1. Muonge ifwanafwani-o yothonyi-edha mwasee unofwanela i-yo a-rela Yohova, wenuo uli namasogoleli-u.

 MUFWANAFWANI-EDHE ira mutodimela u-runi. U-runimo mutokala vyoophi-a maningi ninga vinyama vyauwali, vinyama vyevyo vinauva-eni marenda thitho milindi yoi munooda gwelamo. Munooda simba maningi namwasa okaana namasogolela wenuo unoidhiwa phama limburo naifunelo yoi murambele vyongo vyoophi-avi. Ilambwila ikadhi ninga u-runi moophi-a ninga mwemu. Mutokala vyoophi-a vinjinji vyevyo vinaode dodomi-a uxamwali-u na Yohova. Mbwenye nitokaana namasogolela waphama wenuo, ngu Yohova. Liye unonisogolela ira niwende ndhila yaphama mafiya unaa-iyo, weo ndi ilambo ipya, unofuna i-yo mawachela ingumi yo-omala.

2. N’nga Yohova unonisogolela a-vi?

² N’nga Yohova unonisogolela a-vi? Ndhila ilukulu ndi dhela m’madhwee Bibilyani. Thitho uno-indi-edha basa atu. Mofwanafwani-a, uno-indi-edha basa “dhaari ororomeleya na wazelu” Voniva-a yodya yauzimu yeniyo inonikami-a ira nisakulenga vyongo mwazelu. (Mat. 24:45) Yohova uno-indi-edha thitho basa alombwana enango ofwanelela ira tanisogolelenga. Anamaing’anela isa na andimuwa avapingoni, anonilimbi-a thitho niva-a malangi-o enao ananikami-e vilela vahora yoruchila. Ninom’simba maningi Yohova namwasa oniva-a malangi-o onyindeleya malambo omari-ala. Malangi-oala anonikami-a ira niirenga vyongo vinom’sangalali-a thitho nidhowenganave wenda vandhila yodhowa mawachela ingumi yo-omala.

3. N’nga ninotapanya n’ni muyofunjedha yei?

³ Mbwenye hora dhinango vinooda kala vyorucha a-rela malangi-o a Yohova, simbwasimbwa taveleliwanga na atu o-olongomana. Mwasiwa ngwan’ni? Namwasa oi malangi-oao katinovwelana  na vinodhiveliwana i-yo. Venango ninooda onanga ira malangi-oao kai azelu thitho thuulela ira katikumele wa Yohova. Vahora ninga yen’na, ninofuneela roromelanga maningi ira Yohova ngunosogolela atwee thitho ira a-rela malangi-oao unoniiri-a ira nidhafwanye maraeli-o. Vofuna nikami-a ira ninyindelenga maningi maraeli-o a Yohova, yofunjedha yei inoonga (1) mwemo Yohova mwasogolela liye atwee (2) mwemo munosogolela liye atwee malamboano, thitho (3) maraeli-o anofwanya i-yo na-arelanga malangi-oee hora dhothene.

MWEMO YOHOVA MWASOGOLELA LIYE AISRAELI

4-5. N’nga Yohova athonyi-edhe a-vi ira a-indi-edha basa Mose vosogolela Aisraeli? (Muone iruthiruthi yavakapani.)

⁴ Yohova atosakula Mose ira asogolele Aisraeli vowakumi-a wu Iguputo. Thitho atowava-a umboni othonyi-edha ira ngu liye aasogolela vo-indi-edha basa Mose. Mofwanafwani-a, nathana anowasogolela vo-indi-edha basa ipilala ya rambo nama-iyu a-indi-edha basa ipilala ya mulo. (Eki. 13:21) Mose a-arela ipilaliyo yeniyo yasogolela liye vambo-i na a-ima Aisraeli wu bara yofiila. Atwao tanoova maningi vothuulela ira katina woya namwasa oi sogolo wiwa watookala bara thitho nduli mwiwa mwatookala anyakodo Aiguputo. Aliwa tathuulela ira Mose atoodawi-a vowadhi-edhelana wu bara yofiila. Mbwenye kaiira atoodawi-a. Yohova ngwasogolela atwao vo-indi-edha basa Mose. (Eki. 14:2) Liye atoavulumucha mundhila yodabwi-a maningi.—Eki. 14:26-28.

⁵ Va vyawa 40 vyo-arela, Mose atoodhowanave nyindela ipilala ya rambo vosogolela atu a Nlungu kokolani. a Wa hora yoyeva, Yohova atoiri-a ira ipilala ya rambo iimele vadhulu va sasa wa Mose, vevo Aisraeli othene tanooda ona ipilaliyo. (Eki. 33:7, 9, 10) Yohova anoonga na Mose dhela ipilalanimo thitho Mose anoovelela malangi-o a Yohova wa atwao. (Sal. 99:7) Aisraeli tatokaana umboni othonyi-edha ira Yohova a-indi-edha basa Mose voasogolela.

6. N’nga Aisraeli anjinji tairilen’ni vevo Yohova vyaasogolela liye? (Numero 14:2, 10, 11)

⁶ Pyovwi-a tangaranga ira Aisraeli anjinji katavwenle umboni oi Yohova a-indi-edha basa Mose ninga om’muimelela. (Muleri Numero 14:2, 10, 11.) Moweli-edha weli-edha, aliwa tanookhoda vyoi Mose arumiwile na Yohova. Namwasa wen’na, Yohova kaarumeli-idhe ira Aisraeli tavolowe muilambo yolanyedhiwa.—Num. 14:30.

7. Muonge vifwanafwani-o vyaatu enao ta-arela malangi-o a Yohova. (Numeri 14:24) (Muone thitho iruthiruthi.)

⁷ Mbwenye vatookala Aisraeli enango ta-arela malangi-o a Yohova. Mofwanafwani-a, hora inango Yohova aongile ira: “Kalebe . . . ukadhi andi-arelanga na rimee othene.” (Muleri Numero 14:24.) Nlungu atom’raeli-a Kalebe voi angafiile ilambo ya Kanani, atom’rumeli-a ira asakule tatamo linofuna liye kala. (Yos. 14:12-14) Aisraeli enao tarumeli-iwile volowa ilambo yolanyedhiwiyo, tatoovelela ifwanafwani-o yaphama vo-arela malangi-o a Yohova. Vevo Yoswa vyasakuliwile liye ira am’volowele limburo Mose ira asogolelenga, ‘tanom’lemeza maningi malambo othene a ingumiyee.’ (Yos. 4:14) Vyo-arelavovyee vyali vyoi, Yohova atoaraeli-a vowava-a ilambo yolanyedhiwa.—Yos. 21:43, 44.

8. Muonge mwemo Yohova vyasogolela liye atwee vahora ya mamwene. (Muone thitho iruthiruthi.)

⁸ Vangaviri vyawa, Yohova atoosakula anamatonga ira tasogolelenga atwee. Hora ya mamwene, Yohova atoosakula anamaongela  ira tavelelenga malangi-o wa atwee. Mamwene ororomeleya tanoo-arela malangi-o anamaongelala. Mofwanafwani-a, Davidi atoovuruwana modhiyevi-a angasumululiwile na namaongela Natani. (2 Sa. 12:7, 13; 1 Li. 17:3, 4) Mwene Yehosafati anyindela malangi-o anamaongela Yahazieli thitho anoolimbi-a atu awu Yuda ira “taroromelenga anamaongela a [Nlungu].” (2 Li. 20:14, 15, 20) Mwene Hezekiya angagomiwile luso, atoovepha malangi-o wa namaongela Esaya. (Esa. 37:1-6) Hora dhothene mamwene ta-arelanga malangi-o a Yohova, tanooraeli-iwa thitho tundu uliothene wanookala ovuneleya. (2 Li 20:29, 30; 32:22) Veva atu othene tanooda ona ira Yohova a-indi-edha basa anamaongelao vosogolela atwee. Mbwenye mamwene manjinji thitho atu, katavwela anamaongela a Yohova.—Jer. 35:12-15.

MODA MWASOGOLELA YOHOVA ATWEE MUHORA YA ARUMIWI

9. N’nga Yohova am’sakule aani ira asogolelenga Makristau a muhora ya arumiwi? (Muone thitho iruthiruthi.)

⁹ Mu petekoste wa yawa ya 33 EC, Yohova atokaathei-a pingo wa Ikristau. N’nga asogolela a-vi Makristauao? Liye atoosakula Yesu kala muru wa pingo. (Aef. 5:23) Mbwenye kaiira Yesu anoosogolela namafunjedha uliothene va ekhene. Malomwee a-indi-edha basa arumiwi na andimuwa awu Yerusalemu ira taasogolelenga. (May. 15:1, 2) Tanoosakuliwa thitho andimuwa ira tasogolelenga mipingo.—1 At. 5:12; Tit. 1:5.

10. (a) N’nga Makristau anjinji a muhora ya arumiwi taira a-vi tava-iwa malangi-o? (May. 15:30, 31) (b) Mwasiwa ngwan’ni walelene atu enango katavwela atu enao ta-indi-edhiwa basa na Yohova? (Muone kwadru loi “ Mwasee atu enango tanookhonda vwela.”)

¹⁰ N’nga Makristau a muhora ya arumiwi tano-arela malangi-o? Atu anjinji tanoovwela no-arela malangi-o. Thitho “tanoosangalala namwasa wa madhu olimbi-a” enao awachela aliwa. (Muleri Mayirelo 15:30, 31.) N’nga Yohova unosogolela a-vi atwee malamboano?

MODA MUNONISOGOLELA YOHOVA MALAMBOANO

11. Muonge ifwanafwani-o yothonyi-edha moda mukadhi Yohova akami-anga atu om’muimelela malamboano.

¹¹ Yohova unaadhowanave sogolela atwee malamboano. Liye unoirana vyevi vo-indi-edha basa madhwee thitho Mwanee, wenuo uli muru wapingo. N’nga vatokala umboni  othonyi-edha ira malamboano Yohova uno-indi-edha basa atu om’mwimelela? Ee. Mofwanafwani-a, kathuulelani vyevyo vyaireile vyawa vya 1800. Charles Taze Russell naafwee tatooroma zindiyela ira yawa ya 1914, inodha kala yofuneya maningi namwasa oi hora yeniyo Umwene wa Nlungu unodha kaathei-iwa. (Dan. 4:25, 26) Maulosi a Bibilyani mbaakami-idhe idhiwa vyevi. N’nga Yohova anoasogolela vevo vasakasaka aliwa Bibilyani? Mo-okaikela anowakami-a. Vyaireile yawa ya 1914, vyatoosikimizeli-a ira Umwene wa Nlungu watooroma tonga. Yawa yei, kondo yoroma yava ilambo yothene yatooroma, thitho watokala sau, vindharandhara, na ndhala. (Luk. 21:10, 11) Yohova atoo-indi-edha basa alombwana arima waphama ira takami-e atwee.

12-13. N’nga vahora ya kondo yanembili yavailambo yothene, abali osogolela tairile masaka-edho avi vamwasa olaleela no funji-a?

¹² Kathuulelani vyevyo vyaireile vakondo yanambili ya vailambo yothene. vasogolo vovwechecha lemba la Apokalipse 17:8, abali osogolela sede li-u, tatoozindiyela ira kondwiyo kaali maromelo aarumagedo. Malomwee vasogolo vakondwiyo vanodha kala hora ya rendele, vyevyo vinakami-e ira basa yolaleela iwenjedheleye. Ee-no gulu la Yohova latooira masaka-edho ira vakale xikola ya Giliyadi, vyevyo vyaoneya ninga kai vyokami-a va horiyo. Ifunelo ya xikolali ali kami-a mamisionario ira talaleelenga nofunji-a atu vailambo yothene yavathi. Mamisionariyoao tanoorumiwa mumatatamo o-iyana-iyana angalive ira watookala kondo. Wenjedhela vevo, dhaari atooira masaka-edho ira vakale xikola ya anamalaleya a Umwene wa Nlungu b naifunelo yofuna kami-a atu othene mipingoni ira talaleelenga nofunji-a mwaphama madhu a Nlungu. Vyevi vyatookami-a atu a Nlungu kozeela phama basa yolaleela yeniyo yafuna aliwa laba.

¹³ Malamboano, ninoona umboni oi Yohova anoosogolela atwee va hora yoruchiyo. Romela vahora ya kondo yanambili ya vailambo yothene, atu a Yohova muvilambo vinjinji takadhi talambanga basa yolaleela mo-ododomi-iwa. Thitho basali likadhi liwendanga phama maningi.

14. Mwasiwa ngwan’ni ninofwanela roromelanga malangi-o okumela wu gulu la Yohova thitho wa andimuwa avapingoni? (Apokalipse 2:1) (Muone thitho iruthiruthi.)

 ¹⁴ Malamboano, abali a Gulu Lotonga anaadhowanave nyindela malangi-o okumela wa Kristu. Aliwa anofuna ira malangi-o anovelela aliwa wa abali takalenga ovwelana na vinofuna Nlungu. Aliwa ano-indi-edha basa anamaing’anela isa na andimuwa avapingoni ira tavelelenga phama malangi-o mipingoni. c Andimuwa avapingo ni ozoziwa tali “wu dhandha lodyana” la Kristu. (Muleri Apokalipse 2:1.) Pyaimbarimbari ira andimuwa avapingoni othene kai olongomana thitho anodawi-echa vyongo. Mose na Yoswa, naaliwene thitho tanoodawi-a vyongo, ninga mwemo mwairecha arumiwi. (Num. 20:12; Yos. 9:14, 15; Aro. 3:23) Mbwenye Kristu unosogolela dhaari ororomeleya na andimuwa avapingoni, thitho unodhowanave irana vyevi “malambo othene fiyedha komoni wa hora ino.” (Mat. 28:20) Ee-no, nitokaana myasa yokwakwanela yoniiri-a roromelanga malangi-o anoniva-a Yesu dhela mwaatu asakule liye ira tanisogolelenga.

NINOGANYALI NADHOWANANIVE A-RELA MALANGI-O A YOHOVA

15-16. N’nga mufunjedhilen’ni waatu enao ta-arela malangi-o a Yohova?

¹⁵ Na-arelanga malangi-o a Yohova, ninofwanya maraeli-o masiki va-eni. Mofwanafwani-a, andy na Robyn tanoo-arela malangi-o adhaari onilimbi-a ira nikaengana ingumi yo-ofuna vyongo vinjinji. (Mat. 6:22) Vyo-arelavovyee pyoi, aliwa tatoodhivelela volaba basa lomangamanga. Robyn aongile ira: “Hora dhinjinji nakala nyumba ing’ono, hora dhinango nakala nyumba dho-okaana kozinya. Nanoofuneela guli-a vyongo vinjinji vyadhiveliwana i-yo thangani-avo makamera na vyongo vinango vya-indi-edhecha i-yo basa vokoma mafoto. Ndanoola voguli-a vyongo vyevi. mbwenye molandana na Sara, mwadhi Abrahamu, ndali ndingasikimizele ira ndhinongo ing’ananga sogolo baa-i a-kala ing’ananga nduli.” (Aeb. 11:15) N’nga banjali laganyanle a-vi namwasa wa vyongo vyasakunle aliwa. Robyn aongile ira: “Natoosangalala maningi idhiwa ira nathoom’va-a Yohova vyongo vyothene vyana i-yo. nalabanga basa iniva-idhe Yohova, ninoona mwemo ingumi munofuna aliwa dhakalela muilambo ipya.” Andy atoorumela ira: “Nanoosangalala namwasa o-indi-edha basa hora na kopolo dhi-u vokami-a basa la Umwene.”

 ¹⁶ N’nga ninoganyali a-vi na-arelanga malangi-o a Yohova? Marcia angamari-idhe funjedha sekundhariya, anoofunechecha a-rela malangi-o enao anonilimbi-a ira niirenga vyongo vinjinji vom’labela Yohova. (Mat. 6:33; Aro. 12:11) Liye aongile ira: “Ndatoova-iwa ngari yodhowa mafunja universidade wa vyawa 4. Mbwenye miyo ndafuna ira ndiirenga vyongo vinjinji vom’labela Yohova. Ee-no dhatoosakula dhowa xikola yofunjedha vyomangamanga naifunelo yoi ndikaena dodoliso lelo linandikami-e vaurumiwanga. Yen’na yali imbo-i mwavyongo vyasakunle miyo phama maningi vyevyo vinaire miyo. Va-eni ndinosangalala ira upainiya okatheya thitho basa linolaba miyo linondiva-a hora ira malambo enango ndilabenga va Beteli thitho irangana vyongo vinjinji vom’labela Yohova.”

17. N’nga ninofwanya maraeli-o enango avi na-arelanga malangi-o a Yohova? (Esa. 48:17, 18)

¹⁷ Hora dhinango ninowachela malangi-o enao anonivunela uvyongo ninga dhiveliwana kobiri thitho vyongo vinango vinodha niiri-a dodomi-a malamulo a Nlungu. Veva thitho vyongo vinango vinooda niwendhela phama namwasa o-arela malangi-o enao anoniva-a Yohova nakaana ithuulela rima yaphama, ninorambela nyarwa dhinjinji. (1 Ti. 6:9, 10) Vyo-arelavovyee pyoi nalabelanga Yohova narimi-u othene ninooda fwanya rendele naimwerumweru yoinjiva.—Muleri (Esaya 48:17, 18.

18. Mwasiwa ngwan’ni munofwanela kala osikimizela a-rela malangi-o a Yohova?

¹⁸ Mo-okaikela, Yohova unodhowanave indi-edha basa atu ira taniva-e malangi-o vanyarwa ilukulu thitho fiyedha muhora ya vyawa 1.000. (Sal. 45:16) Dhoweni nidhowenave a-rela malangi-o angalive ira irana vyevi unodha niiri-a ira ni-iye vyongo vyevo vyadhiveliwechana i-yo. Vyevi vinodha kala vyo-orucha akala va-eeni nino-arela malangi-o a Yohova. Ee-no, dhoweni hora dhothene ni-arelenga malangi-o a Yohova tangani-avo enao anova-iwa i-yo dhela mwaalombwana enao asakunle liye ira tanisogolelenga. (Esa. 32:1, 2; Aeb. 13:17) Naira ee-no, ninokaana myasa yaphama yororomelela Yohova, wenuo unonisogolela, unonikami-a ira nirambelenga vyongo vyevyo vinadodomi-a uchamwali-u na liye, fiyedha ilambo ipya unofuna i-yo dhawachela ingumi yo-omala.