LEZION 1
Ciuna bona nutizia nes dà pa Die?
1. Ciuna bona nutizia nes dà pa Die?
Die uel che la persones possa viver cuntëntes sun la tiera. Ël ova crià la tiera y dut chël che ie lessù ajache l nes à gën. Ël tulerà demez dut chël che fej patì la persones per ti dé prësc n miëur daunì. (Lijëde Salm 37:29, 37.)
Degun guviern ne n’ie mei stat bon de tò demez viulënza, malaties y la mort. Ma l ie na bona nutizia: Die sustituirà tosc i guvierns dl mond cun si guviern. Nsci vivrà duc sani y nton te n mond de pesc. (Lijëde Isaia 25:8; 35:5, 6; Daniel 2:44.)
2. Ciuldì ie pa chësta bona nutizia tan de mpurtanza?
La suferënzes finerà via mé canche Die delibrerà la tiera dala stleta persones (Sofonia 2:3). Can suzederà pa chësc? La Bibia ova bele dit danora duc i problems de al didancuei y chisc ie n sëni che Die ntervenirà tosc. (Lijëde 2 Timótee 3:1-5.)
3. Cie dassessans’a fé?
Nëus dassessan cunëscer miec Die tres si Parola, la Bibia. La ie sciche na lëtra scrita da n pere che nes à scialdi gën. La nes dij co viver miec bele śën y coche pudon viver per for sun la tiera tl daunì. N valguni sarà de contra che Ve dajëis ju cun la Bibia. Ma la puscibltà de avëi n miëur daunì ie massa bela per se la lascé mucé. (Lijëde Salm 20:2 [20:1, NM]; 2 Timótee 3:12; Revelazion 14:6, 7.)
L pudëssa Ve nteressé nce...
BESONDERE AKTION
Percie studië la Bibia?
Milions de persones sëura dut l mond ie tl lëur de abiné tla Bibia la resposta ala dumandes mpurtantes dla vita. Ulessais’a nce Vo abiné chësta respostes?
