Se dé ju plu avisa cun i nseniamënc basileres dla Bibia à zënzauter renfurzà Vosc amor per Iehova. L ie fundamentel che chësc amor vënie cultivà per pudëi crëscer (1 Piere 2:2). La puscibltà de viver per for depënd dal ti ruvé for plu daujin a Die studian si Parola. (Lijëde Giuani 17:3; Giuda 21.)

Plu che cunescerëis Die, y plu sterscia che deventerà Vosta fede. Tres chësta fede puderëis ti plajëi a Die (Ebrei 11:1, 6). La Ve purterà a mustré pentimënt y a fé mudamënc per miuré Vosta vita. (Lijëde Isaia 1:16, 19.)

Zënzauter rujenëis gën cun d’autri de chël che ëis mparà, dantaldut ajache l se trata de bona nutizies. Jan inant a studië la Bibia mparerëis a la adurvé per rujené de Vosta fede te Iehova y per fé cunëscer la bona nutizia. (Lijëde Romans 10:13-15.)

Truepa persones scumëncia a rujené dla bona nutizia cun cumpanies y parënc. Cialëde de mustré respet. Mpede desbuté si religion, pudëis rujené dla mpermetudes de Die. Lecurdëve che la persones mët verda deplù a Vosc cumpurtamënt che no a Vosta paroles. (Lijëde 2 Timótee 2:24, 25.)

Studië la Parola de Die Ve juderà a crëscer sota l aspet spirituel y a avëi n liam speziel cun Iehova. Ora de chël puderëis fé pert de si familia. (Lijëde 2 Corìntesc 6:18.)

Pudëis fé prugresc sota l aspet spirituel jan inant a studië la Parola de Die (Ebrei 5:13, 14). Damandëde a n testemone de Iehova de studië la Bibia deberieda adurvan l liber Cie nsënia pa la Bibia? Mparan for deplù dala Parola de Die, saverëis da avisé mo miec Vosta vita. (Lijëde Salm 1:1-3; 73:27, 28.)

La bona nutizia vën da Iehova, l beat Idie. Pudëis ti ruvé mo plu daujin sce chirëis la cumpania de si popul (Ebrei 10:24, 25). Chëi che se proa de ti plajëi a Die, ie nstradei sun l troi che mëina ala vera vita, la vita eterna. Crì la ujinanza cun Die ie zënzauter l miec che pudëis fé. (Lijëde 1 Timótee 1:11; 6:19.)