Rumiwi Paulo atoalembela Makristau au Tezalonika ira: “Mbwenye akala mutu mwinango kanovwela madhwi-u ali mukartali, mum’ele izindiyelo.” (2 At. 3:14) Ndulimu Naongecha ira malangi-oala anodhowa wa andimuwa avapingoni. Akala mutu kano-arela makundo amalembani angamadhi va-iwa malangi-o mowelelawelela, andimuwa avapingoni tanom’ela izindiyelo voonga mwasa owenjeli-a pingo. Vyaireya e-no anamalaleya othene tanoo-iya waredha na mutuo.

Mbwenye vanofuneela chinja moda mwavwela i-yo lembali. Vinooneya ira malangi-o a Paulwala, anoonga vyongo vyevyo Kristau uliwethene vaekene vinofwanela liye irana movwelana na mwemo vyongo mukalele aliwa vaingumi ya mutu wethene na mulimbo e-liwa izindiyeluo. Ee-no pyooneelatu ira kai vyofuneela ira andimuwa avapingoni taongenga mwasa owenjeli-a pingo. Mwasiwa ngwan’ni vatokala machinjo enala? Dhoweni nioneni vyaongile Paulo vovelela malangi-o enala.

Paulo atoozindiyela ira atu enango pingonimo, ‘katawenda molongosowa.’ Aliwa tanookonda a-rela makundo ofwanyeya m’madhu a Nlungu. Vaulendwee unango, Paulo atoovelela malangi-o onga ira: “Akala mutu mwinango kanofuna laba basa, kadye.” Mbwenye atu enango katafuna laba basa ira taodenga fwanya vyongo vyofuneeleya vaingumini angalive ira tangaodile laba basalo. Thitho aliwa tanoovolowela myasa ya atu enango. N’nga Makristau tafwanela ira n’ni naatu ninga enao?—2 At. 3:6, 10-12.

Paulo aongile ira: “Mum’ele izindiyelo.” Madhu Aigiriki enao a-indi-edhiwe basa va lembali, anothapulela ira vyongo mwapolepole na mutuo. Paulo atoovelela malangi-o enala wu pingo othene a-kala wa andimuwa avapingoni baa-i. (2 At. 1:1; 3:6) Ee-no, Kristau uliwethene vaekene aona ira Kristau mwinango kano-arela malangi-o a malembani, unooda sakula “i-ya vwelana” na mutu o-olongosouo.

N’nga vyevyo vyathapulela ira mutu oi e-no aoniwa ninga ngokumi-iwa pingoni? Khabe, namwasa oi Paulo atoowenjedhela onga ira: “Mudhowenave m’va-a malangi-o ninga bali.” Ee-no Kristau uliwethene anooda onga na mutuo vamigumanoni thitho dhowa vambo-i muurumiwini, mbwenye tanoorambela ira vyongo vambo-i na mutuo ninga vyongo vyosangalali-a. Mwasiwa ngwan’ni? Paulo aongile ira: “Ira [mutuo] akaena manyadho.” E-liwa izindiyelo ungairi-idhe ira mutuo akaena manyadho nochinja makalelwee.—2 At. 3:14, 15.

N’nga Makristau ana-rele a-vi malangi-o enala? Yoroma, ninofwanela sikimiza ira makalelo amutuo, ‘mbo-olongosowadi’ movwelana na vyaongile Paulo. Liye kaaonga vyaatu ana mathuulelo o-iyana na i-yo venango vyongo vinodhiveliwana i-yo. Kaaonga thitho vya atu anonisukwali-a. Malomwee Paulo aonga vya atu oi mwakomove anosakula ira ta-avwelenga malangi-o ovweya pama ofwanyeya m’madhu a Nlungu.

Malamboano thitho akala nitom’mona Kristau athoyi-edhanga ira kanofuna vwela malangi-o a Nlungu, a ninooda sakula ira na-awaredhenga na liye venango ira vambo-i vyongo vyosangalali-a. Voi mutu uliwethene unofwanela sakula ekhene vyoira, kaninofwanela tapanya mwasa wen’na na mutu uliwethene wa banjani mwi-u. Mbwenye ninooda dhowanave ira vyongo vambo-i na liye nakala vamigumanoni thitho dhowa muurumiwini vambo-i na liye. Achinja kalelo leelo, ninooda roma iranga vyongo vambo-i na liye ninga walelene.