Die à crià la persones acioche les ebe raporc sessuei mé tl matrimone, danter n ël y n’ëila (Genesis 1:27, 28; Levìtich 18:22, NM; Proverbs 5:18, 19, NM). La Bibia cundana i raporc sessuei danter persones dl medemo sés o danter n ël y n’ëila che ne n’ie nia maridei (1 Corìntesc 6:18). Chësc tol ite i raporc sessuei, la masturbazion de n’autra persona y l sés oral y anal.

 Scebën che la Bibia cundana l’omosessualità, ne nseniela nia a udië i omosessuei. Al cuntrer, la dij ai cristians: “Respetëde duc” (1 Piere 2:17).

 Nascen pa omosessuei?

La Bibia ne rejona nia di dejideresc omosessuei dal pont d’ududa biologich, ma la recunësc che nascion duc cun la tendënza de jì contra ai cumandamënc de Die (Romans 7:21-25). Tla Bibia ne vëniel dit nët nia dla rejons di dejideresc omosessuei, ma la pruibësc l’omosessualità.

 Co ti plajëi a Die nce sce n à tendënzes omosessueles.

La Bibia dij: “Perchël murtifichëde cie che ie te vo de chësta tiera: furnicazion, mpurità, pascions dla cërn, rie dejideresc y ch’la varizia che ie na idulatria” (Colossésc 3:5). Per fé murì ora i fauz dejideresc, che porta a fauza azions, muessen tenì sota cuntrol i pensieres y se dé ju cun pensieres pures che juda a cumbater contra i fauz dejideresc (Filìpesc 4:8; Iacun 1:14, 15). Nce sce al scumenciamënt pudëssel vester n gran cumbatimënt, possen la fé ca. Die mpermët de judé a arjonjer ‘n spirt nuef [...] te vosta mënt’ (Eféjies 4:22-24).

 L medemo cumbatimënt per tenì ite la normes bibliches, à nce Ia persones eterosessueles. Per ejëmpl chëi che ie sëui ajache i ne abina degun partner o chëi che ie maridei cun zachei che per vel’ motif ne po’ nia avëi raporc sessuei. Ëi ie mpò cuntënc tla vita y chësc ie puscibl nce per chëi che à tendënzes omosessueles, sce i uel veramënter ti plajëi a Die (Deuteronome 30:19).