1-2. Pyorucha viivi vinalimbanana abali na arongola?

RUMIWI Paulo atolimbi-a Timoteo: “Ukwakwaneli-edhe vikundu vyothene vya urumiwao.” (2 Timo. 4:5) I-yo othenene ninoaona madhu aongile Paulwala kala ofuneya. Mbwenye vatokala vyorucha vinadhavo. Mwaabali-u anjinji kalana atu vambo-i dhowa malaleela vinofuneela limamba rima. (2 Timo. 4:2) Kathuulelani mwa vilambo vinango mwemo basali-u lolaleela linokodi-iwa mwavyongo vinango venango kodi-iwelatu wene mbwenye aliwa anodhowa malaleela masiki taidhuwangave ira dhowanave laleelanga vinooda a-eli-a perezoni.

² Abali-u anolimbana nyarwa dhinjinji dhoi nyarwadho dinooda asukwali-a imbarimbarini. Mofwanafwani-a abali-u anjinji anofwanela laba dambo lothene ira taode va-a mabanjiwa vyongo vyofuneela. Aliwa thitho anokalecha ofunechechaa ira taode laba basa linjinji volaleela mbwenye tafiya mamalelo wa sumana kopolo dhana aluwa dhotheene dhinokala dhingamadhi nabasa lalaba aliwa vari va sumana. Enongo anabulela mareda o-oila venango ulula. Hora dhinango katinooda nee kumawene vanyumbaniviwa oda wenda, namwasa wenuo aliwa katinooda laba vinjinji vabasa lolaleela ninga mwafunela aliwa. I-yavo vyevyo vatokala abali enango thitho anokala tawandeliwanga madhu owaovi-a hora dhili dotheene namakalelo o-ofwanela aliwa anofiedha dhionanga ira katina basa vametoni va Yohova. Mariya, * rongola mwinango unokala ilambo ya Olaya uongile ira: Limbanana mathuulelwanga o-okala paama chiyongo inofwanela miyo dhilimbi-edha vinjinji nofiedha kaana mathuulelo o-ofwanelela fiedha chenyela. Kuma vevo ndinodhiona kala mutu odawa namwasa vyevi vinoditukulela hora nakopolodhanga dhothene dhafunamiyo ira ndimaonde indi-edhela basa malaleela.

3. Chini inofuna i-yo funjedha wari mwamuru wen’na?

 ³ Kavinobala ira ninangumanana nyarwa yoi a-vi. Mbwenye Yohova unoniva-a kopolo. Liye kai era unanikami-ave limbanana nyarwa dhinagumanana i-yo mbwenye thitho unonikami-a ira niode ira muli mwethene munaodele i-yo vabasa li-u linalabela i-yo liye. Wari mwa yofunjedha yei nofuna nidhafunjedhele mwemo Yohova munairela liye vyevi. Mbwenye voroma nofuna nidhaone mwemo mwakami-edhe liye Paulo na Timoteo ira taode limbanana vyorucha na ira taode laba basa lolaleela molimba rima.

4. Pyorucha viivi vyalimbanena Paulo?

⁴ Paulo atolimbanana vyorucha vinjinji. Liye anofuneela kopolo dhavakundu hora yakomiwa liye, ponyiwa mabwe no-eliwa perezoni. (2 Akor. 11:23-25) Paulo atorumela moona rima ira anolimbanana mathuulelo odaweya. (Aroma 7:18, 19, 24) I-yavo vyevyo, liye atovilela tudu unango wamwinga manungoni. Hora inango liye atofiedhela mvepa Nlungu ira aode kumi-a mwingoo.—2 Akor. 12:7, 8.

5. Angalive ira Paulo anongumanana vyorucha, n’nga chini vyaoda liye irana?

⁵ Mo-obala vyorucha vyothenene vyagumanena liye, Paulo atowachela kopolo dha Yohova. Mwandhila yen’na, liye atolaba basa mokwakwaneli-edha basalee laurumiwi. Onani vyongo vyaodile liye laba. Vahora inango, Paulo kaakumela vandhe, liye ali perezo yavandhe wu Roma. Masiki angalive ee-no, liye atooda awandela milanyu yapama atu ana vizo. Liye thitho anolaleela Magwarda na atu adhela dham’mona. (Mayir. 28:30, 31; Afil. 1:13) Yali hora yeniyo Paulo yalembile liye makarta, fiedha malamboano makartao anokami-a makristau aimbarimbari. Paulo atooni-a ifwanafwani-o yapama pingo wa Roma. Na-eno, Bibilya linoonga ira abali aweo tatowenjedhela limbawiwa rima voonga madhu a Nlungu mo-oova. (Afil. 1:14) Pyaimbarimbari ira hora dhinango Paulo anoimwanana irana vyafuna liye, mbwenye liye anovilimbi-edha ira aode irana vyafuna liyevyo. N’nga vyo-arelavo viwa alin’ni? Ninga muongele Paulo ira: “Vindiireele vile, vitokami-a dhowa vasogolo wa milanyu yapama.”—Afil. 1:12.

6. Movwelana na lemba la 2 Akoritiyo 12:9, 10, chini yam’kami-idhe Paulo ira aode irana mokwakwanela basalee laurumiwi?

⁶ Paulo anoidhiwa ira a-akalanga kopolo dha Yohova, kaaode irana vyothene vyafuna liye. Liye atoonelamo ira kopolo dha Nlungu dhali ‘kopolo dhanga dhinokwakwanela vevo vanokala miyo ochenyela.’ (Muleri 2 Akoritiyo 12:9, 10.) Yohova ato-indi-edha basa zimu  ochena vofuna m’va-a kopolo Paulo. Ee-no rumiwi ororomeleuo atooda laba basalee mokwakwanela laurumiwi angalive—ira anolimbanana a-ra-ariwa, perezoni na vyorucha vinango.

7. Pyorucha viivi vyafwanele limbanana Timoteo ira aode laba mokwakwanela basalee laurumiwi?

⁷ Angalive ira liye ali zombwe mo-iyana na Paulo, Timoteo anofwanela nyidela kopolo dha Nlungu ira aode laba mokwakwanela basalee laurumiwi. Timoteo atowenda vambo-i na Paulo maulendo olapa mwalaleela liye. I-yavo vyevyo Paulo atom’vepa Timoteo ira awende maulendo enango vofuna wendela no limbi-a mipingo. (1 Akor. 4:17) Venango Timoteo anovikaikela ira kaaode irana vyevyo. Vinooneya ira venango ali vamwasa wenuo Paulo wam’va-edhele liye malangi-o oonga ira: “Kurumeli-e ira mutu uli wethene aupwaze vouona ira weyo uli mwana.” (1 Timo. 4:12) I-yavo vyevyo wari mwa hora yeena Timoteo anolimbana na minga manungonimwee liye anobulela wiliwili. (1 Timo. 5:23) Mbwenye Timoteo anoidhiwa ira anofwanela nyidela zimu ochena wa kopolo dha Yohova. Mokami-iwa na zimu ochenuo liye angaodile kaana kopolo dhofuneela ira aode laleela milanyu yapama no labela abali.—2 Timo. 1:7.

8. N’nga Yohova unoniva-a a-vi kopolo malamboano?

⁸ Malamboano Yohova unova-a kopolo arumiwee “dhokwaranya dhobaliwana.” Dhela mwakopolo dedhi ninooda mlabela mororomeleya. (2 Akor. 4:7) Ninodha funjedha ndhila nai dedo Yohova dhinoniva-ana liye kopolo ninga: Lobelo, Bibilya ,abali aukristau na basa lolaleela.

9. N’nga lobelo linanikami-e a-vi?

⁹ Limbi-iwa dhela mwa lobelo. Aefeso 6:18, Paulo atonilimbi-a ira nilobelenga wa Nlungu va vyoireya vili vyothene Nlungu unodha niwakula noniva-a kopolo dhinofuneela i-yo. Jonnie unakala ilambo ya Bolivia atoona kami-iwa na Yohova mwagumanena liye vyorucha vyo-arana. I-yanee vambo-i na anamabalee tatoobulela mwakayakaya vahora imbo-ive yeniyo. Wa Jonnie vyali vyorucha samalela vyorambulela vyaatu ararwuala. M’mee atofiedhela ukwa na vatovira hora yolapela ira i-yanee na babee ira kaode ila urenda wana aliwa. Vothuulela hora yeniyo Jonnie atoonga ira: Hora yakalechamiyo okumbanya vinjinji, vyandikami-a ali onganga vyongo vyandikumbanyi-avyo malobelo. Yohova atomva-a Jonnie kopolo dhafuneela liye ira aode vilela. Ronald wenuo uli ndimuwa wavapingoni ilambo ya Bolivia, liye atoidhiwa ira m’mee utokaana urenda odhimba pyosukwali-a ira liye akwide vangavirele mwedi m’mbo-i. Chini yakami-idhe limbana vyevi? Liye atoonga ira: Ndalobelanga wa Yohova ndinodhula rimanga nomwandela na rimanga wethene ninga mule munovivwela miyo. Nditoidhiwa ira Yohova unondivwechecha pama mokwaranya mutu uli wethene. Imbarimbaridi liye utondiidhiwa kwaranya munoviidhiwela miyo. Angalive ira hora dhinango i-yo ninokala onyemeliwa vinjinji nanyarwa dhinogumanana i-yo fiedhela a-idhiwa yofuna onga mulobelo. Mbwenye Yohova unonivepa lobela waliye angalive ira pyorucha onga mathuulelwi-u na munovivwela i-yo.—Aroma 8:26, 27.

10. Movwelana na lemba la Aebere 4:12, mwasiwa gwani kofuneya leri Bibilya novithuulela?

¹⁰ Limbi-iwa dhela Bibilyani. Paulo anowachela kopolo no didili-iwa dhela malembani. Vyevi thitho vinooda ireya wa-iyo. (Aroma 15:4) Pyofuneya hora dothene leri madhu a Nlungu noathuulela. Nairanga vyevyo Yohova uno-indi-edha zimwee ochena vonioni-a ira Bibilya linooda nikami-a volimbanana vyorucha vinogumanana i-yo. (Muleri Aebere 4:12.) Ronald, uongiwile ndima dhadulimu unoonga ira: “Vyali vyapama wamiyo ulukuli-a ilemeelo yoleri ikundu inango ya Bibilya ma-iyu othene. Miyo ndinothuulela makalelo manjinji a Yohova na moda  unabala liye anamalabee mwaudhivela. Vyevi vinonikami-a weleli-edha kopolo dhanga.”

11. N’nga Bibilya lava-idhe a-vi kopolo rongola weniyo ali osukwala vinjinji?

¹¹ Thuulela madhu a Nlungu unonikami-a ona nyarwadhi-u mundhila yapama. Onani vyam’mwireele rongola unango. Liye ali osukwala namwasa okweliwa manee, Ee-no ndimuwa mbo-i wavapingoni atomva-a maonelo ira aleri Buku la Yobo rongola atosakula indi-edha basa maonelwao. Voroma leri Bibilyalo yongo yoroma yali vyofuka vamoda wathuulela Yobu liye anokalela onga ira: “Yobo! Kukaena maonelo odaweya ninga enala!” ndivevo ronguluo vathuulele liye yongo imbo-i maonelo ana liye ali ninga ana Yobo. Leri buku la Bibilyani watokani-a ronguluo kumi-a maonelo ana liye nokaana kopolo dhooda limbanana kweliwa manee.

12. N’nga Yohova una-indi-edha a-vi basa abali-u amwiroromelo vofuna niva-a kopolo?

¹² Limbi-iwa dhela mwa abali-u aukristao. Ndhila inango inoniva-ana Yohova kopolo jodhela mwaafwi-u e-nao analambelana i-yo vambo-i. Paulo atolemba karta yodhowa wa abelee amwuiroromelo ira: “Voi ndinolavela uonani ira ndiugaweleni yotuva imbo-i ya zimu ira mukale olimba.” (Aroma 1:11, 12) Wa Mariya uwongiwile ndima dhandulimu kala vambo-i naabali chiyongo yavadhulu. Liye atoonga ira: Yohova ato-indi-edha abali na arongola enao a-aidhi nyarwa dhagumanana miyo. Aliwa tatoonga madhu ondilimbi-a aliwa tatonditumizela karta mbwenye vyevyo ali vyongo vyafuneela miyo vahora yeniyo. Yongo inango inondikami-a “kukala othathuwa tapanya na arongola enao agumanena nyarwa dhofwanafwana ninga dhanga, mwasa oi ndinooda funjedha na dodoliso liwa. Thitho andimuwa avapingoni anoongecha ira miyo ndili ofuneya vinjinji vapingoni.”

13. N’nga ninolimbi-ana a-vi unango na fwee vamigumanoni?

¹³ Hora yapama yofuna limbi-a unango na fwee kudhela migumanoni. Mwakala vagumanoni munoona a-vi nyo kala oroma limbi-a atu enango? Ongani na bali ira: “Ndinoudhiveliwanani venango ndinousimbani vamwasa wa vyothene vinoira nyo.” Mofwanafwani-a migumano ya-anarome ndimuwa m’mbo-i unaitaniwa Pita atoonga na m’ma m’mbo-i wadiye ira: “Miyo ndinokala olimbi-eya ndaona nyo mungali vamigumanoni.” Nyo mwadhanga munodhechana a-imiyu othenene 6 vamigumanoni thitho aluwa anokala okozeya vofuna wakula. Meto arogwulula atodhala nami-odi. Vosimba liye atowakula ira: Ndinosimba vinjinji pievyo vyafuneela miyo uvwa siku lapeeno.

14. N’nga laleela unanikami-e a-vi?

¹⁴ Limbi-iwa dhela molaleela. Naonga vyaBibilya na atu e-nango ninoweleli-edha kopolo dhi-u akala aluwa anovuruwana milanyu inamwadha i-yo venango kabe. (Sang. 11:25) Rongola m’mbo-i unaitaniwa Stacy atoona mwemo laleela unova-ela aliwa kopolo. Mutu m’mbo-i wa vabanjanivee atokumi-iwa pingoni vyevi vyatomwiri-a kala osukwala. Liye anovifukecha ira: N’nga miyo ndingaodile iravo yongo yooda kami-a? Liye kaodile thuulela nayongo imbo-iyene. Chini yakami-idhe Stacy limbanana yorucha ninga yei? Ali laleela! Mwadhoecha liye malaleela liye ano-ela mathuulelwe mutatamonimwe e-nao afunecha kami-iwa. Liye atoonga ira: Wari mwa hora yenile Yohova atoniva-a namafunjedha Bibilya wenuo adhowile vasongolo maningi mobaranya. Vyevi vyatondiva-a kopolo maningi. Yongo inango inondiva-a kopolo mwiingumi kudhowa malaleela.

15. N’nga mufunjedhilevon’ni na madhu a Mery?

¹⁵ Abali anjinji vamwasa vinagumana aliwa anoona ira katinaoda irana vinjinji vabasa yolaleela. N’nga nyo munovivwa ee-no? Thuulelani ira Yohova unokala waimwerumweru aonango nyo mwaira vinoodanyo. Onani vyamwireele Mary uwongiwile ndima ndadulimu. Ndingathamennle pingo unango liye a-viona kala mutu  o-oirana vyongo vinjinji Mary atoonga ira: Vatovira hora yoyeva yongo yaodamiyo ira ali wakula vang’ono ndafiya vamigumanoni leri lemba la Bibilyani nova-a folhoto volaleela. Mary anoviladani-a naatu ale taonga pama iyongeloiwa mbwenye liye atochicha mathuulwelwee. Liye atoroma onelamo ira Yohova angakami-idhe angalive ira anorucheyana iongelo. Mery atoonga ira imbarimbari ya Bibilyani yapama na yo-orucha aliwa inooda chicha vingumi vyaatu.

16. Mwa-akumenga vande, chini inafuna ukami-ani kaana kopolo?

¹⁶ Venango nyo munofuna laleelanga nyumba na nyumba m’mbwnye kamunaoda kuma vandhe mwiidhiwe ira Yohova unoona thitho unovwechecha vinoureelani. Liye anooda uva-ani ngari ira muode laleela waatu anausamalilani maifirimero venango mamedhiko. I-yavo vyevyo kamufwanafwani-e vyongo vinoira nyo malamboano na vyairechanyoo ndulimu vyevyo vinouri-ani kala o-odhiveliwa. Sakani idhiwa vyevyo Yohova vinera liye vachineneeva vofuna ukami-ani mwairana vyevyo nyo munooda kaana kopolo dooda vilela nyarwa ili yothene mo-oluza imwerumweru.

17. Movwelana na lemba la Namalaleya 11:6, mwasiwa gwan’ni kaninofwanela i-yachi laleela?

¹⁷ I-yo ninovilimbi-edha dhala beu dhaimbarimbari mbwenye kaninaidhiwa dhinofu kaana michichi nolukula. (Muleri Namalaleya 11:6.) Thuulelani ifwanafwani-o ya Barbara. Liye una vyawa vyokwaranya 80 mbwenye hora dothene unolaleela vo-indi-edha basa telefoni nolemba makarta. Mukarta imbo-i liye uto e-la ifwanafwani-o ya Nsanja 1 ya março 2014 yeniyo ina muru woonga ira: Kodi Ndi Zinthu Ziti Zimene Mulungu Wakuchitirani? Barbara kaathuulela, mbwenye karta lee latotumiziwa wa banja n’nango laiidhe kala Mboni dha Yohova. Aliwa tatolileri revistalo moweli-edha weli-edha. Lombwanowo anoovivwa ninga Yohova unaonga naliye metonameto. Banjalo latoroma okoka fiya vamigumanoni vangavirile vyawa 27 aliwa tatowelela akoka kala Mboni dha Yohova. Kathuulelani Barbara mwadhivwela liye nolimbi-eya noona vyo-arelavo vyapama vyakarthalo.

18. N’nga ninaire a-vi ira niode wachela kopolo dha Nlungu?

¹⁸ Ninga muoni i-yo ndulimu Yohova unoniva-a ngari yowachela kopolo. Dhela mu lobelo, Bibilya, abaliu aukristau, no laleela. Indedani pama vavyokami-a vyevi. Ee-no i-yo ninooni-a m’nyindela wi-u Yohova ira ngofunechecha nikami-a. Hora dothene munyindelenga Babinyu wadhulu mukaena imbarimbari ira liye ngokozeya “voi metho a Yohova anowendawenda vailambo yothene yavathi ira aooni-e kopolodhee waatu anarima o-ogawaneya.”—2 Limb. 16:9.