Muru uvirile, nitotaphanya vya izindiyelo yaongile Yesu. Izindiyelo yeyi inooni-a vakwecha ira Umwene wa Nlungu watokhaathei-iwa dhulu thitho Yesu Kristu nguli Mwene wa Umwenuo.

Bibilya linoonga ira Yesu angava-iwile Umwene, atotamangi-a Satana na viwanda vyee dhulu. Peeno aliwa tali vailambo yavathi, ngumwasiwa romela mu 1914 vyongo vyothakhala vyatoroma wenjedheleya.—Apokalipse 12:7, 9.

Angalive ira vanooneya vyorucha vailambo yavathi, Umwene wa Yesu unave khami-a atu vailambo yothene. Ee-no ninga mwaongenle Yesu ira vyangaireile, atu anjinji anave funjedha no-indi-edha basa malangi-o okhumela Bibilyani va vingumi viwa dhela mwa porogarama ya mafunji-edho a Bibilya asasa-edhiwile vailambo yothene yavathi. (Esaya 2:2-4) Mamiliyau aatu tatofunjedha khaana banja laimwerumweru thitho khaana maoneelo ofwanelela vamwasa wa basa na vyongo vyatutuni. Atu enala tanave funjedha khaana ingumi yaimwerumweru malamboano thitho khala tundu waatu a Nlungu anofuna dhakhala vailambo yavathi sogolou.

Yesu unaatonga dhulu. Mbwenye ilambo yavathi inatongiwa naatu. Ngumwasiwa Nlungu atommwandela Yesu ira: “Ungonji-e amwidanao vaari vaatu” (Salimo 110:2) Mombaranya Yesu unodha nonga amwidani othene thitho unodha khami-a atu anovwela Nlungu na rima wethene.

Hora yen’na yadhafiya Umwene wa Nlungu unodha:

• Mali-a marelegiu onama. Marelegiau anofunji-a vyonama voonga vya Nlungu thitho anoadhi-edha atu nyarwa ira anodha nongiwa. Mwasa wa madawiwa, Bibilya linofwanafwani-a relegiau lonama ninga namararuwa. Nongiwa mo-odedi-edhela wa mareligiyau unodha khala orurumucha waatu anjinji. Apokalipse 17:15, 16.

• Mali-a utongi waatu. Umwene wa Nlungu unodha pwanya na mali-a maumwene othene.— Apokalipse 19:15, 17, 18.

• Dhakhumi-avo atu othakhala. N’nga chini jinafuna dhaireela atu ale tanasakhula irana vyongo vyothakhala thitho a-vwela Nlungu? “Mbwenye atu othakhala tanodha khumi-iwavo vailambo yavathi.”—Sanganikho 2:22.

• Nonga Satana vambo-i na viwandavyee. Satana vambo-i na viwandavyee khatinodha “nami-ave okhokha maziza aatu”—Apokalipse 20:3, 10.

N’nga phivyongo viivi vyaphama vinofuna dhaireya waatu ale anovwela malangi-o a Umwene wa Nlungu?

Vyongo vinofuna dhaira Yesu ninga Mwene khavinafwanafwana na vyongo vinoira mautongi aatu. Yesu unodha khami-iwa naatu okwakwana 144,000 osakhuliwa vailambo yavathi anofuna dhatonga vambo-i na liye dhulu. (Apokalipse 5:9, 10; 14:1, 3) Yesu unodha onechecha ira ifunelo ya Nlungu itoireya vailambo yavathi. Ee-no Umwene wa Nlungu unodha:

• Mali-a marenda na wukwa. “Khavali mutu unodhaonga ira: “Ndinaabulela,’” thitho “wukwa khunodha khalaove.”—Esaya 33:24; Apokalipse 21:4.

• Dhi-a rendele novuneliwa. “Rendele waa-imao unodha injiva” thitho uliwethene unodha khaathi chindo mwa imwiriyee ya vinyu na chindo mwa imwiriyee ya savu thitho khavanodha khala o-watucha.”—Esaya 54:13; Mik. 4:4.

• Va-a atu othene basa laphama. Atwanga osakhuliwa mwavakhundu tanodha ganyali mokwakwanela na basa lamandhiwa. Khatinodha i-nda basa vasai.”—Esaya 65:22, 23.

• Mali-a nyarwa dhonongiwa wa vyongo vyophanduchiwa. “Damboni na limburo louma vinodha khala vyaimwerumweru, tatamo ya damboni inodha khala yaimwerumweru inodha mela mafolori ninga folori la asafarau.”—Esaya 35:1.

• Funji-a atu vyofuna ira tairena ira takhaleo dhowa nodhowa. “Vi vinothaphulela ingumi yo-omala taidhiwa vya nyo, Nlungu mmbo-i uli waimbarimbari, na vya Yesu Kristu wenuo wamrumile nyo.”—Juwau 17:3.

Nlungu unofunechecha ira mudhawachele maraeli-o enala. (Esaya 48:18) Muru o-arela unodha onga vinaire nyo ira mudhakhaena sogolo laphamali.