1. N’nga atu a Yohova muhora ya arumiwi taira a-vi vyongo?

 YOHOVA unovelela basa waatu anodedi-edhela ira talilabe mwapama. (1 Ak. 14:33) Mofwanafwani-a, Nlungu unofuna ira milanyu yaphama ilaleeliwe vailambo yothene yavathi weo uli atu. (Mat. 24:14) Yohova atom’sakula Yesu ira asogolelenga basa leli. Thitho Yesu unaaonechecha ira basila ilabiwenga mwaphama. Muhora ya arumiwi vevo mipingo yakaathi-iwile aliwa, andimuwa tatoo-eliwa ira tavelelenga malangi-o thitho tasogolelenga. (May. 14:23) Wu Yerusalemu watookala gulu lasaka-edhiwile naarumiwi naandimuwa thitho tanoovelela malangi-o ira mipingo yothene i-arelenga. (May. 15:2; 16:4) Namwasa ovwela malangi-o ava-iwa aliwa, “atu mipingoni tatoodhowanave kaana iroromelo yolimba thitho numero yaatu yanoowenjedheleya dambo na dambo.”—May. 16:5.

2. N’nga romela muyawa ya 1919, Yohova ukadhi asogolelanga a-vi atwee thitho ava-a yodya yauzimu?

² Malamboano Yohova unaadhowanave sogolela atwee. Romela muyawa ya 1919, Yesu ukadhi a-indi-edhanga basa ixigurupu yaabali ozoziwa ira tasogolelenga vabasa yolaleela thitho velela yadya yauzimu waanama-arelee. a (Luk. 12:42) Thitho vinaaoneelatu ira Yohova unaaraeli-a basa liwa.—Esa. 60:22; 65:13, 14.

3-4. (a) Muonge ifwanafwani-o yothonyi-edha mwemo munoganyalela i-yo mwairanga vyongo mwaphama. (b) N’nga ninotaphanyan’ni muyofunjedha yei?

 ³ Aakale ira kaninoira vyongo mwaphama, kanaode laba basa liniva-idhe Yesu. (Mat. 28:19, 20) Mofwanafwani-a, aakale ira kauli vyoi ukale magawo, kuongela ira mutu uliwethene alaleelenga unofuna liye. Magawo enango tangalaleeliwenga moweli-edhaweli-edha naanamalaleya o-iyana-iyana, voi enango katalaleeliwenga. N’nga munothuulela ira irana vyongo mwaphama unonikami-a mundhila ivi?

⁴ Yesu angali vailamboi, anookami-a anama-arelee irana vyongo mwaphama thitho unaadhowanave irana vyevi malamboano. Muyofunjedha yei ninotaphanyani ifwanafwani-o ya Yesu thitho vyevyo vinoira gulu li-u vosazi-edha ifwanafwani-oyee. Ninotaphanyani thitho mwemo munathonyi-edhele i-yo ira ninororomela gulu la Yohova.

GULU LI-U LINOSAZI-EDHA IFWANAFWANI-O YA YESU

5. N’nga ndi ndhila imbo-i ivi inom’sazi-edha i-yo Yesu? (Juwau 8:28)

⁵ Yesu atoofunjedha kumela wa Babee dhulu vyongo vyofwanelela irana thitho onga. Vosazi-edha Yesu, gulu la Yohova lino-indi-edha basa madhu a Nlungu vofunji-a atu ira taidhiwe vyongo vyofwanelela na vyo-ofwanelela novelela malangi-o. (Muleri Juwau 8:28; 2 Ti. 3:16, 17) Hora dhothene ninothuuchiwa ira nileringa madhu a Nlungu thitho a-arela. N’nga a-rela malangi-o enala unonikami-a a-vi?

6. N’nga ninoganyali a-vi nafunjedhanga Bibilya?

⁶ Ninoganyali maningi nafunjedhanga Bibilya vo-indi-edha basa mabukwi-u. Mofwanafwani-a, ninooda fwanafwani-edha vinofunji-a Bibilya namalangi-o anoniva-a gulu. Naona ira malangi-o anowachela i-yo mbokumela malembani, ninoroma roromela maningi gulu la Yohova.—Aro. 12:2.

7. N’nga Yesu alaleela milanyu yoi a-vi, n’nga gulu la Yohova linom’sazi-edha a-vi?

⁷ Yesu anoolaleela “milanyu yaphama ya Umwene wa Nlungu.” (Luk. 4:43, 44) Yesu atoowandela anamafunjedhee ira talaleelenga vya Umwene wa Nlungu. (Luk. 9:1, 2; 10:8, 9) Malamboano, atu othene ali mugulu la Yohova anolaleela milanyu ya Umwene, mo-obala unokala aliwa venango izo ina aliwa.

8. N’nga niva-iwile ngari yoi a-vi?

⁸ Ninoona ira ndingari ilukulu wandela atu enango imbarimbari yoonga vya Umwene wa Nlungu. Mbwenye kaiira ngumutu uliwethene una ngari yolaba basa leli. Mofwanafwani-a, Yesu angali vailambo yavathi, kaarumeli-idhe ira mizimu yothakala ilaleelenga vyokuza liye. (Luk. 4:41) Malaboano, mutu a-anarome laleela na Amboni dha Yohova, unofuneela kwakwaneli-edha vyongo vyofuneeleya. Ninothonyi-edha ira ninosimba ngari yen’na nalaleelanga wu limburo nlilothene thitho vahora ili yothene. Molandana na Yesu, ifunelwi-u ndi dhala no-elela mbeu dhaimbarimbari mirimani mwaatu.—Mat. 13:3, 23; 1 Ak. 3:6.

9. N’nga gulu la Yohova linokami-a a-vi atu ira taidhiwe dhina la Nlungu?

⁹ Yesu anoowandela atu vya dhina la Nlungu. Volobela wababee wadhulu, Yesu aongile ira: “Nditoiri-a ira aliwa taidhiwe dhina linyu.” (Ju. 17:26) Vosazi-edha ifwanafwani-o ya Yesu, gulu la Yohova linoira vyongo vyothene vinaode aliwa vokami-a atu ira taidhiwe dhina la Yohova. Bibilya la Ilambo ipya la Malemba opambuleya litokami-a maningi vaikundu yen’na, voweli-edha dhina la Nlungu mulimburonimwee. Bibilya  liphumbula venango ikunduyee, linofwanyeya muviongelo vyokwaranya 270. Vyakomoni A4 na A5 labukhuli, munodha fwanya makundo okuza weli-edhiwa wa dhina la Nlungu Bibilyani. Vyakomoni C, Bibilya lofunjedha la Ingles munofwanyeya umboni oi dhina la Nlungu linofwanela fwanyeyanga mumalemba Aigiriki na Aikristau fendo 237.

10. N’nga ninofunjedhavon’ni va vyaongile m’ma mwinango unokala wu Myanmar?

¹⁰ Molandana na Yesu, ninofwanela dhilimbi-edhanga mwemo munaodele i-yo funji-a atu anjinji ira taidhiwe dhina la Nlungu. M’ma mwinango wa vyawa 67 wa Myanmar angavwide dhina la Nlungu atoogwi-a mi-odi noonga ira: “Wu ndi fendo yoroma vaingumi yanga uvwa ira dhina la Nlungu ngu Yohova. . . . Mutondifunji-a yongo yofuneya maningi.” Vyaireilevi vinothonyi-edha ira fuji-a atu dhina la Nlungu, unooda kami-a maningi atu ana mirima yaphama.

MUDHOWENGANAVE ROROMELA GULU LA YOHOVA

11. N’nga andimuwa avapingoni anathonyi-edhe a-vi ira anororomela gulu la Yohova? (Muone thitho iruthiruthi.)

¹¹ N’nga ndindhila inango ivi inathonyi-edhe andimuwa avapingoni ira anororomela gulu la Nlungu? Andimuwa avapingoni tawachela malangi-o, anofwanela aleri mosamala nodhilimbi-edha mwemo munaodele aliwa ira taode a-arela. Mofwanafwani-a, wenjedhela vova-iwa malangi-o amwemo munairi-edhenga aliwa migumano yapingo thitho lobela, anova-iwecha malangi-o amwemo munasamalelenga aliwa mabila a Kristu. Andimuwa avapingoni enao ano-arela malangi-o agulu, anokami-a atu anowaing’anela aliwa dhivwanga ira mbobareleya thitho anodhiveliwiwa.

12. (a) Mwasiwa ngwan’ni ninofwanela iranga vyongo movwelana naatu anonisogolela? (Aebere 13:7, 17) (b) Mwasiwa ngwan’ni ninofwanela onanga makalelo aphama aatu enao anonisogolela?

¹² Nawachela malangi-o okumela waandimuwa avapingoni, ninofwanela a-arelanga na rimi-u othene. Naira ee-no ninokami-a andimuwa avapingoni ira talabenga pama basa liwa. Bibilya linonilimbi-a ira nivwelenga thitho gonjela enao anonisogolela. (Muleri Aebere 13:7, 17.) Mwasiwa ngwan’ni vyevi vinokalecha vyorucha hora dhinango? Namwasa oi aliwa kai atu olongomana. Mbwenye nathuulelanga maningi vyongo vinodawi-a aliwa a-kala vyongo vinooda aliwa irana phama, ninokala ira ninaakami-a amwidani-u. N’nga ninoakami-a a-vi? Ninoroma kaikelanga gulu la Nlungu thitho vyevi ndi vinofuna amwidani-u ira niviirengana. N’nga chini inanikami-e ira nizindiyele thitho konda ndhila dhedho dhino-indi-edha basa amwidani-u?

KAMURUMELE IRA MUTU MWINANGO AUIMWANANI-ENI ROROMELA GULU LA YOHOVA

13. N’nga amwidani-u anowesedha a-vi thakali-a limbili la gulu la Nlungu?

¹³ Amwidani a Nlungu anofuna ira vyongo vyaphama vinoira atu a Nlungu, vioneyenga ninga vyongo vyothakala. Mofwanafwani-a, ninofunjedha kumela malembani ira Yohova unofuna ira atu anom’lambela takalenga auyesa, amakalelo aphama thitho tam’lambelenga mundhila yorumeleya. Liye unofuna ira mutu unoira vyongo vyothakala liye a-chinyuwa, akumi-iwenga pingoni. (1 Ak. 5:11-13; 6:9, 10) I-yo ninovilimbi-edha a-rela lamulo la malemba enala. Mbwenye amwidani-u ano-indi-edha basa vyevi vofuna nionga ira kanili ololela, ninotonga afwi-u thitho kanina udhivela.

14. N’nga mbaani unoromi-a myasa yonama yokuza gulu la Nlungu?

 ¹⁴ Muthuulelenga ira unoniruni-a ngu Satana. Satana Namanami-a, ngwaromi-idhe myasa yonama. Liye ngu “baba onama.” (Ju. 8:44; Mar. 3:1-5) Ee-no kanidabwe ira Satana uno-indi-edha basa atwee vomwadha myasa yonama yokuza gulu la Yohova. Vyongo ninga vyevi vyatooireya thitho muhora ya Yesu.

15. N’nga anamasogolela amareligiau tam’mwirenlen’ni Yesu na anamafunjedhee?

¹⁵ Muhora ya Yesu, atu oruni-a tanoonga vyongo vyonama vyokuza mwana Nlungu walongomano wenuo airana vyongo vyodabwi-a. Mofwanafwani-a, anamasogolela amareligiau tanoowandela atu ira kopolo ya-indi-edha basa Yesu vokumi-a viwanda, ava-iwile na “namatonga wa viwanda.” (Mrk. 3:22) Vahora yaombiwa Yesu landu, anamasogolela amareligiau taonga ira Yesu ngonyoza Nlungu thitho tatoolimbi-a atu ira liye aphiwe. (Mat. 27:20) Vasogolovee, anamafunjedha a Kristu vyalaleela aliwa milanyu, atu oruni-a “tatoowandela atu amaziza enango vyongo vyothakala noadodomi-a mathuulelo” ira taoni-enga nyarwa Makristau. (May. 14:2, 19) Voonga vya lemba la Mayirelo 14:2, Nsanja ya Olonda ya 1 wa Dezembro wa 1998, yaongile ira: “Malo mokonda milanyu ila, Ayuda aruni-ao tatooroma kopa atu amaziza enango ira taidanenga na Makristau.”

16. N’nga nithuulelengan’ni navwa myasa yonama?

¹⁶ Satana ka-iidhe onga vyongo vyonama. Malamboano, liye “unaadimeli-a ilambo yothene weo uli atu.” (Apk. 12:9) Mwavwa myasa yothakala yokuza gulu venango abali enao anosogolela pingo, muthuulelenga mwemo amwidani a Nlungu mwaira liwa vyongo na Yesu thitho anamafunjedhee.  Movwelana na vyaongile Yesu, malamboano atu a Yohova anooni-iwa nyarwa thitho ongeliwa vyongo vyonama. (Mat. 5:11, 12) Myasa yonama kinanidodomi-e akala nitozindiyela wenuo unoromi-a noiravo yongo mombaranya. N’nga ninofwanela iran’ni?

17. N’nga ninaire a-vi ira myasa yonama ya-anidodomi-e? (2 Timoteo 1:13) (Muone kwadru loi “ Vinaire i-yo navwa myasa yonama.”)

¹⁷ Kamuvuruwanenga myasa yonama. Rumiwi Paulo atoonga movweya phama vyongo vinaire i-yo akala nitovwa myasa yonama. Liye atoom’mwandela Timoteo ira “awandelenga atu enango ira kativwelenga myasa yonama” thitho tarambelenga “myasa yonama yo-om’lemeza Nlungu.” (1 Ti. 1:3, 4; 4:7) Mwana unooda doda yongo vathi liye e-la mwano. Mbwenye ndimuwa uidhi thakalawee kanaode irana vyevyo. Ninokonda myasa yonama namwasa oi nitom’mwidhiwa unoromi-a. Mbwenye nino-indi-edha “basa madhu” olinyali.—Muleri 2 Timoteo 1:13.

18. N’nga ninathonyi-edhe a-vi ira ninororomela gulu la Yohova?

¹⁸ Nitaphanyileni ndhila taaru dhedho gulu la Nlungu munom’sazi-edha aliwa Yesu. Mwafunjedhanga Bibilya, muonenga ndhila dhinango dhedho gulu la Nlungu munom’sazi-edhela aliwa Yesu. Mukami-enga atu enango pingoni mwinyu ira taroromelenga gulu la Nlungu. Mudhowenganave thonyi-edha ira munoliroromela vom’labela Yohova mororomeleya thitho dhowanave kala uikundu ya gulu lelo lino-indi-edha liye basa vokwakwaneli-edha ifunelwee. (Sal. 37:28) Dhoweni nisimbengani ngari yokala mugulu la Yohova laatu audhivela, thitho ororomeleya.