Yawa yen’na gulu latoochinja vyongo vinango thitho vyevi vyatookami-a ira anamafunjedha Bibilya tavwelanenga maningi. Gulu la torre de vigia latooroma saka-edha malemba oi abali naarongola taatapanyenga sumana nlilothene va gumano wenuo wauonga aliwa ira lobela, titimi-a thitho velela maumboni. Wenjedhela veva, anamafunjedha Bibilya tatoosaka-edha kalendhariyo venango thandha vevo vakala lemba loi abali naarongola tangaodilenga tapanya sumana nlilothene thitho nyumbo dhinaombenga aliwa vofunjedha wavaokene venango volambela wiwa wavabanjani.

Vagumanula anamafunjedha Bibilya tanoonga “maumboni” a vyevyo vyaaireele vyalaleela aliwa, vyongo vyevyo vinom’simbela aliwa Yohova, nyumbo na lobelo. Eva Barney wenuo abadiziwile muyawa ya 1923, ali angana vyawa 15 liye aongile ira: “Mutu afuna onga umboni anoimela, noroma onga madhu oi, ‘Ndinofuna ndim’simbe Mbwiye namwasa wa vyongo vyaphama vindiirele liye.’” Abali anjinji tanoodhiveliwana onga umboni. Rongola Berney atoowenjedhela onga ira: “Bali-u odhiveliwiwa Godwin, wenuo ali oulula, anokaana vyoonga vinjinji ira am’simbe Mbwiye. Mbwenye i-yanee aona ira unosogolela utochenyela, anoo-inda kazako ya man’neuo nom’mwandela ira akaathi.”

Fendo umbo-i va mwedi, pingo uliwethene wanokaana gumano wavakundu olobela, titimi-a thitho velela maumboni. Voonga vya gumano wavakundula, Nsanja ya Olonda ya 1 wa Abril wa 1923 yaongile ira: “Ikundu yoyeva ya gumanula yali yoirela umboni basa lolaleela thitho limbi-a anamalaleya. . . Ninororomela ira irana migumano mwandhila yen’na utokhami-a ira abali naarongola tavwelanenga maningi.”

Charles Martin wenuo ali (namalaleela) wa vyawa 19 thitho akala wu Vancouver Canada, atooganyali maningi na migumanwila. Liye aongile ira: “Mumigumanwila kuwewo wa funjedhile miyo vyofwanelela onga ndafiya vandhe va mutu ira ndim’laleele. Hora dhinjinji kanawelao a-kalavo mutu oonga vigumanane liye volaleela vandhe na vandhe. Vyevi vyanoondikami-a idhiwa vinaonge miyo thitho munawakulele miyo atu oruni-a.”

“Malambo olaleela” tatookami-a abali naarongola ira tavwelanenga maningi. Nsanja ya Olonda ya 1 wa Abril wa 1923, mwatookala milanyu yoi: “Ira nivwelanenga va basi-u dambo la . . . , 1  wa Maio wa 1923 litosakuliwa ira lidhakale dambo la urumiwi. Ndi mwemo mwakalele aliwa na dambo la Chipili la mwedi uliwethene. . . Mutu uliwethene pingoni unodha funeela laba basa naaliwa va dambo leli.”

Masiki anamafunjedha Bibilya aazombwe tanoolaba basa leli. Hazel Burford wenuo ana vyawa 16 vahoriyo aongile ira: “Bukhu lelo va-eeni linoonga i-yo ira Gumano wa Urumiwi thitho Ingumi yi-u yau Kristau, lanokaana makundo (olandana na vifwanafwani-o vya moda olaleela) vyevyo vyafuneela i-yo vilokota muruni. a Ndanoirana vyongo vyothene vyevi mwathindhi vambo-i na mbwiyanga.” Thitho rongola Burford atooruni-iwa na mutu wenuo a-adedi-edhela liye. Liye aongile ira: “Bali mwinango oulula anoondikondi-a maningi ira ndiongenga naatu. Vahora yeniyo atu enango katavwechecha vyoi anamafunjedha Bibilya othene thangani-avo ‘azombwe na asikana,’ anofwanela laba basa naaliwa lom’titimi-a Namapanduchi-u wa dhulu.” (Sal. 148:12, 13) Mbwenye rongola Burford kaa-iidhe laleela. Liye atoodhowa mafunja xikola ya Giliyadi mukalasi yanambili thitho atumikela wu Panama ninga misionariyo. Vangavirile hora abalao tatoochinja mathuulelwiwa va mwasa oi azombwe talaleelenga naaliwa.

Migumano ya isa na ya gawo, yatookami-a ira abali tavwelanenga maningi. Injinji mwamigumanwila yatookaana malambo olaleela ninga mwakalele aliwa na gumano wau Winnipeg wu Canada. Va 31 wa Março, wu “Winnipeg watookala basa yavakundu,” yolaleela thitho atu othene tagumaneile tatoovephiwa ira talabe vambo-i basali. Va malambo ninga enala atu anjinji tanoovwa milanyu yaphama thitho vyo-arelavovyee vyali vyaphama. Va 5 wa Agosto, atu vaduziduzi 7.000 tatoodha va gumano wau Winnipeg. Vahora yeniyo yen’na yali numero yavadhulu maningi mofwanafwani-edha na migumano inoireecha wu Canada.

Gumano wa gawo wa Mboni dha Yohova ofuneya maningi wa 1923, waireile va 18 fiyedha 26 wa Agosto wu Los Angeles wu California. Wanga-adhi masumana oyeva ira gumano uireye, majornale tatoolaleela vya gumanuo thitho anafunjedha Bibilya tatoogawa mwitano wa gumano waatu  okwaranya 500.000. Vizindiyelo vyoitanelana atu vagumanula vyatofyeteliwa va makaro manjinji.

Sabudu 25 wa Agosto, Bali Rutherford atoonga mwasa wa muru oi “Mabila na Mbudi” wenuo waonga movweya phama ira “mabila” ndi atu anofuna dhakala paradaizo wavailambo yavathi. Va gumanuo liye atoonga thitho muru oi “muwenjele.” Vyaongile liyevi vyatooruni-a maigereja anoonga ira mbaikristau thitho atoolimbi-a atu tana mathuulelo aphama ira takumemo “Mubabulo Nlukulu.” (Apok. 18:2, 4) Vasogolovee anamafunjedha Bibilya athindhi vailambo yothene tatogawedha matratado okaana madhu oi muwenjele.

Vadambo lomari-a la gumanuo atu okwaranya 30.000, tatoovuruwana mwasa wa Bali Rutherford wa muru oi “Maziza othene anodhowa Arumagedo, mbwenye atu anjinji ana ingumi, katinodha wukwa.” Namwasa oi tadedi-edhela ira va gumanuo vanodha kala atu anjinji, anamafunjedha Bibilya tatoolugari limburo n’nango loirelao mawaredhelo lelo lairile mangiwawene wu Los Angeles. Ira Mutu uliwethene adhavwe phama, abali tatoo-indi-edha basa makuluna mulimburo la mawaredhelolo thitho mwandhila yen’na yo-indi-edha basa yovwei-a madhu yali iiranga romawene. Atu anjinji tatoovuruwana gumanula dhela va radiyoni.

Muyawa ya 1923, basa yolaleela yatoowenjedheleya maningi wu Africa, Europa, India thitho America de Sul. Wu India bali A. J. Joseph wenuo ana i-yana thitho a-ima 6, anookami-a va basa yodinda mabukhu aiongelo ya Ichihindi, Ichitamilu, Ichitelegu na Ichiudu.

Alfred Joseph na Leonarnard Blackman, enao tali anamafunjedha Bibilya awu Sierra Leone, tatoolembela karta wu sede li-u yovepha kami-iwa. Vyavepile aliwa vyawakuliwile va 14 wa Abril wa 1923. Alfred aongile ira: “Sabudu n’nango nama-iyu ndatooligareliwa.” Vatelefoninivo atoovwa madhu Akopolo oonga ira, “N’nga ngunyo alembele karta sede wi-u lovepha atu ira tadhalaleele?” Alfred atoowakula ira, “Ee,” Mutuo aongile ira: “Ee-no tandirumile miyo.” Aligariluo ali William R. Brown. Vahora yen’na ali angafiile wene kumela wu Caribbean thitho ali na i-yanee Antonia na a-imiwa ambili aa-iyana Louise na Lucy. Kavavirile hora indendai ira abaliala tagumane na Bali Brown na banjalee.

Alfred atoodhowanave onga ira: “Undhe ungachide namaibe-i, miyo na Leonard nifunjedha Bibilya ninga munoirelecha i-yo sumana nlilothene, natoom’mona mutu olapa maningi angaimenle valango. Ali bali Brown. Liye ali wa thindhi voi  ngwafuna onga mwasa wavatando vadambo lo-arela.” Mwedi wa-anamale, ali angagawele mabukhu othene adhidhena liye. Va-anavire hora indendai atoowachela mabukhu enango okwakwana 5.000, mbwenye kaadimbenlena atomala agawela. Mbwenye kaiira aidhiweyana ninga mutu oguli-a mabukhu. Vahora yothene yakadhi liye am’labelanga Yohova mwathindhi, atoo-indi-edha basa malemba voonga mwasee, vyevyo vyatoiri-a ira ava-iwe dhina loi Bibilya Brown.

Vahoriyo, ofesi ya tambi yali musidade ya Bermen wu Alemanya yali ing’ono thitho vyali vyooneelatu ira anyakondo ailambo ya França, tangavolowile sidadinimo. Anamafunjedha Bibilya tatokaana limburo n’nango wu Magdeburg thitho vyaoneya ira basa yodinda mabukhu ingawendilenga phama wewo. Va 19 wa Junho abali tatoomala tukula makina na vyongo vinango thitho tatoothamela wu Beteli ya Magdeburg. Tangamadhi wandela abali a sede li-u ira tatomala thama, dambo lo-arela jornal yatoonga ira ilambo ya França itotukula sidadi ya Barmen. Abali tatoona ira wen’na ali umboni othonyi-edha ira Yohova unoaraeli-a thitho abarela.

Wu Brazil bali George Young wenuo awendile muvilambo vinjinji malaleela milanyu yaphama, atoodhulela ofesi ya tambi voi e-no tatooroma dinda ma Nsanja ya Namaing’anela a Izungu na mabukhu enango. Va myedi yoyeva baa-i, tatoogawedha matratado na visimabukhu vyokwaranya 7.000. Sara Ferguson atoosangalala maningi bali Young vyadhowile liye mawaredhela banja liwa. Rongola Ferguson ali aleringa matratado a Nsanja ya Namaing’anela romela muyawa ya 1899, mbwenye ali a-anabadiziwe vothonyi-edha ira utodhivelela wa Yohova. Vangavirile myedi yoyeva, rongola Ferguson na a-imee 4 tatoobadiziwa.

Mamari-edho wa yawa, Nsanja ya Olonda ya 15 wa Dezembro 1923, yatoonga ira chinja vamwasa wa mwemo mwalabela aliwa basa yolaleela thitho mwairela aliwa migumano, watookami-a ira abali naarongola tavwelanenga maningi. Nsanjiyo yaongile ira: “Ingumi yauzimu mipingoni . . . ili phama maningi. . . Dhoweni niwareni mafwaramento othene nom’labelanga Nlungu mwathindhi thitho mosikimizela rima yawa inodhila. Niirengani vyevi mosangalala.”

Yawa yo-arela yali yosangalali-a maningi wa anamafunjedha Bibilya. Wa myedi mingasi, abali awu Beteli tali talambanga basa yomanga limburo n’nango va isuwa ya Estado vaduzi na Brooklyn. Nyumba dhamangiwa valimburoli dhamari-iwile maromelo a yawa ya 1924, vyevi vyatookami-a ira abali naarongola tavwelanenga maningi thitho milanyu yaphama ilaleeliwe maningi.