LEZION 03
Pudons’a ti avëi crëta ala Bibia?
La Bibia dà de bon cunsëies per la vita da uni di y cuntën de bela mpermetudes per l daunì. Povester es l bunder de savëi velch deplù, ma te pudësses te damandé: “Possi pa ti avëi crëta a n liber tan antich? Possi pa me lascé sun i cunsëies dla Bibia y sun chël che la dij sun l daunì?” Milions de persones miena de sci. Ciuldì pa?
1. Ie pa la Bibia mé n liber de stories y lijëndes?
La Bibia dij che chël che ie scrit laite ie avisa l’aurità (Giuani 17:17). La rejona de persones vivudes plu da giut y de avenimënc che ie veramënter suzedui. (Liej Luca 1:3; 3:1, 2.) Dates, persones, luesc y avenimënc zitei tla Bibia vën documentei dala storia y dal’archeologia.
2. Ie pa la Bibia mo atuela?
La Bibia à suvënz desmustrà de vester danora cun i tëmps. Per ejëmpl, canche la fova unida scrita, rujenovela de argumënc scientifics che ne n’univa ntlëuta nia azetei. Ma la scienza moderna à desmustrà che la Bibia à rejon. Zënzauter pudons ti avëi crëta śën y per for a dut chël che la Bibia à da nes dì (Salm 111:8).
3. Ciuldì pudons’a crëier a chël che la Bibia dij n cont dl daunì?
La Bibia cuntën profezies *, nfati Die nes dij che “cie che de nuef à da unì, ve anunziei” (Isaia 42:9). La à dit avisa danora truep avenimënc storics scialdi dan che i ie unic a se l dé. La à nce fat na descrizion a puntin dla cundizions dl mond de al didancuei. Te chësta lezion cunscidrons n valguna profezies dla Bibia. La maniera de coche les se à adempì ie da marueia!
ŚËN JONS PLU TL SOT
Cëla coche la scienza ie a una cun la Bibia y ejaminea n valguna profezies straurdineres.
4. Scienza y Bibia – deguna cuntradizion
Tl’antichità minova la gran pert dla persones che la tiera dajova sëura sun zeche. Cëla l VIDEO.
Cëla do tl liber de Giobe cie che fova unì scrit dan zirca 3.500 ani. Liej Giobe 26:7 y pënsa do sun chësta dumanda:
-
Ciuldì ie pa l’afermazion che la tiera ie tenida tl aier “sëura l nia” tan straurdinera?
L zitlus dl’ega ie mpermò unì capì dan zirca 200 ani. Ma liej cie che la Bibia dijova bele dan milesc de ani. Liej Giobe 36:27, 28, NM y tol tres chësta dumandes:
-
Ciuldì ie pa chësta descrizion dl zitlus dl’ega tan straurdinera?
-
À pa chësta scritures renfurzà ti fidanza tla Bibia?
5. La Bibia à dit danora avenimënc storics
Liej Isaia 44:27–45:2, NM y tol tres chësta dumanda:
-
Ciun particuleres ova pa la Bibia dit danora zirca 200 ani dan la desdruda de Babilonia?
La storia cunfërma che Kyros, rë dla Persia, y si saudeies ova tëut ite la zità de Babilonia tl 539 dan G.C. Ëi ova autà ora l ruf che fajova da prutezion ala zità, y davia che i babilonesc ova lascià daviertes la portes, ovi pudù tò ite la zità zënza messëi cumbater. Ncuei, do 2.500 ani, resta mé plu i sedims de Babilonia. Cëla cie che la Bibia ova dit danora.
Liej Isaia 13:19, 20, NM y tol tres chësta dumanda:
-
Co se à pa adempì uni particuler de chësta profezia?
6. La Bibia ova dit danora la stleta cundizions che udon al didancuei
La Bibia dij che vivon ti “ultimi dis” (2 Timótee 3:1). Cëla cie che la ova dit danora n cont de nosc dis.
Liej Mateo 24:6, 7 y cunscidra chësta dumanda:
-
Ciun avenimënc ëssa pa aldò dla Bibia caraterisà i ultimi dis?
Liej 2 Timótee 3:1-5 y tol tres chësta dumandes:
-
Ciun fossa pa stat l cumpurtamënt dla persones ti ultimi dis aldò dla Bibia?
-
Es’a nce tu usservà vel’ una de chësta carateristiches tla persones?
VEL’ UN DIJ: “La Bibia ie mé n liber de stories y lijëndes”.
-
Ciun de chisc argumënc tratei te fej pa udëi ite che pudon ti avëi crëta ala Bibia?
N CURT
La storia, la scienza y la profezies desmostra che pudon ti avëi crëta ala Bibia.
Cie es’a mparà?
-
Ie pa la Bibia n liber de stories nventedes o de fac veramënter suzedui?
-
Ciun ejëmpli nes desmostra pa che la scienza ie a una cun la Bibia?
-
Rates’a che la Bibia possa veramënter dì danora l daunì? Ciuldì pa?
CUNTENUC SËURAPRÒ
Iel pa cuntradizions danter la scienza y la Bibia?
Cie desmostra pa che vivon ti “ultimi dis”?
“L adempimënt de 6 profezies bibliches ntan nosc dis” (La Tor de Verdia, 1° de mei 2011)
Cëla coche se à adempì la profezies bibliches che reverda l mper dla Grecia.
Liej coche n ël à mudà minonga n cont dla Bibia cunscidran n valguna profezies.
“Ie ne cherdove nia tl’esistënza de Die” (La Tor de Verdia, nr. 5 2017)
^ par. 9 Na profezia ie chël che Die dij danora sun l daunì.