1. a) N’nga Yohova univa-idhe idedi-edho yoi a-vi? b) N’nga “mdedi-edhela Yohova” unothapulelan’ni? (Muone “Thapuleliwa wa madhu enango.”)

 YOHOVA utovelela idedi-edho yapama maningi waatu othene anomdhiveliwana. Vachineneeva unodha mali-a marenda, vyopa thitho wukwa. (Apok. 21:3, 4) Liye unodha kami-a atu “ovwela” enao anomdedi-edha thitho unodha sakanya ilamboi ira ikale paradaizo. (Sal. 37:9-11) Unodha kami-a mutu uliwethene wa i-yo ira akale vauxamwali wapama maningi na liye kwaranya va-eeni. Yei ndiidedi-edho yapama maningi! N’nga mwasiwa ngwan’ni ninororomela ira vyolanyedha vya Nlungu vinodha kwakwaneli-edhiwa? Namwasa oi hora dhothene Yohova unokwakwaneli-edhecha vyolanyedha vyee. E-no, nitokaana myasa yovweya yoniiri-a “mdedi-edhela Yohova.” * (Sal. 27:14) Ninoira vyevi vodedi-edhela moleva rima thitho mosangalala ira Nlungu akwakwaneli-edhe ifunelwee.—Esaya 55:10, 11.

2. N’nga Yohova uirile vyongo viivi?

² Yohova utothonyi-edha walelene ira unokwakwaneli-edha vyolanyedha vyee. Kathuulelani ifwanafwani-o imbo-i. Mubuku la Apokalipse Yohova atolanyedha ira malamboano unodha iri-a ira atu amaziza, makalelo thitho viongelo vyo-iyana-iyana, tamlambelenga movwelana. Malamboano gulu laatu avakundwala anoidhiweyana “mwinji nlukulu.” (Apok. 7:9, 10) Angalive ira gululi mutokala alombwana, a-iyana thitho a-ima okumela uvikundo vyothene vyailambo, aliwa ali banja la vailambo yothene yavathi enao ali ovwelana. (Sal. 133:1; Juwau 10:16) Atu amwinji nlukulula anolaba mwathindhi basa  lolaleela. Hora dhothene anokala okozeya wandela mutu uliwethene unavuruwane idedi-edho yiwa yodhakala muilambo yapama. (Mat. 28:19, 20; Apok. 14:6, 7; 22:17) Akala nanyen’ne thitho muli mugulu leli pyo-okaikela ira idedi-edho yoi vyongo vinodha kala pama sogolou ndi yapereso yavadhulu wanyo.

3. N’nga Satana unofunan’ni?

³ Namanami-a kanofuna ira mudedi-edhenga vyongo vyasogolo. Unafuna ira muroromelenga ira Yohova kanaufunani thitho kanadha kwakwaneli-edha vilanyedhile liye. Akala Satana unoganyali kaninaode kala olimba rima thitho venango ninooda i-ya mlabela Yohova. Ninga munofuna i-yo onela namanami-a atodhilimbi-edha m’mwiri-a Yobo ira a-akaena idedi-edho thitho a-iye mlabela Yohova.

4. N’nga ninofuna nitapanyenin’ni muyofunjedha yei? (Yobo 1:9-12)

⁴ Muyofunjedha yei, ninotapanyani ndhila dha-indi-edhe basa Satana vofuna iri-a ira Yobo a-akale ororomeleya. (Muleri Yobo 1:9-12.) Ninotapanyani thitho vyevyo vinafunjedhevo i-yo vaifwanafwani-o ya Yobo na mwasee unofwanela i-yo thuulela ira Nlungu unonidhiveliwana thitho unodha kwakwaneli-edha vyolanyedha vyee.

5-6. N’nga chini yam’mwireele Yobo mwahora yoyeva?

⁵ Yobo vyongo vyanom’mwendela pama maningi. Liye ali vauxamwali wapama na Yohova. Atokaana banja nlukulu lovwelana thitho atokaana fuma injinji. (Yobo 1:1-5) Mbwenye va dambo limbo-i baa-i mo-odedi-edhela atoluza yongo iliyothene. Yoroma, atoluza fuma yothene. (Yobo 1:13-17) Adhamale a-imee othene tatookwa. Kathuulelani mwasa okuza wukwa waa-imeyala. Anamabala anokaana tangaranga maningi mwaniwa akwa. N’nga kathuulelani Yobo na-iyanee mwavwele aliwa upa tangavide ira a-imiwa othene 10 tatomala wukwa. Atokaana tangaranga maningi voi atofiyedhela kaula vyowaravyee thitho ugwa vathi!—Yobo 1:18-20.

⁶ Vasogolovee Satana atombuleli-a Yobo marenda opa maningi thitho ova-a manyadho. (Yobo 2:6-8; 7:5) Vahora inango atu aisa yee, tanomlemeza maningi thitho tanoodhecha wa liye mvepanga malangi-o. (Yobo 31:18) Mbwenye namwasa wa vyevyo, tatoroma mrambela, thitho atoroma runiwa naabalee, afwee, naanamalabee!—Yobo 19:13, 14, 16.

7. a) N’nga Yobo aroromela ira chini yairi-a nyarwadhee, n’nga akondile ira n’ni? b) N’nga Kristau unadhivwe a-vi awesedhiwa mofwanafwana ninga munoonela i-yo vairuthiruthiva?

⁷ Satana afuna ira Yobo aroromelenga ira unagumanana vyorucha namwasa oi Yohova kanamdhiveliwanave. Mofwanafwani-a, Satana atoiri-a lipevo lakopolo gwi-a nyumba mwemo a-ima 10 a Yobo mwairela aliwa festa. (Yobo 1:18, 19) Atoiri-a thitho mulo thitha kumela dhulu nononga vinyama thitho anamalabee avisamalelecha. (Yobo 1:16) Namwasa oi lipevolo thitho mulo vyakumenle dhulu; Yobo aona ninga Yohova ngwairi-a. Moi ee-no anoona ira venango utomsukwali-a Yohova mwandhila inangwee. Angalive ira vyali e-no liye atokonda mruwana Babee wa dhulu. Yobo anoidhiwa ira wa vyawa vinjinji akanle awachelanga vyongo vyapama vyokumela wa Yohova. E-no, anothuulela ira akala anosangalalana wachela vyongo vyapama anofwanela thitho kala okozeya wachela vyongo vyothakala. Moi e-no aongile ira: “Dhina la Yohova lidhowenave titimi-iwa.” (Yobo 1:20,  21; 2:10) Fiyedha hora yeniyo Yobo atokalave ororomeleya wa Yohova angalive ira fumee yothene yatomala, a-imee tali tangakwide thitho ali abulela maningi. Mbwenye Satana ali am’moni-angave nyarwa baa-i.

8. N’nga vasogolovee Satana a-indi-edhe basa ndhila iivi vom’mwesedha Yobo?

⁸ Vasogolovee Satana ato-indi-edha basa atu araru enao ali afwee a Yobo; ira tam’mwiri-e dhiona ninga o-okaana basa. Atu enala taonga ira nyarwa dhagumanana Yobo dhathonyi-edha ira liye anoira vyongo vyothakala maningi. (Yobo 22:5-9) Aliwa tatolimbi-edha m’mwiri-a roromela ira angalive ira kaaira vyongo vyothakala, vyothene vyaira liye vofuna msangalali-a Nlungu vyali vyo-okaana basa. (Yobo 4:18; 22:2, 3; 25:4) Veva aliwa tatodhilimbi-edha m’mwiri-a kaikela ira Nlungu unomdhiveliwana, unomsamalela, thitho aonenga ira mlabela ko-okami-a. Vyaonga aliwavyo vyangam’mwiri-idhe ira Yobo atatile rima.

9. N’nga chini yamkami-idhe Yobo ira akale olimba rima?

⁹ Kafwanafwani-edhani ira munaaona vyevyo vinoireya. Yobo angakaathidhe vadorani thitho avwanga upa maningi. (Yobo 2:8) Afweale tadhowanganave onga ira liye kai mutu wapama thitho vyothene vyaira liye pyo-okaana basa. Vyowesedhavi vyanom’nyemela ninga mabwe malukulu vevo vadhowanave liye uvwa tangaranga maningi namwasa wa wukwa waa-imee. Voroma, Yobo kaongile yongo iliyothene. (Yobo 2:13–3:1) Akala afwee a Yobo tathuulela ira liye utomiyala votonyi-edha ira utom-iya Yohova tanodhinami-a. Vahora yeniyo Yobo, atoovenyathi-a muru ing’ana afwee onamao noonga ira: “Fiyedhela miyo wukwa kandinodha i-yachi kaana rima o-ogawaneya!” (Yobo 27:5) N’nga chini yamkami-idhe Yobo ira adhowanave kala olimba va nyarwa dhothene dhagumanana liye? Angalive ira vyongo vyatofiya vothakala maningi liye kaa-iidhe dedi-edha ira Nlungwee waudhivela unomkami-a.  Liye anoidhiwa ira masiki akwe Yohova unodha mvenyathi-a.—Yobo 14:13-15.

10. N’nga mwasa wa Yobo unonifunji-a n’ni?

¹⁰ Mwasa wa Yobo unonifunji-a ira Satana kananikanyi-edhe ira ni-iye mlabela Yohova thitho liye unoidhiwa yothene yeyo inoniireela. Vyevyo vyam’mwirele Yobo vi, vinooda nikami-a thitho vwechecha myasa dhedho dhaireya. Kathuulelani makundo enango okami-a enao anofunjedhavo i-yo vamwasa wa Yobo.

11. N’nga nadhowanave mroromela Yohova ninokala osikimizela n’ni? (Tiyago 4:7)

¹¹ Vyairile Yobo vinothonyi-edha ira nadhowanganave mroromela Yohova ninooda vilela va vyowesedhiwa vili vyothene thitho mruni-a Satana. N’nga vyo-arelavovyee vinodhakala vyoi a-vi? Malemba anonisikimizela ira Satana namanami-a unodha nitawa.—Muleri Tiyago 4:7.

12. N’nga idedi-edho yoi unodha venyathi-iwa yamlimbi-idhe a-vi Yobo?

¹² Ninofwanela roromela maningi ira atu okwa anodha venyathi-iwa. Ninga muongile mwasa uvirile, hora dhinjinji Satana uno-indi-edha basa ova unokaana i-yo vamwasa okwa vofuna niiri-a ira na-akale ororomeleya. Satana aongile ira Yobo unooda i-yachi iliyothene thangani-avo i-yachi kala ororomeleya wa Yohova ira avunele ingumiyee. Mbwenye wewo wali nama. Angalive ira vyatofiya vothakala maningi oneyanga ira unokwa, Yobo ka-iidhe kala ororomeleya wa Yohova. Atodhowanave vilela namwasa ororomela upama wa Yohova, thitho dedi-edhela ira Nlungu unodha sakaedha vyongo ira vikale pama. Anororomela ira akala Yohova kanosaka-edha vyongo liye angana ingumi, unodha mvenyathi-a sogolou. Yobo anororomela maningi ira atu okwa anodha venyathi-iwa. Akala na-iyene thitho ninororomela maningi ira atu okwa anodha venathi-iwa, kanino-iya kala orormeleya wa Yohova angalive ira vioneyenga ira ninooda wukwa.

13. Mwasiwa ngwan’ni ninofwanela kala oonechecha ndhila dhedho satana dha-indi-edhe liye basa vom’mwesedha Yobo?

¹³ Ninofwanela kala oing’anechecha ndhila dhedho dha-indi-edhe basa Satana vom’mwesedhana Yobo, namwasa oi unodhi-indi-edha thitho basa malamboano. Kaonani vyaongile liye: “Mutu a-kala [Yobo baa-i] unooda rumeli-a velela yothene inokaana liye ira avulumuche ingumiyee.” (Yobo 2:4, 5) Vyevi vinothonyi-edha ira Satana unoonga ira kaninomlabela Nlungu mokumela vathi varima thitho ninorumela i-ya mlabela Nlungu ira nivulumuche ingumi yi-u. Liye unoonga thitho ira Nlungu kanonidhiveliwana thitho vyothene vinoira i-yo ira nimsangalali-e kanavyo basa. Voi i-yo unamdedi-edhela Yohova natowenjeli-iwa, kaninonami-iwa na vyonama vya Satanavi.

14. N’nga vyowesedha vinanikami-e a-vi? Ongani ifwanafwani-o.

¹⁴ Nionenga vyowesedha vinogumanana i-yo ninga ngari yodhiidhiwela moda uli i-yo. Vyowesedha vyaguman’nena Yobo, vyatomkami-a idhiwa vyongo vyafuneya liye saka-edha vaingumiyee. Mofwanafwani-a, liye atozindiyela ira anofwanela ulukuli-a kalelolee lodhiyevi-a. (Yobo 42:3) I-yo thitho nagumanana vyowesedhiwa ninoidhiwa vinjinji vya moda uli i-yo. Bali unango dhinalee Nikolai, * wenuo a-eliwile perezoni angalive ira anobulela maningi atoonga ira: “Perezonimo ndali ninga makina oonela mwari mwa manungoni mwanga a Raio X thitho unokami-a ona  makalelo Aukristau.” Naidhiwa vyofooka vi-u ninooda visaka-edha.

15. N’nga ninofwanela mvwela aani, n’nga namwasa wan’ni?

¹⁵ Ninofwanela mvwela Yohova a-kala amwidani-u. Yobo atovuruwana mopwaseya vevo Yohova vam’mongana liye. Nlungu atomkami-a thuulela mwasuo. Vyevyo vyali ninga unam’mwandela ira: ‘N’nga utoviidhiwa ira miyo nditokaana kopolo yooda panducha vyongo? Nditoidhiwa vyongo vyotheene vyeyo viuwireele. N’nga unathuulela ira kandinaoda usamalela?’ Yobo atowakula modhiyevi-a thitho atomsimba maningi Yohova namwasa waupamee. Liye aongile ira: “Ndaira uvwawene vya nyo baa-i, mbwenye va-eeni litho langa litouonani.” (Yobo 42:5) Yobo ali vadorani, manungwee otheene tatomala kaana vilonda thitho ali alelangave a-imee enao takwide. Angalive ira vyali ee-no, Yohova atomsikimizela ira anomdhiveliwanave thitho unodhowanave kala xamwalee.—Yobo 42:7, 8.

16. Movwelana na Lemba la Esaya 49:15, 16, n’nga ninofwanela thuulelanga n’ni nawesedhiwanga?

¹⁶ Malamboano thitho atu anooda ninyoza venango niirela vyongo ninga nili atu o-okaana basa. Anooda thakali-a limbili li-u venango gulu li-u thitho “ninukedhela vyongo vyothakala.” (Mat. 5:11) Va vyongo vyam’mwireele Yobo ninofunjedhavo ira Yohova kanakaikela ira ninodha kalave ororomeleya nagumanangana vyowesedha. Yohova unonidhiveliwana thitho kanodha i-ya atu ale anomdedi-edhela. (Muleri Esaya 49:15, 16.) Kamuvuruwanenga vyongo vyonama vyevyo amwidani a Nlungu vinoonga aliwa! Bali mwinango wau Turkiya dhinalee James wenuo  banjalee laguman’nena vyowesedha vilukulu, aongile ira: “Natozindiyela ira vuruwana vyonama vyevyo atu vinoongela aliwa atu a Nlungu unooda nifooki-a. E-no nanothuulela maningi vyaidedi-edho yi-u ya Umwene wa Nlungu thitho ira vyongo vinjinji vomlabela Yohova. Vyevyo vyatonikami-a ira nidhowenave kala osangalala.” Molandana na Yobo ninomvwela Yohova! Vyonama vinoonga amwidani-u kavinaniiri-e i-yo luza idedi-edho yi-u.

17. N’nga ninofunjedhavo n’ni vyaalombwana naa-iyana ororomeleya oongiwa va Aebere kapitulo 11?

¹⁷ Yobo ndi m’mbo-i mwaanamalaba a Yohova akanleve olimba vogumanana vyowesedha. Karta lalembele liye Aebere, Rumiwi Paulo atoonga vya enango thitho anjinji aongile liye ira “rambo nlukulu wa mboni.” (Aeb. 12:1) Othene enala tatogumanana vyowesedha vilukulu; mbwenye tatokalave ororomeleya wa Yohova. (Aeb. 11:36-40) N’nga vilela thitho thindhi liwa vyadhowile vapezi? Kabe kavyadhovile vapezi! Angalive ira muhoriwa kataoni kwakwaneli-dhiwa wa vyolanyedha vya Yohova, tatodhowanave dedi-edhela. Voi tanoororomela ira Yohova unosangalala na aliwa, katakaikela ira anodha ona kwakwaneli-edhiwa wa vyolanyedhiwavi. (Aeb. 11:4, 5) Ifwanafwani-edho yei inonikami-a kala osikimiza maningi ira nimdedi-edhele Yohova.

18. N’nga mutosikimizela rima iran’ni? (Aebere 11:6)

¹⁸ Va-eeni ninokala muilambo yoi inaasimbwa thakala. (2 Timo. 3:13) Satana kana-iye wesedha atu a Nlungu. Akala ninogumanana nyarwa dhoi a-vi sogolou, dhoweni nisikimizele rima ira nikaena thindhi vomlabela Yohova roromelanga ira “idedi-edho yi-u ili mwa Nlungu waingumi.” (1 Timo. 4:10) Muthuulelenga ira Nlungu vyam’mwirele liye Yobo vasogolovee, vinothonyi-edha ira “Yohova ngwaudhivela ulukulu na watangaranga.” (Tiy. 5:11) Mofwanafwana na Yobo dhoweni nidhowenanive kala ororomeleya wa Yohova thitho kanikaikele ira liye unodha velela “yotuva waatu anomfunafuna na rima wethene.”—Muleri Aebere 11:6.