Cie ie pa l Rëni de Die?
Ratëis’a che l ie...
-
na cundizion dl cuer?
-
n guviern tl ciel?
-
zeche d’auter?
CIE DIJ PA LA BIBIA?
“L Die dl ciel [...] fajerà nascer n rëni che [...] ne n’arà mei na fin” (Daniel 2:44, Bibia de Cristl Moroder)
Gejù “renierà per for [...] y si rëni ne n’arà deguna fin” (Luca 1:33)
DE CE UTL IE PA CHËSC PER VO?
-
Puderëis avëi i benefizies de n guviern giust (Isaia 48:17, 18).
-
Viverëis cuntënc y sani y nton tl nuef mond che à da unì (Revelazion 21:3, 4).
POSSEN PA TI AVËI CRËTA ALA BIBIA?
Sci, per almanco doi rejons:
-
Gejù ova mustrà cie che fajerà l Rëni de Die. Gejù ova nsenià a si discepuli a prië per l’unida dl Rëni de Die y che la ulentà dl Pere unissa fata sun la tiera (Mateo 6:9, 10). Ël ova nce desmustrà coche l Paternoster unirà ejaudì.
Canche Gejù fova sun la tiera, ovel dat da maië ai arfamei, varì i amalei y purtà inò n vita i morc (Mateo 15:29-38; Giuani 11:38-44). Nsci ovel dat na desmustrazion danora de chël che ël ëssa fat tl daunì per la persones sciche Rë dl Rëni de Die (Revelazion 11:15).
-
La stleta cundizions che udon tl mond ie n sëni che l Rëni de Die unirà tosc. Gejù ova dit danora che, puech dant che l Rëni ëssa purtà la pesc sun la tiera, fossa l mond stat caraterisà da vieres, ciaresties y tremoc (Mateo 24:3, 7).
Al didancuei udons propi suzeder chisc avenimënc. Perchël pudons vester segures che l Rëni de Die meterà prësc na fin a duc chisc problems.
ZECHE DA PENSÉ DO
L pudëssa Ve nteressé nce...
ESSENTIAL BIBLE TEACHINGS
Cie ie pa l Rëni de Die?
Canche Gejù fova sun la tiera, fova l Rëni de Die l argumënt prinzipel de si nseniamënt. Da ntlëuta incà prëia si discepuli che chësc Rëni vënie.
BIBIA: DUMANDES Y RESPOSTES
Co saral pa puscibl arjonjer la pesc sun la tiera?
Unide sëura ciunes che ie la mpermetudes de Die per purté la pesc tl mond tres si Rëni.
CHI SONS’A
Percie studië la Bibia?
Milions de persones sëura dut l mond ie tl lëur de abiné tla Bibia la resposta ala dumandes mpurtantes dla vita. Ulessais’a nce Vo abiné chësta respostes?
CIE DIJ PA LA BIBIA
Purvëde nosc curs biblich
L se trata de n curs biblich nteratif debant cun n nseniant.
