MURU OFUNJEDHA 20
NYUMBO 67 “Lalikira Mawu”
Udhivela uulimbi-engani ira mudhowenave laleela!
“Yoroma, milanyu inofwanela laleeliwa waatu amaziza othene.”—MRK. 13:10.
VINOFUNA I-YO FUNJEDHA
Ninoonani mwemo udhivela munanilimbi-edhele aliwa ira nilaleelenga mwathindhi thitho na rima othene.
1. N’nga nafunjedhilen’ni vagumano wa yawa ya 2023?
VAGUMANO wa yawa ya 2023, a vatoongiwa vyongo vinango vyevyo vichinjile makundo enao aaroromela i-yo thitho vatoongiwa milanyu yosangalali-a yokuza basi-u yolaleela. Mofwanafwani-a, natoofunjedha ira atu enango anodha kaana ngari yokala uikhundu ya atu a Yohova vasogolo vonongiwa wa Babulo Nlukulu. Natoowandeliwa thitho ira romela mwedi wa Novembro wa 2023, anamalaleya katinodha funeela velela mahora othene avyongo viirile aliwa muurumiwini. N’nga chinja weu unothapulela ira basa yolaleela kai yofuneya maningi? Kabe kai e-no!
2. Mwasiwa ngwan’ni ninofwanela laba mombaranya basi-u yolaleela? (Marku 13:10)
2 Dambo nlilothene laviranga, mahora oi nilaleele anokala tayevanga maningi. Ninoonga ee-no namwasa oi hora yoi komoni wa ilambo ifiye, inokala iwandamelanga. Kathuulelani vyaongile Yesu vyokuza basa yolaleela mumalambo omari-ala. (Muleri Marku 13:10.) Movwelana na vyalembile Mateu, Yesu atoonga ira milanyu yapama inodha laleiwa vailambo yothene yavathi weo uli atu, “komoni” wailamboi wa-anafiye. (Mat. 24:14) Madhu enala anoonga vya komoni wailambo yothakala ya Satanila. Yohova utomala e-la “dambo na hora” vinofuna dhaireya vyevi. (Mat. 24:36; 25:13; May. 1:7) Dambo nlilothene laviranga ninokala nikwivelanga wu hora yen’na. (Aro. 13:11) Va-eeni ninofwanela dhowanave laleela fiyedha komoni wailamboi ufiye.
3. N’nga chini inonilimbi-a ira nilaleelenga?
3 Nathuulelanga vya urumiwi-u, vinokala pama dhifuka ira: Mwasiwa ngwan’ni ninolaleela milanyu yapama? Mogwandela ninooda onga ira udhivela ngunonilimbi-a ira nilaleelenga. Nalabanga basa yolaleela ninothonyi-edha ira ninodhiveliwana milanyu yapama, ninodhiveliwana atu thitho kwaranya vyongo vyothene ninom’dhiveliwana Yohova na dhinalee. Dhoweni nitapanyeni vyongo vyevi vailiyothene vaokene.
NINOLALEELA NAMWASA OI NINODHIVELIWANA MILANYU YAPAMA
4. N’nga ninovivwa a-vi nawachela milanyu yapama?
4 N’nga munothuulela mwemo mwavivwele nyo, mungavwide milanyu yapama yokuza baliwa wa mwana venango lembiwa basa yafunanyo maningi? Mo-okaikela mwanoofunechecha wandela abalinyu thitho afwinyu vya milanyu yapamila. N’nga ndi mwemo thitho mwadhivwele nyo mungavwide milanyu yapama ya Umwene wa Nlungu, yeniyo ili milanyu yapama maningi kwaranya milanyu iliyothene?
5. N’nga mwavivwide a-vi mungavwide fendo yoroma milanyu yaimbarimbari yokumela m’madhu a Nlungu? (Muone thitho viruthiruthi.)
5 Kathuulelani mwemo mwadhivwele nyo mungavwide fendo yoroma imbarimbari ya m’madhu a Nlungu. Mwatoofunjedha ira Babinyu wadhulu Yohova unoudhiveliwanani maningi, unofuna ira mukale banjanimwee laatu enao anom’lambela, unodha mali-a nyarwa na vyopha vyothene, munooda kaana idedi-edho yodhaonana okokha na odhiveliwiwinyu enao takwide na vyongo vinango vinjinji. (Mrk. 10:29, 30; Ju. 5:28, 29; Aro. 8:38, 39; Apk. 21:3, 4) Makundo aimbarimbari afunjedhile nyoala tatoufiyani varimani. (Luk. 24:32) Mwanoodhiveliwana maningi vyongo vyafunjedha nyo voi mwanoofunechecha wandela mutu uliwethene!—Mufwanafwani-edhele na lemba la Jeremiya 20:9.
Ningavwide fendo yoroma milanyu yapama, nanoofunechecha wandela mutu uliwethene imbarimbari yapereso yavadhulu yafunjedhile i-yo! (Muone ndima 5)
6. N’nga ninofunjedhavon’ni va vyongo vyam’muireele Ernesto na Rose?
6 Kathuulelani vyongo vinango vyam’mwireele bali mwinango dhinalee Ernesto. b Angana vyawa 10, babee atookwa. Ernesto aongile ira: “Ndanoodhifuka ira: ‘N’nga babanga udhowile wani, dhulu? N’nga kandinodha m’monave modhowa nodhowa?’ Ndanoosilila afwanga enango ana ababiwa.” Hora dhinango Ernesto anoodhowa makokora vamasiyeni ababeuo nolobela ira: “Pepani Nlungu, Ndinofuna ndiidhiwe udhowile babanga.” Vangavirile vyawa vaduzi duzi 17 kumela vevo vakwide babee, mutu mwinango atom’vepa ira afunjedhenga Bibilya vambo-i na liye thitho atoorumela. Ernesto atoosangalala idhiwa ira atu okwa katinoidhiwa yongo iliyothene, tanokala ninga tanaagona irulo ilukulu thitho Bibilya linolanyedha ira Nlungu unodha avenyathi-a. (Nam. 9:5, 10; May. 24:15) Vasogolovee atoofwanya vyowakula vya vyofuka vyam’ruchi-a wa vyawa vinjinji. Ernesto atoosangalala na makundo aimbarimbari enao afunjedha liye. Na-iyaneene Rose atooroma funjedha thitho tanoodhiveliwana wandela atu enango vyongo vyafunjedha aliwavyo. Aliwa tatoobadiziwa muyawa ya 1978 thitho tanoolaleela mwathindhi imbarimbari yapereso yavadhulu waabaliwa, afwiwa naatu enango othene enao tafuna uvwa milanyu yapama. Vyo-arelavovyee pyoi Ernesto na Rose tatookami-a atu okwaranya 70 m’mwidhiwa Yohova fiyedha aliwa badiziwa.
7. N’nga chini inoireya nadhiveliwangana imbarimbari ya Bibilyani na rimi-u wethene? (Luka 6:45)
7 Onga mwaimbarimbari nadhiveliwangana makundo a Bibilyani na rimi-u othene, ninofunechecha wandela atu enango vyongo vifunjedhile i-yo. (Muleri Luka 6:45.) Ninodhivwa ninga anamafunjedha a Yesu enao taongile ira: “Kanino-iya onga vyongo vyaoni i-yo nauvwa.” (May. 4:20) Ninodhiveliwana maningi imbarimbari voi ninofunechecha wandela atu enango vya imbarimbari ninga mwemo munaodele i-yo.
NINOLALEELA NAMWASA OI NINODHIVELIWANA ATU
8. N’nga chini inonilimbi-a ira niwandelenga atu enango milanyu yapama? (Muone kwadru loi “ Mwaadhiveliwengana atu—Mwaafunji-enga.”) (Muone thitho iruthiruthi.)
8 Mofwanafwana na Yohova na Mwanee, na-iyene thitho ninodhiveliwana atu. (San. 8:31; Ju. 3:16) Ninoavwela tangaranga atu oi “katinom’mwidhiwa Nlungu” naatu oi “katina idedi-edho.” (Aef. 2:12) Aliwa anogumanana nyarwa dhinjinji thitho anodhivwa ninga ali lindini modi-a. Mbwenye i-yo nili ninga go-i wenuo unaaponyedhele i-yo ira naakumi-emo lindinimo, yeniyo ili milanyu yapama ya Umwene wa Nlungu. Namwasa oi ninoadhiveliwana thitho avwela tangaranga, ninovilimbi-edha ira taidhiwe milanyu yapama. Milanyu ila inoava-a idedi-edho, inoakami-a ira takaena ingumi yapama va-eeni thitho inoava-a idedi-edho yodhawachela “ingumi yaimbarimbari,” yeniyo ndi ingumi yo-omala muilambo ipya ya Nlungu.—1 Ti. 6:19.
Adhiveliwana atu thitho avwela tangaranga, unonilimbi-a ira niirenga vyongo mwemo munaodele i-yo ira naawandele milanyu yapama (Muone ndima 8)
9. N’nga ninowenjeli-a atu ira sogolou unodha ireyan’ni, n’nga mwasiwa ngwan’ni? (Zakiyeli 33:7, 8)
9 Dhiveliwana atu unoniiri-a ira naawenjeli-enga ira komoni wailambo yothakalila uli duzi. (Muleri Zakiyeli 33:7, 8.) Ninovwela tangaranga atu, thangani-avo abali-u enao ta-anom’labela Yohova. Atu anjinji anoira vyongo viwa vya dambo na dambo, katinoidhiwa ira sogolou unaadha “nyarwa ilukulu yoi kinaireyevo romela vapanduchiwile ilambo yavathila fiyedha va-eeni thitho kinodha ireya okokha.” (Mat. 24:21) Ninofuna ira aliwa taidhiwe vinofuna dhaireya vahora yotongiwa, vevo mareligiau othene onama anodha kumi-iwavo thitho maguverno othene anodha nongiwa va kondo ya Arumagedo. (Apk. 16:14, 16; 17:16, 17; 19:11, 19, 20) Ninolobela ira atu anjinji tavwe milanyu yowenjeli-a nosakula m’labela Yohova va-eeni. N’nga a-vi vyaatu enao ta-anovuruwana milanyu yowenjeli-a inolaleela i-yo va-eeni, thangani-avo abali-u enao anoadhiveliwana i-yo?
10. Mwasiwa ngwan’ni pyofuneeleya maningi ira nidhowenave wenjeli-a atu?
10 Ninga muonele i-yo muyofunjedha ivirile, pyoodeya ira Yohova unodha vulumucha atu enao anachinje mirimiwa vasogolo voona nongiwa wa Babulo Nlukulu. Akala ndi ee-no, kuongela ira pyofuneya maningi va-eeni dhowanave wenjeli-a atu. Kathuulelani vi: Vyongo vinoawandela i-yo va-eeni, anodha vithuulelanga vahora yeniyo. (Mufwanafwani-edhe na lemba la Zakiyeli 33:33.) Venango anodha thuulelanga vyongo vinoawandela i-yo nosakula roma m’labela Nlungu hora ya-anamale. Mofwanafwana na namaing’anela perezo wau Filipi wenuo achinjile mathuulelo vasogolo va “indharandhara ya kopolo,” pyooneelatu ira atu enao ta-anovwela milanyu inolaleela i-yo va-eeni, anodha chinja mirimiwa vasogolo voona nongiwa wa Babulo Nlukulu.—May. 16:25-34.
NINOLALEELA NAMWASA OM’DHIVELIWANA YOHOVA NA DHINALEE
11. N’nga ninom’va-a a-vi Yohova titimi-o, lemezo na kopolo? (Apokalipse 4:11) (Muone thitho viruthiruthi.)
11 Mwasa nlukulu unoniiri-a laleelanga milanyu yapama, ngoi ninom’dhiveliwana Nlungu na dhinalee lochena. Ninoona ira laleela ndi ndhila yom’titimi-edhelana Nlungwi-u wenuo unonidhiveliwana. (Muleri Apokalipse 4:11.) Ninovwelana na vyevyo vyaongile angelo ira: “Yohova Nlungu ngofwanelela wachela titimi-o, lemezo na kopolo yokumela waarumiwee enao anom’lambela mororomeleya.” Ninom’va-a Yohova titimi-o na lemezo nawandelanga atu enango umboni o-oruni-eya oi liye “ngupanduchile vyongo vyothene” thitho nitokaana ingumi namwasa wa liye. Ninom’va-a kopolo dhi-u na-indi-edhanga basa hora, kopolo thitho vyongo vi-u volaleela ninga mwemo munaodele i-yo movwelana namwemo mukalele vyongo vaingumii-u. (Mat. 6:33; Luk. 13:24; Ako. 3:23) Mogwandela, ninodhiveliwana wandela atu enango vyoonga Nlungwi-u wenuo unom’dhiveliwana i-yo. Ninolimbi-iwa ira niwandelenga atu enango vya dhinalee na vinothapulela aliwa. Mwasiwa ngwan’ni?
Ninom’va-a Yohova kopolo dhi-u na-indi-edhanga basa hori-u, kopolo, thitho vyongo vi-u volaleela mwemo munaodele i-yo movwelana namwemo mukalele vyongo vaingumii-u (Muone ndima 11)
12. N’nga nalaleelanga ninocheni-a dhina la Yohova moi a-vi?
12 M’dhiveliwana Yohova unonilimbi-a ira nicheni-enga dhinalee. (Mat. 6:9) Vyevi vinothapulela ira ninofunechecha wandela atu enango ira vyongo vyothakala vinoonga Satana vyokuza Yohova kai vyaimbarimbari. (Mar. 3:1-5; Yob. 2:4; Ju. 8:44) Nalaleelanga ninofunechecha wandela atu othene enao anavuruwane imbarimbari yoonga vya Yohova. Ninofuna ira mutu uliwethene aidhiwe ira kalelolee nlukulu ndi udhivela, unotonga molongomana thitho ira vachineneeva Umwenee unodha mali-a nyarwa dhothene nodhi-a rendele na imwerumweru waatu. (Sal. 37:10, 11, 29; 1 Ju. 4:8) Nawandelanga atu vyokuza Yohova, ninokala nicheni-anga dhinalee. Ninokala osangalala namwasa oi ninoidhiwa ira ninoira vyongo movwelana na dhina li-u. Mwasiwa ngwan’ni ninoonga ee-no?
13. Mwasiwa ngwan’ni ninosangalala naidhiweyanga ira nili Amboni dha Yohova? (Esaya 43:10-12)
13 Yohova utonisakula ira nikale “Mbonidhee.” (Muleri Esaya 43:10-12.) Vyawa vingasi vivirile ndulimu, karta n’nango lakumele wu Gulu Lotonga laongile ira: “Ngari ilukulu inakaena mutu uliwethene, kuidhiweyana dhina loi wa Mboni dha Yohova.” c Mwasiwa ngwan’ni vili ee-no? Kathuulelani ifwanafwani-oi. Akala munofuna ira mutu mwinango akale mboni vaselwinyu tribunale, munom’sakula mutu unom’mwidhiwa nyo pama thitho m’roromela. Wenuo una limbili lapama lelo linairi-e ira umboneuo atu enango tauroromele. Ee-no vonisakula ira nikale Mbonidhee, vinothonyi-edha ira Yohova unoniidhiwa pama thitho niroromela ira ninooda wandela atu enango ira liye ngu Nlungu waimbarimbari. Ninoona ira ndingari yapereso yavadhulu kala Mbonidhee thitho ninofuna i-ndi-edha basa ngari iliyothene vokami-a atu ira taidhiwe dhinalee, noruni-a vyonama vinjinji vyevyo vinoongiwa vyokuza Yohova. Nairanga vyevi ninokala niiranga vyongo movwelana na dhina li-u loi, Amboni dha Yohova!—Sal. 83:18; Aro. 10:13-15.
NINODHOWANAVE LALEELA FIYEDHA KOMONI
14. N’nga ndivyongo vivi vyosangalali-a vinodedi-edhela i-yo vachineneeva?
14 Ninodedi-edhela vyongo vyosangalali-a maningi vachineneeva. Namaraeli-o a Yohova, ninodedi-edhela ona atu anjinji tafunjedhanga imbarimbari nyarwa ilukulu ya-anarome. Ninosangalala idhiwa thitho ira masiki vahora yorucha maningi va nyarwa ilukulu, ninodha ona atu anjinji takumanga muilambo yothakala ya Satanila, noroma m’titimi-a Yohova vambo-i na i-yo.—May. 13:48.
15-16. N’nga ninodhowenave iran’ni, n’nga fiyedha e-lini?
15 Va-eeni nitokaana basa linjinji ira nililabe. Nitokaana ngari yolaba basa yoi kinodha ireya okokha, yolaleela milanyu yapama ya Umwene wa Nlungu vailambo yothene yavathi. Vahora imbo-ive yeniyo ninofwanela dhowanave wenjeli-a atu vyoonga vyevyo vinofuna dhaireya sogolou. Atu anofuneela idhiwa ira komoni wailambo yothakalila uli vakwikwi maningi. Ee-no hora yotonga yadhafiya aliwa anodha idhiwa ira milanyu yalaleela i-yo yali yokumela wa Yohova Nlungu.—Zak. 38:23.
16 N’nga ninofwanela kala osikimizela rima iranan’ni? Namwasa odhiveliwana milanyu yapama, atu thitho kwaranya vyothene m’dhiveliwana Yohova na dhinalee, ninodhowanave laleela mofunechecha, mombaranya thitho mwathindhi fiyedha Yohova aonge ira “Vitokwakwana, mu-iye laleela.”
NYUMBO 54 “Njira Ndi Iyi”
a Gumano wa yawa ya 2023, waireile va 7 wa Outubro valimburo loirelavo migumano milukulu ya Mboni dha Yohova wu Nova York muilambo ya Estados Unidos. Vasogolovee ikhundu yoroma ya gumanula yatooni-iwa muporograma ya JW Broadcasting® ya Novembro wa 2023 thitho ikhundu yanambili yaoni-iwile muporograma ya Brosdcasting ya Janeiro wa 2024.
b Muone mwasa wa muru oi “Baibulo Limasintha Anthu—Ndinapeza Mayankho Ogwira Mtima a Mafunso Anga,” mu Nsanja ya Olonda ya 1 wa Fevereiro wa 2015.
c Muone bukhu la muru oi Buku Lapachaka la Mboni za Yehova la 2007 thakuru 3.