La persona ne po’ y ne puderà mei purté la pesc tl mond per plu rejons:

•   “Ala persona ne ti spietel nianca de avisé si vares” (Geremia 10:23, NM). La persona ie unida crieda no cun l dërt no cun la capazità de se guverné da sé nstëssa. Daviadechël ne puderala mei purté na pesc che dura tl tëmp.

•   “No ve lascëde sun chëi che à putënza, sun l uomo che ne possa nia dé salvëza: ël lascia de tré l flà y inò devëntel tiera, en chël di desfanta dut cie che l s’à mo tëut dant” (Salm 146:3, 4). Nce i guvernadëures che ie muec dala miëura ntenzions ne puderà mei desravisé la gaujes dla vieres.

•   “Sebes nce chësc: ti ultimi dis uniral docà de rie tëmps. La jënt sarà [...] da uem y aruganta, [...] zënza amor, [...] dessenëusa y [...] adurbeda dala superbia” (2 Timótee 3:1-4). Vivon ti “ultimi dis” de chësc stlet mond ulache l ie rie arjonjer la pesc per via dl stlet cumpurtamënt dla persones.

•   “Ma guai a vo, tiera y mer, davia che l malan ie unì rauscià ju da vo cun na gran rabia ados, y davia che ël sà che l ti resta mé plu puech tëmp” (Revelazion 12:12). L malan, nemich de Die, ie unì rauscià ju tla ujinanza dla tiera y mëina la persones a tò su si manieres crudeles y viulëntes. Nchin che ël sarà “l reniant de chësc mond”, ne puderons mei viver n pesc (Giuani 12:31).

•   L Rëni de Die “finerà su cun i autri rënies, ma che nstës ne n’arà mei na fin y che ne n’unirà nce no sëurandat a n auter popul” (Daniel 2:44). Mé l Rëni de Die, y nia i guvierns atuei po’ nes garantì la vita eterna te n mond de pesc (Salm 145:16).