“L sarà na ressurezion” (Storia di Apostuli 24:15, Bibia de Cristl Moroder)

Unieis cunsulei canche mor na persona che ëis gën (2 Corìntesc 1:3, 4).

Ne n’ëis nia plu tan na gran tëma dla mort (Ebrei 2:15).

Ëis la speranza de sté inò adum cun chëi che ëis perdù (Giuani 5:28, 29).

Sci, per almanco trëi rejons:

• Die ie l Criator. La Bibia dij che Iehova Die “ie chël che dà a duc la vita y l fla y uni cossa” (Storia di Apostuli 17:24, 25; Salm 36:10 [36:9, Traduzion dl Nuef Mond]). Chël che à dat la vita a duc nëus ie zënzauter bon de purté inò n vita chëi che ie morc.

• Die à bele ressuscità n valguna persones tl passà. La Bibia rejona de ot persones — ëi y ëiles, pitli y granc — che ie unides ressuscitedes tlo sun la tiera. N valgunes de chëstes fova mortes da puech, ma una fova te fòssa bele da cater dis (Giuani 11:39-44). Chësc uel dì che l ne n’ie deguna defrënza da tan giut che na persona ie morta.

• Die uel cun dut l cuer purté inò n vita mo d’autri. Iehova odia la mort, ël la cunscidra n nemich (1 Corìntesc 15:26). Die ne n’aspieta nia l’ëura de tò demez la mort tres la ressurezion. Ël uel ressuscité la persones che ie te si lecort y pudëi nsci inò les udëi viver tlo sun la tiera (Giobe 14:14, 15).