Tlo n valgun cunsëies dla Bibia che à judà milions de persones a avëi na familia cuntënta:

1.   Legalisé l matrimone. L matrimone ie n liam che dassëssa duré per duta la vita y l ie fundamentel per avëi cuntentëza te familia (Mateo 19:4-6).

2.   Mustré amor y respet. Chësc uel dì che n dassëssa traté l uem o la fëna coche n ulëssa nstësc vester tratei (Mateo 7:12; Eféjies 5:25, 33).

3.   Nia ferì cun la paroles. L ie miec rujené cun maniera nce sce l uem o la fëna dij o fej zeche che pudëssa ferì (Eféjies 4:31, 32). La Bibia dij te Proverbs 25:15: “Cun pazienza se lascia cunvëncer nce n manëisc, na lënga murjela romp nce i osc”.

4.   Vester fediei l un al auter. L nteres romantich y sessuel dëssa vester mustrà mé danter uem y fëna (Mateo 5:28). La Bibia dij: “L matrimone sibes respetà da duc y l liet matrimuniel zënza macia” (Ebrei 13:4).

5.   Tré su i mutons cun amor. Chësc uel dì de ne vester no massa toleranc no massa dures (Proverbs 29:15; Colossésc 3:21).