“Ciuldì sons’a tlo sun la tiera?” o “À pa la vita n fin?” Chëstes ie mé n valguna dla dumandes che la jënt se fej sun l senificat dla vita. La Bibia mostra che l fin dla vita ie chël de avëi n liam de amezizia cun Die. Tlo n valguna auriteies fundamenteles che la Bibia lascia al savëi.

•   Die ie nosc Criator. La Bibia dij: “Ël nes à fat y a d’ël purtenionse” (Salm 100:3; Revelazion 4:11).

•   Die à crià dut cun n fin, nce nëus (Salm 115:16).

•   Die nes à crià cun l bujën de giapé la respostes ala dumandes dla vita; danter chëstes ie nce l dejidere de unì sëura ciun che ie l fin dla vita (Mateo 5:3). Ël uel che chësc dejidere vënie pascentà (Salm 145:16).

•   Pudon pascenté nosc bujën spirituel sce se sfurzon de cunëscer Die y deventé si amics. Trueps miena che l ne n’ie nia puscibl vester amics de Die, ma la Bibia nes dij: “Fajëdeve daujin da Die y ël se fajerà daujin da vo” (Iacun 4:8; 2:23).

•   Per deventé amics de Die messons viver aldò de chël che ël se à tëut dant per nëus. Si pruponimënt vën ndicà tla Bibia te Qohélet (o Ecclesiastes) 12:13: “Ebes timor de Die y mantën si cumandamënc! Chësc ie chël che sëulamënter va de bujën per l uomo”.

•   Tl daunì tulerà Die demez la suferënzes y dajerà la vita eterna a si amics, chëi che fej si ulentà. Pona uderons coche Die realiserà defin chël che ël se à tëut dant per nëus (Salm 37:10, 11).