Sci, ajache l miëur aiut vën da “Die che cunsulea i tribulei” (2 Corìntesc 7:6).

•   Forza. Die nes “cunsulea” nia tulan demez i problems, ma nes dajan la forza per jì inant tres la priera (Filìpesc 4:13). Pudon vester segures che Die nes scota su ajache la Bibia dij: “L Seniëur ti sta dlongia a chëi dal cuer ferì, ël juda su chi che defin ie ju de corda” (Salm 34:19 [34:18, NM]). Die possa nce dé audida a nosta cherdeda d’aiut canche nes mancia la paroles per spieghé nosc sentimënc (Romans 8:26, 27).

•   De bon ejëmpli. N scritëur dla Bibia ova fat cunëscer a Die si pëina tres chësta paroles: “Dal sofonz, Seniëur, te chërdi”. Cie ti ova pa judà a ti jì permez ala deprescion? Lecurdé che Die ne uel nia che vivon cun sentimënc de colpa. Ël ova dit a Die: “Sce tu, Seniëur, stes a cunscidré la colpes, Seniëur, chi pudëssa pa sté rëit? Ma pra té iel perdunanza, acioche n te servësce cun stima” (Salm 130:1, 3, 4).

•   Speranza. Die nes dà nia mé cunfort bele śën, ma ël nes mpermët nce che l tulerà demez duc i problems che gauja la deprescion. Canche Die adempirà chësta mpermetuda, “ne n’unirà nia plu lecurdà chël che fova dant”, nianca la deprescion (Isaia 65:17, NM).

 Nota: I Testemonesc de Iehova à fidanza tl aiut che Die dà, ma i se nuza nce dl aiut di dutores per curé malaties sciche la deprescion (Merch 2:17). A uni maniera ne cunsiei deguna terapia spezifica; te chësta questions à uniun l dërt de dezider per sé nstës.