1. N’nga ninofwanela dhifukanga yofuka iivi?

N’NGA nyo hora dhinango munoovecha mwathuulela vinofuna ireya sogolou, ninga nongiwa wa mareligiau onama, dhimbinuweliwa na Gogi wa Magogi thangani-avo khondo ya Armagedo? Venango munodhifukecha ira, ‘Vyoireya vyoopi-a vidharoma ndinodha kalave ororomeleya?’ Akala ira munokumbanya na mwasa wa vyevi, tapanya madhu a Yesu anofwanyeya valemba mukumele mwasula, anodha ukami-ani maningi. Yesu aawandenle anamafunjedhee ira: “Miriminyu kirucheye. Roromelani Nlungu.” (Juwau 14:1) Iroromelo yolimba inodha nikami-a ira nikale olimba masiki nigumanena vyorucha vyoi a-vi.

2. N’nga ninalimbi-e a-vi iroromelo yi-u, wari mwa muru wen’na ninofuna nitapanyen’ni?

² Ninooda limbi-a iroromelo yi-u ira nidhaode vilela nagumanana vyowesedha sogolou, nathuulelanga vinoira i-yo mwa-eni nagumanana vyowesedha. Thuulela vinoira i-yo mwachineneeva nagumanana vyowesedha, vinonikami-a ona ikundu inofwanela i-yo limbi-a iroromelo yi-u. Hora dhothene vanovilela i-yo vyowesedha vinango, iroromelo yi-u inolimba. E-no, vyevyo vinodha nikami-a ira nidha vilele vyowesedha vinofuna i-yo dhagumanana sogolou. Wari mwa muru wen’na, ninodha tapanya vyongo vyokwakwana 4 vyaaireele anamafunjedha a Yesu vyevyo vyathonyi-edha ira aliwa tanofwanela kaana iroromelo yolimba. Namala ninodhaona moda unofuna i-yo ira akala ninogumanana vyorucha ninga vyevyo thitho vyevyo munanikami-edhe aliwa kozeela vya sogolo.

3. N’nga lemba la Mateu 6:30, 33 linanikami-e a-vi idhiwa vikundu vinofwanela i-yo limbi-a iroromelo yi-u?

³ Kai vyailendo ira lombwana unofuna sakela a-imee na i-yanee vyodya na vyowara vyokwakwanela, limburo lapama vanofuna aliwa kalanga. Malamboano vyevi kai vyokweya. Hora dhinango,  abali naarongola enango basa linoamalela taira e-no anooda dhilimbi-edha saka basa n’nango mbwenye katinolifwanya. Enango anofwanela konda basa loi kalinovwelana na makundo a Bibilyani. Va vyoireya ninga vyevi, ninofwanela roromela maningi ira Yohova unodha liva-a banja li-u vinofuna aliwa. Yesu atoagogomedhela pama likundo leli voawandela anamafunjedhee. (Muleri Mateu 6:30, 33.) Namroromelanga maningi Yohova, liye kanodha ni-iya, ninodha e-la mathuulelwi-u othene va vyongo vya Umwene. Naonanga moda unonikami-edha Yohova ira nifwanye vyongo vinofuna i-yo vaingumii-u, ninooda kala vauxamwali olimba na liye thitho ninoroma m’roromelanga maningi.

4-5. Chini jikamii-dhe banja linango ira ta-iye sukwala ira ninafwanye a-vi vyongo vyofune-a vyavaigumini i-yu?

⁴ Kathuulelani moda waakami-edhe Yohova banja n’nango ilambo ya Venezuela hora yakumbanya atu abanjanimo ira anaode a-vi fwanya vyongo vinofuna aliwa vaingumiiwa. Va hora inango banja la Castro lanolima zunde mwiwa ira taodenga kaana kobiri dhokwakwanela gulana vyongo vyafuna aliwa vaingumiiwa. Vira wa hora atu enango othakala mirima okaana futi tatodha aliwa awaka zunde liwalo atu atamangi-avo vamundaniviwavo. Migueli, babiwa waatu abanjanimo aongile ira: “Mwachineneeva ninonyindela vyongo vinolima i-yo vaiximundani jing’ono iboli-idhe i-yo mutu mwinango. Namaebe-i ndinomvepecha Yohova ira anikami-e ira nifwanye vyongo vinofuna i-yo vaingumii-u vadambo lelo.” Banjali linogumanana vyorucha vinjinji, mbwenye voi anororomela ira Babiwa wa dhulu unongoakami-a ira tafwanye vyongo vinofuna aliwa, aliwa hora dhothene anofwanyeecha vamigumanoni no labanaatu basa lolaleela. Ano-elecha vyongo vya Umwene valimburo loroma vaingumiiwa. Moi ee-no Yohova unoava-a vinofuna aliwa.

⁵ Va nyarwa dho-iyana i-yana dhinogumanana Migueli na i-yanee Yurai, aliwa anokalecha tathuulelanga maningi moda unowaing’anela Yohova. Hora dinango Yohova akala a-indi-edhanga basa abali naarogola voava-a vyofuneela hora ndinango anomkamiecha miguel ira afwanye basa. Hora dinango Yohova akala a-indi-edhanga basa nyumba yava betel voava-a vyongo vofuneela. Liye kaidhi navang’onovene. Aliwa tatoona ira uliwethene banjanimwia iroromelo yi-wa yatoroma limba na mwasa wa vyevyo angaongile moda waakami-edhe Yohova va hora inango, mwaniwa wa-iana dhinalee Yoselin, aongile ira ‘Volimbi-a ona mwemo Yohova munonikamiela liye. Nditoona ira liye nguxamwalanga unomroromela miyo.’ Liye atowenjendela ira: “Vowesedha vigumaan’nena i-yo othene banjani mwi-u, vitonikami-a kozeela vyowesedha vyorucha maningi vyevo vinofuna dhagumanana i-yo sogolo.”

6. N’nga munalimbi-e a-vi iroromelo yinyu mwagumanangana nyarwa yorambulela kobiri?

⁶ N’nga munogumana nyarwa na mwasa orambulela kombiri? Akala ndi-eno, hora yen’na ndihora yorucha wanyo. Mbwenye munooda i-ndi-edha basa hora inanyo ira mulimbi-e iroromelo yinyu. Munooda lobela wa Yohova no leri madhu a Yesu anofwanyeya va Mateu  6:25-34 thitho noathuulela maningi. Muthuulelenga vifwanafwani-o vya malamboano vyothonyi-edha mwemo Yohova munokami-ela liye atu anopingeya na vya Umwene. (1 Akor. 15:58) Irana vyevyo vinoukami-ani ira mumroromelenga vinjinji Babinyu wa dhulu ira unodha ukami-ani ninga mwemo mwakami-ela liye anthu enango agumanana vyeyvo ninga vinogumanananyovyo. Yohova unoidhiwa vyevyo vinofuneela i-yo thitho na mwemo munofunaliye uva-ani muonanga ira liye unaukami-ani vaingumiinyu, iroromelo yinyu inodhalimba vinjinji moi munooda vilela vyowesenda vinjinji vinofunanyo dagumanana sogolo.—Aeb. 3:17, 18.

7. Movwelana na lemba la Mateu 8:23-26, n’nga “liphevo nlukulu” lawesedhile a-vi iroromelo yaanamafunjedha a Yesu?

⁷ Yesu na anamafunjedhee tatogumanana liphevo nlukulu va vamwangoni, liye ato-indi-edha basa vyongo vyaireyavyo voakami-a anamafunjedhee ona vikundu vyafuneela aliwa oda limbi-a iroromelo yiwa. (Muleri Mateu 8:23-26.) Hora yavira liphevo nlukulu na ma-inje vitekenyanga botelo, Yesu aira gona. Anamafunjedheeo, tanoova maningi, tatomvenyathi-a Yesuo ira aavulumuche, Mbwiye Yesuo atoasumulula mooma rima ira: “Mwasiwa ngwan’ni munoova ee-no, atu airoromelo yoyevanyo?” Anamafunjedhao tafuneela zindiela ira kaali vyosimbwa rucha vyoi Yohova kaaode mvunela Yesu vambo-i naaliwa. N’nga i-yo ninofunjedhavon’ni veva? Iroromelo yolimba inonikami-a ira nivilele va “liphevo nlukulu,” kaya tiliphevoliphevolene venango lopipirisa.

8-9. N’nga iroromelo ya Anel yawesedhiwile a-vi, n’nga chini yamkami-idhe?

⁸ Kathuulelani vya rongola mwinango wadiye wau Porto Rico dhinalee Anel oi iroromeloyee yatolimba maningi angaguman’nena vyowesedha vilukulu. Nyarwa yaguman’nena liye tiliphevo nlukulu lanongile nyumbee yawa ya 2017. Thitho na mwasa wa liphevoli, liye ato-iya laba basa. Anel uongile ira: “Va hora yoruchila ndanokumbanya. Mbwenye ndatofunjedha mroromela Yohova volobela wa liye thitho ira kandilole ira kumbanyao undiimwanani-e irana vyongo vyofuneya.”

⁹ Anel aongile ira vwela unokami-a vilela vyowesedha. Liye uongile ira: “A-rela malangi-o a gulu watondikami-a ira ndiirenga vyongo mokurudheya. Yohova atondikami-a vo-indi-edha basa abali naarongola andilimbi-echa mwauzimu no ndiva-a vyongo vyarambulela miyo.” Liye atowenjedhela ira: “Yohova atondiva-a vyongo vinjinji kwaranya vyafuna miyo vepa moi iroromelo yanga yatolimba maningi.”

10. N’nga munaire a-vi akala mutogumanana nyarwa dhedho dhinokala ninga “lipevo lakopolo”?

¹⁰ N’nga munogumanana nyarwa dhedho dhinokala ninga “lipevo lakopolo” vaingumiinyu? Venango tinyarwa dhodha namwasa wamasoka avilengo. Venango linooda kala lipevo lakopolo lopipirisa ninga marenda malukulu enao auwiri-idheni ira mufooke fiedhela aidhiwa yoi mwiire. Hora dhinango munooda dhikumbanyedhanga, mbwenye kamurumeli-e ira vikumbanyedhao viuwimwanani-e m’nyindela  Yohova. Mulobelenga wa liye kumela vathi varima. Mulimbi-enga iroromele yinyu vothuulela mwemo Yohova mwaukami-idheni liye ndulimu. (Sal. 77:11, 12) Munooda kala osikimizela ira kadha au-iyani navang’onovene, va-eni thitho sogolo.

11. Mwasiwa ngwan’ni ninofwanela sikimizela rima ira ndinongoavwela ale anonisogolela?

¹¹ N’nga chiyongo iivi inango yeyo inaukami-eni vilela vyowesedha? Ninga mwemo Anel Mwaongele liye, vwela unooda ukami-ani. Funjedhani roromela atu enao Yohova na Yesu anaaroromela aliwa. Hora dhinango abali enao anosogolela anooda niva-a malangi-o enao anaoneye kala o-vweya. Mbwenye Yohova unoraeli-a atu ovwela. Ninoidhiwa vyevi namwasa oi madhwe na vifwanafwani-o vyaabali naarongoli-u vinothonyi-edha ira vwela unovulumucha. (Ekis. 14:1-4; 2 Limb. 20:17) Muthuulelenga vinjinji vifwanafwani-o vyevi. Irana vyevi unooda ukami-ani ira mukale ofunechecha a-rela malangi-o a gulu la Yohova va-eni thitho sogolo. (Aeb. 13:17) Mwaira ee-no kamunodha kaana mwasa oova lipevo lukulu ninofuna udha vo-ondembuwava.—Sang. 3:25.

12. N’nga lemba la Luka 18:1-8 linothonyi-edha ira kaana iroromelo kovwelana oi a-vi ulivo no vilela vyongo vyo-olongoma?

¹² Yesu atoidhiwa ira anamafunjedhee anodha ireliwanga vyongo vyo-olongoma thitho vyevi vinodha wesedha iroromelo yiwa. Vofuna akami-a vilela, liye atoonga ifwanafwani-o inango yeyo inofwanyeya va lemba la Luka. Aongile vya-iyana wamakwele wenuo a-a-iile mvepa namatonga unango wenuo a-am’mova Nlungu ira amtongele mwasee mwalongomano. Liye kaakaikela ira thidhilee linom’mwiri-a ira akami-iwe. Vamamari-edhovee namatonguo atomkami-adi. N’nga ninofunjedhavon’ni eva? Yehova kai o-olongomana. Moi e-no Yesu aongile ira: “Mwaimbarimbari, Yohova kanodha onechecha ira longomano litoireya waatu aasakunle liye, enao anokuwela wa liye nathana nama-iyu?” (Muleri Luka 18:1-8.) E-no atodhowanave onga ira: “Mwana wa mutu adhafiya, unodha fwanyadi iroromelo vailambo yavathi?” Naireliwanga vyongo vyo-olongomana, ninofwanela thonyi-edhanga ira nitokaana iroromelo yolimba na ya-iyana okweliole vokala oleva rima thitho ovilela. Nakaana iroromelo ninga yen’na, kaninodha kaikela ira mulimwethene mwemo munokalele aliwa Yohova unodha ndikami-a. Nithuulelenga thitho ira lobelo tofuneya vinjinji. Hora dhinango malobelwi-u anooda wakuliwa mundhila yoi kanaidedi-edhela navang’onove.

13. N’nga lobelo lakami-idhe a-vi banja n’nangolelo laireliwe vyongo vyo-olongoma?

¹³ Kathuulelani vyevyo vyam’mwiirele ronogola unango dhinalee Vero wenuo unokala wu Democratic Republic ya Congo. Vero wenuo man’nee a-ali wa Mboni thitho mwanee wa vyawa 15 atotawa vandhevee vevo mwiinji wanyathoropa vyadhidhe aliwa dhaukela vandheviwavo. Tangali vaulendoni, tatofiya vakuruvani venango vevo va-indiwile aliwa naanyathoropa nowatucha ira anowapa. Vero angaromile nla mwanee anommiyali-a molobela mogweli-a  madhu wu aonganga ndhina la Yohova moweli-edha weli-edha. Angamari-idhe lobelao ndimuwa waanyathoropao atom’fuka ira: “Sikanawe, baani aufunji-idhe lobela?” liye awakunle ira: “M’manga ngwandifunji-idhe lobela i-ndi-edha basa ifwanafwani-o ya lobelo lofwanyeya va Mateu 6:9-13.” Ndimuwa waanyathoropuo aongile, “Sikana, dhowanga mwarendele vambo-i naanamabalao thitho Yohova Nlungwinyu auvuneleni!”

14. N’nga chini jinawesedhe iroromelo yi-u, n’nga chini inanikami-e vilela?

¹⁴ Vyoireya ninga vyevi vinonikami-a ona ira lobelo tofuneya vinjinji. N’nga akala malobelwi-u katirumeliwile mombaranya venango mundhila yodabwi-a vinjinji? Mofwanafwana na i-yana okweliwa uongiwile muifanafwani-o ya Yesu, dhowenganave lobela no roromelanga ira Nlungu unodha uwakulani. Liye unodha wakula malobelwinyu vahora yofwanelela thitho ndhila inangweene. Mu’mvepengave Yohova ira auva-eni zimwee ochena. (Afil. 4:13) Muthuulelenga ira vo-odembuwava Yohova unodha uraeli-a vinjinji voi munodha dhiwala nyarwa dhothene dhingumana nyo. Mwakalangave ororomeleya novilelanga vyowesedha mokami-iwa na Yohova, Munodha limbi-a iroromelo yinyu vokozeela vyevyo vinofunanyo dhagumanana sogolou.—1 Pe. 1:6, 7.

15. Movwelana na lemba la Mateu 17:19, 20, n’nga anamafunjedha a Yesu taguman’nena nyarwa yoi a-vi?

¹⁵ Yesu atoawandela anamafunjedhee ira iroromelo inooda akami-a ira ta-afooke tagumanangana nyarwa. (Muleri Mateu 17:19, 20.) Vahora inango, aliwa tatoimwanana kumi-a viwanda angalive ira ndulimu tanoodecha irana evyo. N’nga yaruchile ali n’ni? Yesu aongile ira aliwa tanofuneela kaana iroromelo yowenjedheleya. Liye awandele ira ta-akaena iroromelo yokwakwanela, tangaodile limbanana nyarwa dhilukulu ninga myango. Na-iyene thitho malamboano ninooda gumanana nyarwa dhofwanafwana na dhedhi.

16. N’nga iroromelo yakami-inde a-vi Geydi vilela manee angakwinde?

¹⁶ Kathuulelani ifwanafwani-o inango ya rongola mwinango wau Guatemala dhinelee Geydi. Manee Edi atopiwa vevo aliwa vadhowaatu vandhe takumanga gumanoni. N’nga iroromelo yakami-idhe a-vi Geydi vilelana ukwa wa manee? Liye uongile ira: “Lobelo linondikami-a ira ndimwandelenga Yohova vyokumbanya vyanga ndaira ee-no ndinokaana rendele rimani. Ndinoona ira Yohova unondisamalila vo-indi-edha basa atu a-vabanjani vanga thitho apingoni. Ira vinjinji vomlabela Yohova unondikami-a yevi-a upa thitho ira nda-akumbanyedhenga vyamechelo. Vyowesedha vyevi vingumanena miyovi vyatondikami-a ona ira kaya ndinofuna ndidhangumanena vyoi a-vi sogolowu, Ndinodha oda vilela vokami-iwa na Yohova, Yesu thitho gulu la Nlungu.”

17. N’nga ninaire a-vi akala nitogumanana vyorucha ninga mwango?

¹⁷ N’nga muli osukwala namwasa wa ukwa wa mutu unodhiveliwana nyo? Dhilimbi-edheni limbi-a iroromelo i-yu yoi okwa tanodha venyathi-iwa Voleri myasa dha Bibilyani dhaatu enao  tavenyathi-iwile. N’nga vinoupani rimani namwasa oi balinyu utokumi-iwa pingoni? Mufunjedhenga madhu a Nlungu naifunelo yoi musikimizele ira langa wa Yohova unokala wapama hora ndothene. Akala munogumanena vyorucha vyoi a-vi, muonenga ira yen’na njingari yoi mulimbi-e iroromelo yinyu. Mulobelenga wa Yohova mokumela vathi varima. Kamuvi sakulengani nokala vamwenga malo moi ee-no mwiirenga vyongo vambo-i na abali na arongola. (Sang. 18:1) Mwiirenga vyongo vyevyo vinaukami-eni vilela angalive vevo vanovwanyo upa rimani mwathuulela vyevyo vyauwireeleni. (Sal. 126:5, 6) Kamu-iye fwanyeyanga vamigumanoni, nolaba basa yolaleela thitho leri Bibilya. Thitho muthuulelenga vinjinji vyongo vyapama vyevyo Yohova vinofuna liye uva-ani sogolou. Mwaonanga mwemo Yohova munoukami-edhelani liye, munodha roma mroromela vinjinji.

18. N’nga munaire a-vi mwazindiela ira iroromelo yinyu kai yolomba?

¹⁸ Akala vyowesedha vigumanena nyo ndulimu venango malamboano vinooni-a ira iroromelo yinyu kai yolimba, kamutatile rima. Muonenga ira yeniyo njingari yoi mulimbi-e iroromelwinyu. Nyo thitho muvepenga vyevyo anamafunjedha a Yesu vyavepile aliwa, vevo vaongile aliwa ira: “Muniwenjedhele iroromelo.” (Luka 17:5) Thitho muthuulelenga atu atapamyile i-yo mumwasola. Mofwanafwana na Miguel na Yurai, hora ili yothene muthuulelenga vyevyo Yohova vyaukami-idheni liye. Mofwanafwana na mwana wa Vero thitho Anel, mulobelenga wa Yohova mokumela vathi varima, simbwasimbwa mwagumanana yorucha inlukulu. Thitho mofwanafwana ninga Geydi, muthuulelenga ira Yohova unoukami-ani vo-indi-edha basa abalinyu thitho afwinyu. Mwarumeli-anga ira Yohova aukami-engani vyowesedha vinogumanana nyo chineneeva, Mukale osikimiza ira unodha ukami-ani vilela vyowesedha vyevyo vinagumanena nyo sogolo.

19. N’nga chini ya-akaaikela Yesu, n’nga nyo munakale osikimizela n’ni?

¹⁹ Yesu atokami-a anamafunjedhee zindiela vikundu vyevyo vyafuneela aliwa wenjedhela iroromelo yiwa. Mbwenye katakaikela ira Yohova unodha akami-a vilela vyowesedha vyothene vyagumanena aliwa sogolo. (Juwau 14:1; 16:33) Liye anororomela ira mwinji nlukulu unodha vulumuwa va oni-iwa nyarwa ulukulu namwasa wa iroromelo. (Apok. 7:9, 14) N’nga nyo munodhakala gulu la atu ovulumuwa? Mooma rima ulukulu wa Yohova, munodha vulumuwa akala va ee-ni muno-indi-edha basa ngari inanyo ira mulimbi-e iroromelo inyu.—Aeb. 10:39.