu enango?

¹⁷ Yesu anga-adhi vang’ono funa piwa, atoguliwa na m’mbo-i mwaanamafunjedhee 12. Namafunjedha m’mbo-i, atoomkonda Yesu fendo taaru thitho anama-arela a Yesu othene tatomtawa a-anakwe nama-iyu. (Mat. 26:14-16, 47, 56, 75) Yesu kaadabwile. Liye thitho atovaelatu oonga ira vyevyo vyangadhaireile. (Juwau 6:64; 13:21, 26, 38; 16:32) Atu enango voona vyevyo venango tatosukwala nothuulela ira: akala ira arumiweene a Yesu anokaana mathuulelo enala miyo kandinofuna kala grupo ninga leli-i.

18. Mbamaulosi aavi akwakwaneli-edhiwe Yesu anga-adhi vang’ono funa piwa?

¹⁸ N’nga malemba anoonga a-vi? Vyawa mazana manjinji ndulimu, Yohova atovaelatu oni-edha vamadhwee ira Mesiya angadhaguli-iwile nakobiri dhasiliva dhangwilangwila. (Zakar. 11:12, 13) Afuna danguli-a akale xamwalee wavarimani wa Yesu. (Sal. 41:9) Namaongela Zakariya atoonga ira “Umpei-e namakumbiza  ira mabila abalaleye.” (Zakar. 13:7) Mbwenye atu ana mirima yapama, kataode sukwala namwasa wa vyoireyavyo. Mo-iyana na vyevyo Yesu voona ira maulosao aira kwakwaneli-edhiwa vyevyo vyaira limbi-a iroromelo yee.

19. N’nga atu ana mirima yapama anozindiela n’ni?

¹⁹ Malamboano vyongo ninga vyevyo vinooda niirela? Ee. Malamboano atu enango a Mboni dha Yohova oidhiweya pama tato-iyachi imbarimbari aliwa tandhuwa kala atu opanduwa thitho anovilimbi-edha ira taode vandhucha atu enango mwiimbarimbarini aliwa ano-indi-edha basa manotisia na internenti mwadhanga milanyu yonama vyongo vya-aidhi aliwa pama vyoonga Mboni dha Yohova. Mbwenye atu ale anamirima yapama aliwa katinasukwala namwasa wa vyevyo malo mosukwala aliwa anozindiela ira Bibilya latoongelatu ira atu enango tangadhakale opanduwa.—Mat. 24:24; 2 Pe. 2:18-22.

20. N’nga chini inofuna nikami-a ira na-akale osukwale naatu ano-iyachi imbarimbari? (2 Timoteo 4:4, 5)

²⁰ N’nga ninaire a-vi ira na-asukwale? Ninofwanela kaana iroromelo yolimba. Ira vyevyo viodeye, ninofwanela dhowanave funjedha Bibilya, lobela hora ili yothothene, kala opingeya na basa liniva-idhe Yohova. (Muleri 2 Timoteo 4:4, 5.) Nakaana iroromelo kaninodha paluwa rima navwa milanyu yo-ofwanelela yoonga vya Mboni dha Yohova. (Esaya 28:16) Udhiveli-u na Yohova na madhwee thitho naabali-u, vinonikami-a ira na-asukwale namwasa waatu ano-iyachi imbarimbari.

21. Angalive ira atu anjinji anokonda milanyu inaawandhela i-yo, n’nga madhu a Nlungu anonisikimizela n’ni?

²¹ Vyawa zana loroma, atu anjinji tatosukwala nom’konda Yesu. Hora imbo-ive yeniyo, atu anjinji tatom’mwachela. Vaatu enala, vatokala ndimuwa m’mbo-i waanamatonga a Nyumba ilukulu yotongelamo miselu ya Ayuda thangani-avo “atu anjinji, alimbo velela sembe a hora yeniyo.” (Mayir. 6:7; Mat. 27:57-60; Marku 15:43) Vyevyo thitho vinoireya malamboano, mamiliau aatu anjinji katinorumeli-a ira yongo ili yothene iode asukwali-a. Mwasiwa ngwan’ni? Mwasiwa ngoi aliwa atojiidhiwa noidhiveliwana imbarimbari ya Bibilyani. Ninga munoongela madhu a Nlungu: “Anadhiveliwana lamulo linyu anokaana rendele mnjinji, kavali inaasukwali-e.”—Sal. 119:165.